DIOSPAQ HINA KAWSANAPAQ
¿Imaynatam Diosta uyariy niq qillqata servichikuchwan?
Diosta uyariy qillqaqa ruwasqa kachkan dibujokunawan yanapachikuspa ñawinchay sasachakuqkunaman Diosmanta imam kaqta yachachinapaqmi. Sapa yachachikuymi iskay paginapi kachkan, sumaq dibujokunawan ruwasqa. Sapa dibujopim kachkan flechacha kaqlla, chaymi qawachichkan ima dibujo qatisqanta.
Diosta uyariy hinaspa wiñaypaq kawsay qillqapipas Diosta uyariy niq qillqapi rikuriq dibujokunallam kachkan, ichaqa aswan achka letrayuq. Ñawinchay atiqkunaqa kay qillqawanmi bibliamanta yachanmanku. Kay qillqatataqmi Diosmanta willakuqkunaqa servichikunku bibliamanta yachachisqanku runa Diosta uyariy qillqawan bibliamanta yachaptin. Wakin yachachikuykunapa tukuyninpiqa kachkantaqmi huk yachachikuykunapas.
Ima killapipas chay qillqakunataqa quchwanmi. Bibliamanta yachachispaykiqa chay qillqakunapi rikuriq dibujokunata servichikuy. Yachachisqayki runata tapuy yachasqaykichikmanta rimarinanpaq, chaynapi entiendesqanta yachanaykipaq. Ñawinchaytaq yachasqaykichik paginapa tukuyninpi rikuriq bibliapa textonkunata, hinaspa sumaqta entiendechiy chay ñawinchasqaykichikmanta. Diosta uyariy qillqata estudiayta tukuruspaykichikqa ¿Imatapunim Bibliaqa yachachin? niq qillqataña estudiaychik, chaynapi bautizakuyman chayananpaq.