Bibliam nin ‘Jehova Diosqa runankunawan kusisqallaña kasqanmanta’ (Sl 149:4). Pantaq kaptinchikpas Diosqa ima ruway atisqanchikta hinaspa allin sunquyuq kasqanchiktam qawamun. Chaywanpas wakinpiqa kikinchikmi Jehova Diospa qawawasqanchikman hina qawakuytaqa mana atinchikchu. Ichapas pantasqanchikpi yuyaymanasqanchikrayku hinaspa hukkuna imatapas niwasqanchikrayku Jehova Dios mana kuyawananchikpaq hina kasqanchikta nichwan utaq mana valeqpaqpas hapikuchwan. Chayna sientekuptinchikqa ¿imataq yanapawachwan?

Kaytam yuyarinanchik, Jehova Diosqa manam runakunapa qawasqanman hinachu imatapas qawan (1Sa 16:7). Arí, payqa yachanmi sunqunchikpi imayna tarikusqanchikta wakinpi kikinchik mana yachachkaptinchikpas. Bibliata leespanchikmi yachachwan imakunata Jehova Dios qawasqanta, leespaqa yachasuntaqmi Diosqa serviqninkunata anchata kuyasqanta.

JEHOVA DIOS KUYASUSQAYKITAYÁ SUNQUYKIPI NIKUY SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• Kallpaq musuta taytan imayna qawasqanqa ¿imatam yachachiwanchik Jehova Dios imaynata qawawasqanchikmanta?

  textarea-1

• Pipas huchanmanta wanakuruqqa ¿imatam ruwanman Jehova Dios pampachasqanmanta sunqunpi mana iskayrayananpaq? (1Jn 3:19, 20).

  textarea-2

• ¿Imaynatataq iñiqmasinchikta yanaparqa Davidmanta hinaspa Jeosafatmanta bibliapi leesqan ­hinaspa yuyaymanasqanqa?

  textarea-3