Pantaq runa kasqanchikraykum ima mana allintapas munapayaruchwan, chaymi controlakunanchik. Munapayasqanchikta ruwaspaqa huchallikuruspam Jehova Diosmanta karunchakuruchwan. Wakin runakunaqa Diosta kuyanankumantaqa tukuy imayuq kanankupaqmi afanakunku. Wakinkuqa Diospa kamachikuyninkunata mana kasukuspankum huchallikuyllamanña qukurunku (Ro 1:26, 27). Wakinkunañataqmi hukkunapa chaskisqan kayta munaspanku paykunapa imapas munasqankuta ruwanku (Ex 23:2).

¿Imataq yanapawachwan munasqanchikkunawan mana aysachikunapaq? Kallpanchakunanchikmi Jehova Diospa munayninta tukuy sunqunchikwan ruwanapaq (Mt 4:4). Mañakunanchiktaqmi Jehova Diosta yanapawananchikpaq. Payqariki yachanmi imam allin ñuqanchikpaq kasqanta hinaspa ima necesitasqanchiktapas (Sl 145:16).

CIGARROTA PITASPAQA UNQURUWAQMI NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imanasqataq wakin runakunaqa cigarrota pitanku?

• ¿Imataq pasaruwachwan cigarrota pitaptinchikqa?

• ¿Imaynanpitaq cigarro pitayqa utaq aparatochawan qusni pitayqa mana allinchu? (2Co 7:1).

• ¿Ima niwaqtaq pipas pitanaykipaq hikutasuptikiqa? Cigarro pitaq kaspaykiqa ¿imatataq ruwawaq saqinaykipaq?