Septiembre killapim astawan kallpanchakusun lliw runakunaman Diospa gobiernollan tukuy sasachakuykunata chinkachinanmanta willakunapaq (Mt 24:14). ¿Imatam ruwachwan chay killapi astawan willakunapaq? Chay killapim Diospa gobiernonmanta rimaq textota llapallan atisqanchik runakunaman leepuchwan. Pipas astawan yachayta munaptinqa, 2020 watapi lluqsimuq Diosmanta willakunapaq 2 kaq Willakuq qillqanchiktam quykuchwan. Rimasqanchik runata kaqmanta watukunanchikpaqmi kallpanchakunanchik hinaspam bibliamanta yachachiyta qallarichwan Kusisqa kawsakunapaq sutiyuq folletonchikwan. Septiembre killapi precursor auxiliar kaqkunaqa 15 utaq 30 horatam willakunmanku.

Jehova Diospa gobiernon kay allpa pachapi gobiernokunata chinkachinanpaq tiempoqa hichpallapiñam kachkan (Da 2:44; 1Co 15:24, 25). Kallpanchakusunyá kay killapi Jehova Diospa gobiernonmanta willakunapaq, chayta ruwaspam payllaman sayapakusqanchikta qawachisun.