Biblia estudiaqkuna Dioswan kuyachikuyta munaspankuqa mana allin ruwayninkutam saqinanku (1Pe 1:14-16). Mana allin ruwayninkuta saqispankuqa familiankuwanpas kusisqam kawsakunqaku, sanotaqmi kanqaku, qullqinkutapas manam yanqakunapiqa usuchinqakuchu.

Bibliamanta yachachisqanchik runamanqa mana manchakuspam willananchik “kaytam utaq waktam Diosqa kamachiwanchik chayta kasukuspaqa allinmi kasun” nispanchik (Ef 4:22-24). Hinallayá paykunata bibliawan yanapasunchik chaynapi imayna piensasqankuta cambianankupaq (Flp 4:13). Ninanchiktaqmi Jehova Diospa yanapakuyninwanqa ima sasachakuytapas atipananmanta. Chaymantapas yachachinanchikmi imapas mana allin pensamientokuna umanman chayamuptin Diosta mañakunanpaq. Bibliamanta yachachisqanchik runakunataqa yanapananchiktaqmi mana allin ruwayta saqispan allin kaqkunataña ruwananpaq. Paykuna Diospa munasqanman hina kawsakuptinkuqa kusisqam kasunchik.

YACHACHISQANCHIK RUNAMASINCHIKKUNATA YANAPASUNCHIK...MANA ALLIN RUWAYNINKUTA SAQINANKUPAQ NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Ima nirqakutaq punta apaqkuna hinaspa Rita, Maria cigarro pitasqanta niptin?

• ¿Imatam Rita ruwarqa Mariata yanapananpaq?

• ¿Imatam Maria ruwarqa Jehova Dios yanapananpaq?