Esdrasqa ‘tukuy sunqumantam tantiakururqa Jehova Diospa kama­chikuyninkunamanta yachananpaq’, chaymi yachasqankunaqa sunqunman chayarqa. Tantiasqankunawanmi chayna kasqanta qawachirqa (Esd 7:10; w00-S 1/10 pag. 14 § 8).

Esdrasqa llaqtamasinkunatam yanaparqa Diosqa allin yachayniyuq kasqanta cuentata qukunankupaq (Esd 7:25; si-S pag. 75 § 5).

Esdrasqa Diospa ñawpaqninpi humillakuspanmi paypi hapipa­kurqa hinaspa pay yanapananta chaynataq amparananta saqikurqa (Esd 8:21-23; it-1-S pag. 1186 § 4).

Runakunaqa chayllam cuentata qukuqku Esdrasqa Diospa yachachisqan runa kasqanta, chaymi kamachiqpas churaykurqa imamantapas cuentallikuq kananpaq. Kunanpas Diospa yachachisqan runa hina allinta kawsakuptinchikqa runakunam Diosninchikta hatunchanqaku.

YUYAYMANAY: “¿Runakunapa respetasqanchu kani Diospa kamachikuyninman hina kawsakuspay?”.