¿IMANASQAM ANCHA ALLIN? Apostol Pablom 14 cartakunata qillqarqa iñiqmasinkunata kallpanchananpaq. Cartakunata qillqayqa allinmi, ¿imanasqa? Cartakunata ruwaspaqa sumaq rimaykunawanmi qillqanchik, cartata chaskiqpas kuti-kutirispam qawanman. Cartakunawanmi ayllunchikta hinaspa riqsinakusqanchik runakunaman Diosmanta willakuyta atichwan. Sichu willakusqanchik lawpi Diosmanta yachay munaq runakunata wasinpi mana tarispaqa cartatam qillqaykapuchwan. Willakusqanchikpi runakunata wasinpi mana tarispapas carta qillqasqanchiktam saqichwan. Ichaqa ¿imaynatam mana riqsisqanchik runakunaman qillqachwan?

¿IMAYNATAM RUWACHWAN?

• Runakunawan rimachkachwanpas hinallam qillqana. Testigo kasqanchikwan riqsichikuspanchikmi sutinchikta qillqachwan, willachwanmi imanasqa cartata qillqasqanchikmanta. Qillqachwantaqmi huk tapukuyta hinaspa willachwan chay tapukuymanta yachananpaq internetpi jw.org nisqanman yaykunanpaq. Willachwantaqmi wasinpi bibliamanta yachachiyta munasqanchikmanta, qillqachwanmi yachachisqanchik qillqapa huk kaqnin yachachikuyninta. Carta apachisqanchikpim hinaykuchwan huk kaqnin taksa qillqanchikta, kanmanmi huñunakuyman hamunanpaq invitacionta utaq jw.org nisqaman yaykunapaq tarjetachata.

• Ama llumpaytaqa qillqaruychu. Mana chayqa wasiyuqmi cartata qawaspan ñawinchayta qillapakurunman (“Cartata imayna qillqanapaq” niq yachachikuyta qaway).

• Carta qillqasqanchikqa mana sasachakuspa ñawinchanapaqmi kanan. Sumaq rimaykunawantaqmi qillqananchikpas. Allinmi kanman cartata apanankupaq ñuqanchik pagayninchik.