DIOSPAQ HINA KAWSANAPAQ
Aylluykita yanapay Jehova Diosninchikta yuyanankupaq
Jeremiasmi kamachisqa karqa judio runakunata Diosta qunqarusqankurayku anyamunanpaq (Jer 13:25). ¿Imanasqataq Diosta qunqarurqaku? Israel runakunaqa manañam Diosta yuyarqakuchu, chaymi ayllunkupipas manaña allinchu kaqku. Yaqachusmi chay tiempopi tayta-mamakunaqa Deuteronomio 6:5-7 nisqanta mana kasukurqakuchu.
Kunan tiempopipas, Diosta kasukuq ayllukunaqa ancha allinmi Diospa llaqtan huk sunqulla kananpaq. Tayta-mamakunaqa wasinkupi Diosta yupaychaspankum churi-wawankuta yanapanmanku Jehova Diosta yuyanankupaq (Sl 22:27). Kay kamachisqaykunam sunquykipi kanan: Ayllukunata tapusqanku, niq videota qawaruspaykichik qatiqninpi tapukuykunamanta rimariychik:
-
¿Imakunatam wakin ayllukunaqa atiparqaku ayllunkuwan Diosta yupaychanankupaq?
-
¿Imakunapim sapa kuti Diosta ayllunkuwan yupaychasqankuqa yanaparqa?
-
Ñuqataqa, ¿imakunam sasachawan Diosta aylluywan yupaychanaypaq? ¿Imatam ruwayman chaykunata atipanaypaq?