Mana sasachakuspalla entiendenapaq musuq Yachachiq qillqaqa manaraqmi quechuapiqa kanraqchu. Chay musuq Yachachiq qillqaqa kunan kapuwasqanchik Yachachiq qillqa hinam Diosmanta yachachichkan, ichaqa chaylla entiendenapaq hinam ruwasqa kachkan. Allintam yanapanqa kunan Yachachiq qillqata leespanku sasachakuqkunata. Tukuyninpiqa manañam kanchu Sapaq yachachikuyninkunaqa aswanmi kachkan palabrakuna entiendenapaq lista. Sapa yachachikuypa qallariyninpipas manañam kanchu tapukuykunaqa, nitaqmi tukuyninpipas bibliapa yachachisqan niq cuadrochapas kanñachu. Chaykunapa rantinpiqa kachkan pisillapi bibliapa yachachikuyninkunam. Wakin qillqanchikkunata aypuspanchikpas kunan Yachachiq qillqanchikta hinam chay qillqatapas runakunaman quchwan ima killapipas. ¿Imaynatam chay musuq Yachachiq qillqawan bibliamanta allinta yachachichwan?

PISILLAPI YACHACHIKUYKUNA. Yaqa lliw runakunamanmi kunan Yachachiq qillqallawan yachachisun tapuspa hinaspa rimarisqankuta uyarispa. Ichaqa ¿imatam ruwasun yachachisqanchik runa manaraq allinta leeptinqa utaq leesqan qillqata sasata entiendeptinqa? Chayna kaptinqa musuq Yachachiq qillqawanmi yachachisun. Yachachichwantaqmi sapa yachachikuypa tukuyninpi rikurimuq bibliapa yachachikuyninkunamantapas, hinaspam nichwan kikinña chay yachachikuyta qallariyninmanta lliwta estudiananpaq. Yachachichwanmi 15 minutopi bibliapa huknin yachachikuyninmanta. Chay yachachikuyninkuna pisilla kasqanraykum allinta estudiaspanchik biblia estudiaq runa imayna kasqanman hina yachachinanchik. Sapa yachachikuyta qallariyninmanta yachachispanchikqa tukuyninpi yachachikuykunawanmi yachasqanmanta yuyarichichwan.

PALABRAKUNA ENTIENDENAPAQ LISTA. Chaypiqa sapa yachachikuypa rikurisqanman hinam kachkan palabrakunapa ima ninanmanta yachachikuy. Sapakamam tanteachwan yachachisqanchik rato chaykunamantapas yachachinapaq utaq manapas.