Llapanchikmi munanchik amistadninchikkunaqa allin sunquyuq, qukuykuq hinaspa kuyakuq kanankuta. Taytanchik Jehova Diosqa chayna amistad hinam (Ex 34:6; Hch 14:17). Payqa imapas mañakusqanchiktam uyariykuwanchik, ima sasachakuypiña kaptinchikpas yanapaykuwanchiktaqmi (Sl 18:19, 35). Chaymantapas, imapas mana allin ruwasqanchikmanta sunqumanta wanakuptinchikqa pampachaykuwanchikmi (1Jn 1:9). Jehova Diosninchikqa kuyakuq Diosmi.

Ichaqa musu-sipas ¿imatam ruwanayki Jehova Dioswan kuyachikunaykipaq? Puntataqa riqsinaykim, riqsinaykipaqqa bibliatam ñawinchanayki chaynapim payllapi hapipakunki (Sl 62:8; 142:2). Kallpanchakuytaq Diospa sunqunta kusichinaykipaq, chaypaqqa churinmanta, munaychakuyninmanta hinaspa hamuq tiempopi ima ruwananmantam runamasikikunaman willakunayki (Dt 32:3). Arí, Jehova Dioswan kuyachikunaykipaq kallpanchakuptikiqa payqa manam haykapipas saqisunkichu (Sl 73:25, 26, 28).

MUSU-SIPASKUNA: QAWAYKUSPAYÁ YACHAYKUYCHIK JEHOVA DIOSQA ALLIN KASQANTA NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imakunatam ruwanayki bautizakunaykipaq?

• ¿Imaynatam yuyayniyuq iñiqmasinchikkunaqa yanapasunkiman Diosta yupaychaynikipi?

• ¿Imaynanpitaq Diosmanta willakuynikiqa yanapasunkiman Dioswan astawan kuyachikunaykipaq?

• ¿Imakunapitaq astawan yanapakuyta atiwaq?

• ¿Imanasqataq Jehova Diosta kuyanki?