Manaraq tukupay tiempo chayamuchkaptinmi tiemponchikta hinaspa kallpanchikta allinta servichikunanchik Jehova Diosta astawan servinanchikpaq (1Co 9:26; Ef 5:15, 16). Familiaykichikwan Diosta yupaychasqaykichikpim rimariwaqchik qatiqnin watapi Diosmanta willakunaykichikpaq imakunapi kallpanchakunaykichikmanta. Kay qillqapim kachkan achka yanapakuykuna Diosta servinapaq imakunapi kallpanchakunamanta, chaypaqqa allinta tantianaykipaqmi Diosta mañakuwaq (Stg 1:5).

Atiwaqchikmi lliw familia yanapanakuspaykichik hukllaykichikpas precursor kayta. Sichu piensanki qanchis chunka horata mana willakuyta atinaykimanta hinaspaqa huk precursortam tapukuwaq (Pr 15:22). Chaymantapas familiaykiwan Diosta yupaychasqaykimanmi invitawaq huk precursorta hinaspam tapuwaq imayna ruwasqanmanta. Chaymantañataq qillqawaq imay horakunapi willakunaykipaq. Ichapas ñawpaqta precursor karqanki chaynaqa kunanpas precursor kaytaqa atiwaqmi.

Familiaykipiqa wakinllaykichikpas precursor auxiliarmi kawaqchik ichapas iskay-kimsa killa utaq maspas. Yuyaqña kaspapas atiwaqmi huk ratullapas sapa punchaw willakuyta. Ichapas llamkasqaykirayku utaq estudiasqaykirayku mana ancha tiempoyki kanchu willakunaykipaq, chayna kaptinpas wakin feriadoyuq killakunapim precursor auxiliar kayta atiwaq. Calendarioykipim marcawaq ima killakunapi precursor kanaykipaq hinaspa imay hora willakunaykipaq (Pr 21:5).

AMAYÁ MANCHAKUYCHIKCHU... DIOSMANTA WILLAKUYPI ÑAWPARIQKUNA (PRECURSOR) NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynatataq Jehova Dios yanaparqa Emma sutiyuq iñiqmasinchikta? ¿Ñuqanchiktapas imatam yachachiwanchik?