“Diospa yachachisqanman hinayá kawsakusun”
Jehova Diospa yachachisqanman hina kawsakuyqa sunqumanta kasukuymi. Bibliaqa willakunmi Jehova Diosta kasukuspa paypi hapipakuq achka runakunamanta, Salmos librota qillqaqpas Diospim hapipakurqa.
Kusisqa kanapaqqa Diospa kamachiwasqanchiktam kasukunanchik
Josueyqa tukuy sunqunwanmi Jehova Diospi hapipakurqa, yacharqam chaynata ruwaptillan tukuy ima ruwasqan allin kaptin kusisqa kananmanta.
Diospa palabranqa yanapawanchikmi sasachakuyninchikkunata atipananchikpaq
Jeremiasqa sasachakuykunapi kaspanpas Jehova Diospim hapipakurqa. Manam apuyaytachu maskarqa aswanqa Jehova Diospa kamachisqantam ruwarqa.
Bibliamanta allinta yachasqanchikmi kallpanchawanchik mana iskayrayaspa Diosmanta willakunapaq
Apostol Pabloqa manam manchakurqachu pimanpas Diosmanta willakuytaqa. Yacharqam gobernador Felixman Diosmanta willakuptinpas Jehova Dios yanapaykunanta.
¿Imaynatam qawachiyman Diospi hapipakusqayta paymanta...
-
escuelaypi willakuspay?
-
llamkayniypi willakuspay?
-
aylluykunaman willakuspay?
-
Hukkunapi