Wakinpiqa ima sasachakuywanpas hukmanyanchikmi, aswanraqmi chay sasachakuyninchik unay tiempo kaptinqa. Davidpas Saul chiqnisqanraykum hukmanyasqa tarikurqa, chayna kaptinpas manam iskayrayarqachu Jehova Dios yanapananmantaqa hinaspa rey kananpaq churananmantaqa (1Sa 16:13). Chaymanta mana iskayrayasqanmi yanaparqa hinalla ima sasachakuyña kaptinpas Jehova Diospi hapipakunanpaq.

Ima sasachakuypi tarikuspapas allintam tantiananchik imata ruwanapaq (1Sa 21:12-14; Pr 1:4). Wakinpiqa manamá ima sasachakuyninchikpas chayllachu allichakurunqa, chayraykum pacienciawan allichakunanta suyananchik hinaspa Jehova Diospi hapipakunanchik. Payqa chinkachinqañam kunan tiempopi tukuy ima llakichiwaqninchikkunataqa (Ap 21:4). Imapas sasachakuyninchikqa tukuruqllam manam wiñaypaqchu chay yachayninchikmi anchata kusichiwanchik.

YANA UTAQ YURAQ KASTA KASPANKUPAS IÑIQMASINCHIKKUNAQA HUÑULLAM KARQAKU NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Ima sasachakuypim tarikurqaku Estados Unidos nacionpi iñiqmasinchikkuna?

• ¿Imata ruwaspankum pacienciakuq hinaspa kuyakuq kasqankuta qawachirqaku?

• ¿Ima ruwayninkum iñiqmasinchikkunapaqqa ancha allin karqa? (Flp 1:10).