¿IMANASQAM ANCHA ALLIN? Bibliata sapallanchikpi estudiaspaqa sumaqtam yachasunchik, chaytam biblia nin ‘chiqap kaqpa anchonta, largonta, mayna hatun kasqanta hinaspa mayna uku kasqanta entiendey’ hina kasqanmanta (Ef 3:18). Bibliamanta sumaqta yachayqa yanapawanchiktaqmi mana ima huchatapas ruwanapaq chaynataq ‘kawsay qukuq palabramanta allinta hapipakunapaq’ (Flp 2:15, 16). Sapallanchikpi estudiaspaqa akllachwanmi ima yachay munasqanchiktapas. ¿Imaynatam sapallanchikpi estudiaspa bibliamanta hinaspa qillqanchikkunamanta astawanraq allinta yachachwan?

¿IMAYNATAM RUWACHWAN?

• Bibliata estudiaspaqa señalananchikmi yanapawaqninchik versiculokunata utaq waqtachanpi qillqachwan. Aparatonchikpipas chaytam ruwachwan.

• Bibliata ñawinchaspaqa tapukuchwanmi “pi”, “imataq”, “maypi”, “haykapi”, “imaynata” hinaspa “imanasqa”, nispa.

• Imamantapas sumaqtam yachananchik. Chaypaqmi servichikuchwan Diospa llaqtanpa ruwasqan yanapakuykunata, chaypiqa maskachwanmi yachay munasqallanchikta.

• Ñawinchasqanchik imaynata yanapawasqanchikpim yuyaymanananchik.

• Yachasqanchikkunatam ruwayman churananchik (Lc 6:47, 48).

BIBLIATA ALLINTA ESTUDIAYQA JEHOVA DIOSMANMI ASTAWAN ASUYKACHIWANCHIK NIQ VIDEOTA QAWARUSPAYKI, KAY TAPUKUYKUNAMANTA RIMARIY:

• ¿Ima ninkutaq iñiqmasinchikkuna sapallankupi biblia estudiasqankumanta?

• ¿Imanasqataq Diosta mañakunanchik manaraq estudiayta qallaykuspa?

• ¿Ima ruwaymi yanapawasunchik bibliapa mayqan partentapas sumaqta entiendenapaq?

• ¿Imanasqataq achka colorkunawan biblia estudiasqanchikta señalayqa yanapawanchikman?

• ¿Imanasqataq ancha allin biblia ñawinchasqanchikpi yuyaymanayqa?

• ¿Imatam yacharusqanchikwanqa ruwananchik?