Israel runakunaqa manañam Jehova Diosta yuyarqakuchu
Diosmi Jeremiasta kamachirqa karullay-karuta illaspan wiqaw watakunata pakananpaq. Chay ruwasqanwanmi Jehova Diosqa qawachirqa Juda chaynataq Jerusalen runakunapa mana kasukuyninkuta hinaspa hatun tukuq kayninkuta tukunanmanta.
Jeremiasmi wiqaw watakunata rantirurqa
-
Jeremiasmi wiqaw watakunawan wiqawninpi watakururqa, chayna ruwasqanmi qawachirqa ñawpaqtaqa Jehova Dioswan Israel runakuna allinlla kasqankuta.
Jeremiasqa wiqaw watakunatam Eufrates mayukama aparqa
-
Qaqapa raqranpi pakaruspanmi kutirqa Jerusalen llaqtaman.
Jeremiasqa Eufrates mayumanmi kutirqa wiqaw watakunata kutichimunanpaq
-
Wiqaw watakunatam tarirurqa ismusqataña.
Diospa kamachisqanta Jeremias ruwaruptinñam, Diosqa imanasqa wiqaw watakunata pakananpaq kamachisqanmanta willarqa
-
Jeremiasqa tukuypim Jehova Diosta kasukurqa, chayna kasukuyninqa allinmi karqa runakuna Jehova Diosta uyarinankupaq.