¿IMANASQAM ANCHA ALLIN? Ñawsa runakunaqa manchakunkum mana riqsisqanku runawan rimaytaqa. Chayraykum paykunaman Diosmanta willanapaqqa yachana paykunawan imayna rimayta. Jehova Diosninchikqa ñawsa runakunataqa kuyanmi, chaymi paykunataqa yanapan (Le 19:14). Ñuqanchikpas Jehova Diosninchik hinayá ñawsa runakunata yanapasunchik Diosta riqsinankupaq.

¿IMAYNATAM RUWACHWAN?

• Ñawsa runakunata maskasun (Mt 10:11). ¿Pi riqsisqayki runapapas kanchu ñawsacha ayllun? ¿Huñunakusqayki lawpiqa kanchu ñawsa runakunapaq wasikuna utaq maypipas huñunakusqanku? ¿Yaqachu chay wasikunapi nanachikuq runakuna munanmanku ñawsachakunapaq qillqakunata?

• Kuyakuywan yanapasunchik. Sumaqllata hinaspa kuyakuywan rimapayaptinchikqa riqsisqanta hinam ñawsachakunaqa uyariwasunchik. Yachasqan lawpi imapas kasqanmanta rimaychik.

• Jehova Diosmanta yachanankupaq yanapasunchik. Ñawsa runakunata yanapanapaqmi Diospa llaqtanqa ruwarun achka yanapakuykunata. Ñawsachata tapusun imawan yachayta munasqanmanta. Diosmanta willakunapaq yanapakuq punta apaqmi nanachikunan ñawsa kaqkuna munasqanku yanapakuyta chaskinankupaq. Chaypaqmi qillqakunata mañaq iñiqmasinchikta ninan.