‘Tukupay punchawkunapi’ kawsakusqanchikraykum sasachakuykunaqa astawan kanqa (2Ti 3:1; Mt 24:8). Chaymi Diospa llaqtanqa niwanchik manaraq sasachakuykuna kaptin imata ruwananchikpaq. Chay niwasqanchikkunata kasukuspaqa hinaspa listolla kaspaqa imaña kaptinpas manam wañusunchu (Lc 16:10).

• Diosmanta astawan yachanapaq kallpanchakusun. Biblianchikta sapa punchaw ñawinchanapaq kallpanchakusun. Kallpanchakusuntaq Diosmanta sapallanchikpi astawan yachanapaq chaynataq maypiñapas Diosmanta willakunapaq. Amayá manchakusunchu imapas kasqanrayku iñiqmasinchikkunawan manaña huñunakuspaqa (Is 30:15). Amayá iskayrayasunchu Jehova Dioswan Jesus ñuqanchikwan kananmantaqa (od-S pag. 175, 176 § 15-17).

• Mikuykunata hinaspa tukuy imachakunatapas alistakusun. Mochilanchikpi imachanchik kaptinpas sapa ayllum churakunanchik mikuykunata, yakuta, hampita chaynataq imachatapas. Chaynapi ima sasachakuy kaptinpas wasinchikpi unay tiempo chaywan kawsanapaq (Pr 22:3; g17.5-S pag. 4, 6).

¿IMATAM RUWACHWAN HATUN SASACHAKUY KAPTINQA? NIQ VIDEOTA QAWARUSPA, KAY TAPUKUYKUNAMANTA RIMARIY:

• Manaraq ima sasachakuypas kachkaptinqa ¿imatam Jehova Diospa kuyakuyninpi takyanapaq ruwananchik?

• ¿Imanasqataq ancha allin...

  • ... punta apaqkunaman celularninchikpa numeronta quyqa?

  • ... mochilanchikman tukuy imata hinayqa?

  • ... wasinchikpi kaqkunawan ima sasachakuy kaptin ima ruwanamanta rimayninchikqa?

• ¿Imakunatam ruwachwan hatun sasachakuypi tarikuqkunata yanapanapaq?

YUYAYMANAY: “¿Imayna kanaypaqmi coronavirus unquyqa yuyarirachiwan?”.