Bibliam niwanchik mayor kaq iñiqmasinchikkunataqa tayta-mamanchikta hina rimapayanapaq, musu utaq sipas iñiqmasinchikkunatañataq wawqinchikta utaq paninchikta hina rimapayanapaq (qaway 1 Timoteo 5:1, 2). Astawanraqmi qari kaqkunaqa warmi iñiqmasinchikkunata respetowan rimapayananku.

Qari iñiqmasinchikkunaqa manamá pi warmi iñiqmasinchiktapas asipayanankuchu nitaq hukmanyachinankuchu (Job 31:1). Soltero iñiqmasinchikqa manaraq casarakuyta piensaspanqa manamá soltera iñiqmasinchikwanqa asikachananchu nitaq yanqaqa rimapayananchu, chaynapi soltera iñiqmasinchik mana hukmanyasqa qipananpaq.

Punta apaqkunaqa warmi iñiqmasinchikkuna imamantapas tapukuptinkuqa utaq ima llakinkutapas willakuptinkuqa sumaqtam uyariykunanku. Astawanraqmi viuda iñiqmasinchikkunataqa yanapaykunanku (Rut 2:8, 9).

SUNQUMANTAYÁ KUYASUN... VIUDAKUNATAWAN MANA TAYTA-MAMAYUQKUNATA NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imatam iñiqmasinchikkunaqa ruwarqaku paninchikpa sunqunta tiyaykachinankupaq?

• Viuda iñiqmasinchikta kallpanchanankupaq iñiqmasinchikkunapa risqankuta qawaspankuqa ¿ima nirqakutaq runakuna?

• ¿Imaynañam viuda iñiqmasinchikpa wawankuna kachkanku iñiqmasinchikkuna yanapasqankurayku?

¿Imata ruwaspataq warmi iñiqmasinchikkunata yanapachwan?