DIOSPAQ HINA KAWSANAPAQ
Jesucristopa chiqap qatiqninkunaqa kuyanakunkum: Amayá kikillanchikpaq munaqqa kasunchu nitaq chaylla piñakuqqa
¿IMANASQAM ANCHA ALLIN? Jesusmi nirqa chiqap qatiqninkunaqa kuyanakusqankurayku riqsisqa kanankumanta (Jn 13:34, 35). Jesus hina kuyakuq kanapaqqa qawarinakunam yanapanakuykunapaq, chaymantapas mana chaylla piñakuqmi kananchik (1Co 13:5).
¿IMAYNATAM RUWACHWAN?
-
Pipas rimasqanwan utaq ruwasqanwan sientirachiwaptinchikqa yuyaymananam imanasqa chay pasawasqanchikmanta. Yuyaymananataqmi chaylla piñakuruyninchikqa imapi tukunanmanta (Pr 19:11).
-
Yuyarinanchikmi llapanchik pantaq kasqanchikta, chaymi wakinpiqa rimayninchikwan utaq ruwayninchikwanpas pitapas sientichinchik.
-
Chayllam pampachanakunanchik.
KUYANAKUQYÁ KASUN: KUYAKUQQA MANAM KIKILLANPAQ MUNAQCHU NITAQ PIÑAKUQCHU, NIQ VIDEUTA QAWARUSPA KAY TAPUKUYKUNATA KUTICHIY:
-
¿Imanasqam Danielqa chaylla piñakururqa?
-
¿Imam Tomasta yanaparqa mana chaylla piñakurunanpaq?
-
¿Imanasqam llampu simillawan Tomaspa rimayninqa ancha allin karqa?
Mana chaylla piñakuq kaptinchikqa, ¿imaynam iñiqmasinchikkunapas tarikunqaku?
