“Runakunawan imaynata rimanapaq” niqqa allin ruwasqam kachkan. Achka iñiqmasinchikkunam ninku chaypa nisqanman hina willakuptinkuqa runakuna uyarisqanmanta. Ichaqa sapakama willakusqanchikqa manam chaynallachu. Chaymi Diosmanta willakuspaqa yachasqanchik lawpi runakunapa yachay munasqankumanta willakuchwan. Ichaqa Diospa llaqtanpi punta apaqkuna enteron pachapi huk qillqata runakunaman qunanchikpaq imayna ruwanapaq niwaptinchikqa chayman hinam willakunanchik. Kallpanchakunanchikmi Jesuspa kamachisqanman hina Diosmanta allin willakuykunata lliw runakunaman willakunanchikpaq (Mt 24:14).

Huñunakuypi yachachiy tupawaptinchikqa “runakunawan imaynata rimanapaq” niqman hinam ruwananchik, chayqa kay qillqapa tukupayninpim kachkan. Imata ruwanapaq nana niwaptinchikqa akllachwanmi huk tapukuytapas utaq huk textotapas yachasqanchik lawpi runakuna yachay munasqankuman hina. Kay yachachikuyqa 2020 watapa junio killanpi Huñunakuypi yanapawaqninchik qillqapa 8 paginanpi nisqantam cambiachkan.