Jesusmi ‘Diospa munaychakuyninmanta sumaq willakuyta’ llapallan runakunaman willakurqa. Nirqataqmi Diospa munaychakuynin hamunanpaq mañakunankupaqpas (Lc 4:43; Mt 6:9, 10). Arí, Jesusqa kamachirqam Diospa munaychakuyninmanta willakunanchikpaq, chaymi noviembre killapi Jehova Diospa munaychakuyninmanta astawan willakusunchik (Mt 24:14). Chaynaqa, tantiachkasunñayá ima punchawkunapi astawan willakunanchikpaq. Tantiachwantaqmi precursor auxiliar kananchikpaqpas, llapallan precursor auxilar kaqkunaqa atinmankum 30 utaq 50 horata willakuyta.

Kallpanchakusunchikyá bibliapi Diospa munaychakuyninmanta rimaq yachachikuykunata lliw atisqanchik runamasinchikkunaman ñawinchaykapunanchikpaq. Ichaqa bibliapa yachachikuyninta manaraq ñawinchachkaspam yachasqanchik lawpi runakuna imapi iñisqankupi yuyaymanananchik. Yachachisqanchik runakuna astawan yachayta munaptinkuqa quykuchwanmi 2020 watapi lluqsimuq 2 kaq Willakuq qillqata. Chaymantapas kallpanchakusunyá astawan yachay munaqkunaman kaqmanta watukunanchikpaq hinaspa bibliamanta yachachinapaq huk kaqnin qillqanchikwan bibliamanta yachachinanchikpaq. Manapas unaymantam Jehova Diosqa kay pachapi llapallan kamachiqkunata chinkachinqa (Dn 2:44; 1Co 15:24, 25). Chayraykuyá kallpanchakusun noviembre killapi Diospa munaychakuyninmanta willakunanchikpaq, chayta ruwaspanchikqa Diospa munaychakuynillanpi hapipakusqanchiktam qawachisun.