Jesusqa kawsasqan tiempopi imakuna pasakusqanmanta rimaspanmi runakunaman Diosmanta allinta yachachirqa (Lc 13:1-5). Qampas Diosmanta willakunaykipaqqa rimariwaqmi kay tiempopi noticiakunamanta utaq runakunapa yachay munasqankumanta. Ichapas niwaq qullqi tariy sasa kasqanmanta, llumpay wayra-para kasqanmanta, runakuna protestasqankumanta, utaq suwakuna kasqanmanta hinaspam yuyaymanananpaq kaynata niwaq: “¿Haykapipas tukunqachu kay...? Utaq ¿ima niwaqtaq qam, imaynatataq tukunman kay...? Chaymanta leeykapuy rimasqaykiwan tupaq textota. Uyariyta munaptinqa qawachiwaqmi huk kaqnin videonchikta utaq qillqanchikta. Kallpanchakunanchikmi runakunaman allinta yachachinapaq (1Co 9:22, 23).

Yachasqayki lawpiqa, ¿imakunamantataq runakuna yachayta munanku?