Llumpaytaqa ama rimaychu. Ama qamllaqa tukuy imamantaqa rimaychu. Jesusqa runakunata piensarichinanpaq hinaspa entiendechinanpaqmi sumaqta tapurqa (Mt 17:24-27). Tapukuykunaqa yanapasunkim biblia estudiaq entiendesqanta yachanaykipaq hinaspa ima piensasqanta yachanaykipaqpas (be pag. 253 § 2, 3). Tapuspaykiqa suyaykuy kutichinanta. Mana yachaptinqa ama qamqa kutichiychu, aswanqa sapaq tapukuykunawan yanapay yachachiy munasqaykita entiendenanpaq (be pag. 237 § 5-pag. 238 § 1). Ama apurawllamanqa rimaychu yachachispaykiqa, aswanqa allillamanta entiendenanpaq hina (be pag. 230 § 4).

Amayá sasachaychu entiendenanta. Amayá tukuy yachasqaykikunataqa chayllaqa willaychu (Jn 16:12). Tapukuyman hinalla yachachiy (be pag. 226 § 4-pag. 227 § 1). Yachachisqaykimanta tukuy imataña willaspaykiqa astawanmi pantarachiwaq (be pag. 235 § 3). Imam yachachisqaykita entienderuptinqa qatiqninmantaña yachachiy.

Amayá chaylla tukurunaykipaq hinaqa yachachiychu. Yachachichkanchikqa sunqunman chayanapaqmi manam qillqa leeyta tukurunallapaqchu (Lc 24:32). Yachachisqaykimanta rimaq textokunata bibliamanta leepuy (2Co 10:4; Heb 4:12; be pag. 144 § 1-3). Entiendenanpaq rikchanachiykunata servichikuy (be pag. 245 § 2-4). Amataq qunqaychu sapa estudiaq mana chaynalla kasqankuta hinaspa imapi creesqankutapas, chayraykum chayman hina yachachinayki. Kayna tapukuykunatam ruwawaq: “¿Ima ninkitaq kay yachasqaykimanta? ¿Imatam yachachiwanchik Jehova Diosmanta? ¿Imaynatam yanapasunkiman yachasqaykikunata kasukuynikiqa?”, nispa (be pag. 238 § 2-4; pag. 259 § 1).