Pipas corregiwanchikqa yachachiwananchikpaqmi, wakinpiqa corregiwasqanchikqa sunqunchiktam nanachin. Jehova Diosqa corregiwanchik paypa munasqanman hina yupaychanapaqmi (Ro 12:1; Heb 12:10, 11). Corregiwasqanchikta chaskikuspaqa allin runakunam kasunchik, hinaptinqa Jehova Diosmi yanapawasunchik (Pr 10:7). ¿Imaynatam corregiqkunaqa correginanku? ¿Imaynatam corregichikuqkunañataq chaskikunanku? Chaymantayá yachaykusun.

¿Imaynatam corregiqkunaqa correginanku? Corregiwaqninchikkunaqa kanmankum punta apaqkuna, tayta-mamanchikkuna utaq pi kuyawaqninchikpas. Paykunaqa Jehova Dios hinam kuyakuyllawan corregiwananchikpaq kallpanchakunanku (Jer 46:28). Hatun huchata ruwaqkunatapas kuyakuyllawanmi correginanku (Tit 1:13).

¿Imaynatam corregichikuqkunañataq chaskikunanku? Pipas corregiwaptinchikqa chaskikunanchikmi, hinaspam chaylla kasukunanchik (Pr 3:11, 12). Pantaq kasqanchikraykum wakinpiqa imamantapas corregisqa kasun. Imapi pantasqanchiktam musyakunchik bibliata ñawinchaspa chaynataq huñunakuykunata uyarispa, chayqa corregiwachkanchikmanpas hinam. Ima quchata ruwaruptinchikpas huchallikuqta yanapaq punta apaqkunam corregiwasun. Pipapas corregiwasqanchikta kasukuspaqa wiñaypaqmi kawsakusun (Pr 10:17).

KUYAWASQANCHIKRAYKUM DIOSQA ANYAWANCHIK NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynam iñiqmasinchikqa warmallaraq kaspanqa karqa? Chaymantaqa ¿imaynañam karqa?

• ¿Imaynatam Jehova Diosqa corregirqa?

• ¿Imatam iñiqmasinchikpa vidanmanta yachachwan?