Ñawpaqtapas Jehova Diosqa Israel nacionpi wakcha runakunatam yanaparqa. Chaynam kunanpas Jehova Diosqa wakcha iñiqmasinchikkunata yanapan. Imayna yanapasqanmantayá yachaykusun.

• Qullqi maskayllaman ama qukurunankupaqmi yanapan (Lc 12:15; 1Ti 6:6-8).

• Jehova Diosqa wakcha runakunata kuyasqantam nin (Job 34:19).

• Allin llamkakuq kanankupaqmi yachachin, yachachintaqmi cuerponkuta ama dañakunankupaqpas (Pr 14:23; 20:1; 2Co 7:1).

• Jehova Diosqa llaqtanpi kaq runakunawanmi yanapan (Jn 13:35; 1Jn 3:17, 18).

• Hamuq tiempopi allinña kawsakunankumantam willan (Sl 9:18; Is 65:21-23).

Ima sasachakuypiña tarikuspanchikpas manam llumpaytaqa llakikunanchikchu (Is 30:15). Aswanqa Jehova Diospim hapipakunanchik. Payta puntapi churaptinchikqa imapas pisipuwaqninchiktam quwasunchik (Mt 6:31-33).

KUYAKUQYÁ KASUN... WAKCHA KASPAPAS-CONGO NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imakunatam iñiqmasinchikkunaqa ruwanku hatun huñunakuyman hamuq iñiqmasinchikkunata sumaqta atiendeykunankupaq?

• ¿Imaynatam kay videoqa qawachin Jehova Diosqa wakchakuna kuyasqanta?

• ¿Imaynatam Jehova Diospa qukuykuq kasqanta qatipakuchwan mana ancha kapuqniyuq kaspapas?