¿IMANASQATAQ ANCHA ALLIN? Internetnintakama qillqanakuyqa yanapawanchikmanmi, ichaqa mana yuyaywan servichikuptinchikqa sasachawachwanmi. Chaymi wakin iñiqmasinchikkunaqa mana servichikunkuchu, wakinkuñataqmi ayllunwan hinaspa amistadninkunawan rimanankupaq servichikunku. Satanasmi ichaqa munan internetta mana allinta servichikunanchikta, chaynapi pinqaypi qipananchikpaq hinaspa Diosmanta karunchakurunanchikpaq. Chaymi bibliapa yachachikuyninkuna yanapawasun internetta allinta servichikunapaq (Lc 4:4, 8, 12).

¿IMAKUNAPITAQ SASACHAWACHWAN?

• Tiemponchiktam usuchichwan. Internetta unaysusu servichikuspaqa tiemponchiktam usuchichwan, hinaspam qunqaruchwan Diospaq ruwayninchikkunata.

  Bibliapa yachachisqan: (Ef 5:15, 16; Flp 1:10)

• Mana allinkunatam qawaruchwan. Internetpiqa rikurinmi qalalla kaqkuna hinaspa Diosta qipanchaqkunapa qillqasqankuna. Chaymi chaykunata qawayta qallaykuchwan hinaspam huchapakuyman wichiykuchwan utaq Diospa llaqtanmanta karunchakuruchwan.

  Bibliapa yachachisqan: (Mt 5:28; Flp 4:8)

• Mana allinkunatam qillqaruchwan, mana allin fotokunatapas churaruchwanmi. Sunqunchik pantachikuqllaña kasqanraykum chaykunata ruwaruchwan. Chayta ruwaspanchikqa pinqaypim qiparuchwan, hukkunapas chayta qawaspankum Diosmanta karunchakurunmanku.

  Bibliapa yachachisqan: (Ro 14:13; Ef 4:29)

ALLINTAYÁ INTERNETTA SERVICHIKUY NIQ VIDEOTA QAWARUSPA YUYAYMANAY KAYNA SASACHAKUYKUNAPI MANA TARIKUNAYKIPAQ IMA RUWANAYKIMANTA: