Tawa videonchikkunam kapuwachkanchik bibliamanta yachachiyta qallaykunapaq. ¿Imaynatam chay videokunata servichikuchwan Diosmanta willakuspanchik?

• ¿Imanasqataq Bibliata estudiana? (enteron video). Kay videoqa runakunatam ima religionniyuqña kaptinkupas, bibliamanta allinta yachanankupaq yanapan. Yanapantaqmi ima tapukuytapas bibliapi tarinankupaq. Tukupayninpiñataqmi kachkan pipas bibliamanta yachayta munaspanqa imata ruwananpaq.

• ¿Imanasqataq Bibliata estudiana? (partellan video). Kay videoqa punta kaq videopa partellanmi, huk minuto masnillanpim tukun, kaytam qawachichwan mana ancha tiempoyuq runakunaman.

• ¿Imaynatam Bibliamanta yachachiniku? Kay videoqa imaynata mana qullqillapaq bibliamanta yachachisqanchikta yachanankupaqmi yanapan. Willakuntaqmi pipas bibliata estudiayta munaspan imata ruwananmantapas.

• Bibliata estudiayninchikqa allinninchikpaqmi. Kay videotaqa qawachina biblia estudiaqkunamanmi. Qawachichwantaqmi Kusisqa kawsakunapaq sutiyuq libropa iskay kaq paginanta estudiaspapas. Qawachichwantaqmi Kusisqa kawsakunapaq folletowan estudiaspapas. Kay videoqa enteron libro imayna ruwasqa kasqanmantam willakuchkan chaynataq imaynata estudianamantapas.

Kay videokunaqa sumaq ruwasqam kachkan runakunata yanapanapaq, chaymi Diosmanta willakuspanchikqa mayqintapas qawachichwan. Chaypaqqa kikinchikraqmi kay videokunata allinta qawananchik, chaynapi Diosmanta willakuyninchikpi allinta servichikunapaq.