25:1-12

Chunka sipaskunamanta rikchanachiywan hanaq pachapaq akllasqa kaqkunata Jesuspa yachachisqanqa lliw qatiqninkunatam yanapawanchik (w15 15/3 pag. 9-14). Jesusmi nirqa: “Qawan-qawanllayá kaychik, manam yachankichikchu imay punchaw nitaq imay hora kanantaqa”, nispa (Mt 25:13). Qatiqninpim qawasunchik chunka sipaskunamanta rikchanachiy imakunawan tupasqanmanta.

• Novioqa tupan (v. 1) Jesuswanmi.

• Aysakuchankupi aceitenku apaq allin yuyayniyuq sipaskunaqa tupan (v. 2) imam llamkay chaskisqankuta cumplispanku achki hina tukupaykama kanchaq hanaq pachapaq akllasqakunawanmi (Flp 2:15).

• “¡Kaypiñam novioqa!” utaq hamuchkanñam nispa qayakusqankuqa tupan (v. 6) hanaq pachamanta Jesus kamachiyta qallaykamusqanwanmi.

• Mana yuyayniyuq sipaskunaqa tupan (v. 8) mana rikchan-rikchanlla kaspanku Diosta qipancharuq hanaq pachapaq kaqkunawanmi, paykunamanta rimaspanmi biblia nin novio taripaq risqankumanta.

• Allin yuyayniyuq sipaskuna aceitenkuta mana quy munasqankuqa tupan (v. 9) Diosta qipanchaq hanaq pachapaq kaqkunata manaña yanapay atisqankuwanmi. Hanaq pachapaq kaqkuna wiñaypaq akllasqa kaspankuqa manañam Diosta qipanchaqkunataqa yanapayta atinqakuñachu.

• Novio chayamusqanqa tupan (v. 10) llumpa-llumpay ñakariy punchawkunapa tukupayninpi Jesus kutimuspan runakunata juzgananwanmi.

• Allin yuyayniyuq sipaskuna convidoman noviowan yaykuruptinku punku wichqakurusqanqa tupan (v. 10) Diosman sunqu hanaq pachapaq akllasqa kaqkunata Jesus hanaq pachaman huñusqanwanmi hinaspa mana kasukuqkunatañataq qipancharusqanwanmi.