Jesuspa rikchaynin tikrakuptinmi Diosqa nimurqa: ‘Qanmi kanki kuyasqay churiy’, nispa. Anchatachá chayta uyarispanqa Jesusqa kusikurqa. Arí kallpanchasqam tarikurqa hamuq punchawkunapi sasachakuykunata atipananpaq. Chayta qawaspankum Pedropas, Santiagopas hinaspa Juanpas ancha admirasqa tarikurqaku. Manam iskayrayarqakuchu Jesusqa Diospa akllasqan runa kasqanmantaqa nitaq Jesusta qatisqanku allin kasqanmantapas. Yaqa kimsa chunka wata pasaruptinpas Pedroqa chay rikusqanta yuyarispanmi mana iskayrayarqachu ‘Diosmanta willakuqkunapa yachachisqankumanta’ (2Pe 1:16-19).
Pedropa rikusqanta ñuqanchik mana qawaspapas qawachkanchikmi imayna cumplikusqanta. Kunan tiempoqa Jesusqa ancha atiyniyuq kamachikuqmi. Hichpallañam kachkan enemigonkunata chinkachinanpaq punchawqa, chayta ruwaptinmi allpa pachanchikqa allinña kanqa (Ap 6:2).
¿Imaynatam Diospa nisqankunapa cumplikusqanqa yanapasunki aswan allin iñiyniyuq kanaykipaq?
