Jehova Diosninchikqa ‘kusikuq Diosmi’, chaymi payqa munan willakuspanchikpas kusisqa kananchikta (1Ti 1:11). Kusisqaqa willakusun Diosmanta allinta willakunapaq kallpanchakuspallam. Chaypaqqa tapukuykunatam ruwananchik, chaynapi uyariwaqninchik rimayta munananpaq. Tapukuykunaqa uyariwaqninchikkunatam yuyaymanachin (Mt 22:41-45). Tapusqanchikmanta imapas rimarisqanta sumaqta uyarispanchikqa yanapay munasqanchiktam qawachichkanchik (Stg 1:19). Chaymantapas rimarisqankuqa yanapawasunmi imamanta yachachinapaqpas.

KUSIKUSUNYÁ RUNAMASINCHIKKUNAMAN DIOSMANTA YACHACHISPANCHIK. ALLIN YACHACHIQ KANAPAQ: YACHANAM TAPUKUYKUNA RUWAYTA NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imatam Mariaqa ruwarqa? ¿Imayna kasqantam chaywan yachanchik?

• ¿Imatam Ritaqa Mariapa sutinta yachaykuspan nirqa?

• ¿Ima nirqataq Ritaqa Maria bibliamanta yachayta munananpaq?

• ¿Ima tapukuytam Ritaqa ruwarqa Mariata yuyaymanachinanpaq?