Tukupay punchawkunapi kasqanchikraykum aswan kachkan guerrakuna, terroristakuna, protesta ruwaqkuna (Ap 6:4). ¿Preparasqachu kachkanchik chaykuna kaptin ima ruwanapaq?

• Diospi hapipakunaykipaq kallpanchakuy. Yuyaymanay bibliapa yachachikuyninkunapi hinaspa Diosman sunqu runakunapi. Chayqa yanapasunkim Diospi hapipakunaykipaq chaynataq llaqtanpi punta apaqkunata kasukunaykipaqpas (Pr 12:5; jr-S 125, pag. 126 § 23, 24). Iñiqmasinchikkunawan huk sunqulla kanapaqmi kallpanchakunanchik (1Pe 4:7, 8).

• Imapas necesitasqaykita alistay. Hamuq tiempopi sasachakuykuna kaptin wasikimanta mana lluqsinaykipaq kawsaykunata guardakuy hinaspa tantiay imakuna ruwanaykipaq. Tantiaytaq wasikita saqinayki kaptin mayman rinaykipaq. Mochilaykipim necesitasqayki kanan, kanantaqmi mascarillayki, guantesniki chaynataq qullqipas. Punta apaqkunapa celularninpa numeronmi kapusunayki, numeroykitapas qunaykitaqmi paykunaman (Is 32:2; g17.5 3-7).

Sasachakuykuna kaptinqa ama saqiychu biblia leeyta, Dios mañakuyta hinaspa huñunakuyman riyta (Flp 1:10). Amayá yanqapuniqa wasikimantaqa lluqsiychu (Mt 10:16). Mikuytam utaq ima necesitasqankunatam hukkunamanpas quwaq (Ro 12:13).

¿IMATAM RUWACHWAN LLUMPAY SASACHAKUY KAPTIN? VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynatam Jehova Diosqa yanapawachwan sasachakuy kaptin?

• ¿Imatam kunanmanta ruwananchik sasachakuykuna tiempopaq?

• ¿Imaynatataq hukkunata yanapachwan?