DIOSPAQ HINA KAWSANAPAQ
¿Imakunapitaq kallpanchakuchwan septiembre killamanta?
Jehova Diosta astawan servinapaq kallpanchakuptinchikqa paymi kusikunqa. Tiemponchikwan hinaspa kallpanchikwan Diosta astawan servisqanchikqa yanapawanchikmi iñiyninchikpi ñawparinapaq (1Ti 4:15). ¿Imanasqataq sapa kuti yuyaymanananchik imakunata Diospaq ruwananchikpi? Tiempopa pasasqanman hinam mana chaynalla tiempoyuq hinaspa kallpayuq kanchik, chaymi imapipas yanapakuyta munasqanchikpiqa manañapas atichwanchu. Utaq hayparunchikña imapipas yanapakuy munasqanchikta chayna kaptinqa huk ruwaypipas yanapakunapaqñam kallpanchakuchwan.
Allinmi kanman manaraq septiembre killa chayamuchkaptin imakunapi kallpanchakunapaq yuyaymanayninchik. Chaymantam rimawaqchik aylluykiwan Diosta yupaychasqaykichik tutapi, ichapas rimawaqchik sapakama imapi kallpanchakunaykichikmanta chaynataq llapaykichik imakunapi kallpanchakunaykichikmantapas.
¿Imakuna ruwanaykipaqtaq kallpanchakuwaq hinaspa imaynatataq chayta ruwawaq?
Bibliata leenaykipaq, qillqanchikkunata estudianaykipaq, huñunakuyman rinaykipaq hinaspa chaypi rimarinaykipaq (w02-S 15/6 pag. 15 § 14, 15).
Diosmanta willakunaykipaq (w23.05 pag. 27 § 4, 5).
Allin runa kanaykipaq (w22.04 pag. 23 § 5, 6).
Hukkunapipas:
