Bibliamanta yachachispaqa utaq yachachiq kutispaqa imam yachachiy munasqanchikta yuyanankupaqmi yuyaymanachinanchik. Chaypaqqa rikchanachiykunatam servichikunanchik, chaynapim ima yachasqanku sunqunkupi takyanqa. Rikchanachiykunawanmi yachachinanchik yuyananpaq kaq yachachikuykunata.

Chaypaqqa puntamantaraqmi yuyaymanana. Rikchanachiy akllasqanchikqa kanan runakunapa riqsisqanmi (Mt 5:14-16; Mr 2:21; Lc 14:7-11). Yachananchikmi yachachisqanchik runa imakuna yachasqanta chaynataq imayna tarikusqanta (Lc 5:2-11; Jn 4:7-15). Kusisqam tarikusun yachachisqanchikta allinta entiendeptinkuqa.

KUSIKUSUNYÁ RUNAMASINCHIKKUNAMAN DIOSMANTA YACHACHISPANCHIK. ALLIN YACHACHIQ KANAPAQ: RIKCHANACHIYKUNAWANYÁ YACHACHISUN NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imanasqataq runakunata yanapananchik bibliapa nisqanta allinta entiendenankupaq?

• ¿Ima rikchanachiywantaq Ritaqa Romanos 5:12 nisqanta allinta entiendechirqa?

• ¿Imaynam tarikunqaku yachachisqanchik runakunaqa rikchanachiywan yachachisqanchikrayku entiendespankuqa?

• ¿Imanasqataq videonchikkunawan chaynataq Diospa llaqtanpa quwasqanchik yanapakuykunawan yachachinanchik?