Huk ayllu kuyanakuspankuqa huk sunqullam kawsakunqaku. Mana kuyanakuy kaptinqa sasatam imapipas yanapanakunqaku. ¿Imatam qusapas, warmipas, tayta-mama kaqpas ruwananku ayllunkuta kuyasqanku sutilla kananpaq?

Kuyakuq qusaqa yachananmi warmichan imayna tarikusqanta. Uyarinantaqmi ima nisqantapas (Ef 5:28, 29). Paymi puntarinan ayllunta Diosmanta yachachiypi chaynataq mikunankupaq llamkaypipas (1Ti 5:8). Allin warmiñataqmi qusanta kasukunan chaynataq ‘anchata respetanan’ (Ef 5:22, 33; 1Pe 3:1-6). Chaymantapas, warmi-qarim kallpanchakunanku pampachanakunankupaq (Ef 4:32). Allin tayta-mamakunaqa warmankutam kuyanku chaynataq Jehova Dios kuyayta yachachinku (Dt 6:6, 7; Ef 6:4). Tapukuy: ¿Imawantaq escuelanpi warmay sasachakuchkan? ¿Imataq yanapachkan estudiaqmasinkunapa hikutasqanta mana ruwananpaq?, nispa. Ayllu ukupi kuyanakusqanchik sutilla kaptinqa llapallanchikmi hawkalla kawsakusun.

WASINCHIKPI KAQKUNATA KUYASUNCHIK NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynatam allin qusaqa warmichanta kuyasqanta qawachin?

• ¿Imata ruwaspanmi allin warmiqa qusanta anchata respetasqanta qawachin?

• ¿Imakunata ruwaspankum tayta-mamakunaqa Diosmanta warmankuman yachachinmanku?