Wakinpi llakisqa kayqa imananchuqaya, llakisqa kaspanchikqa manam nichwanchu Diosmanta karunchakusqanchiktaqa. Diosninchikpas wakinpiqa llumpaytam llakikun (Ge 6:​5, 6). Ichaqa, ¿imatam ruwachwan sapa punchaw llumpay llakisqallaña kaspaqa?

Jehova Diostayá mañakusun. Diosninchikqa llakikunmi sunqunchikpi llumpay llakisqa tarikuptinchik. Payqa allintam riqsiwanchik, chaymi yachan llakisqa utaq kusisqa kasqanchikta. Llumpay llakisqa kaspanchikqa wakinpiqa mana allinkunatam piensanchik hinaspapas mana valeqpaq hinam hapikunchik, chaytaqa Jehova Diosqa entiendewanchikmi (Sl 7:9). Chaymantapas Jehova Diosqa manam saqiwanchikchu llumpay llakisqa kaptinchikqa, aswanqa yanapaykuwasunmi (Sl 34:18).

Mana hukmanyasqa kanapaqyá kallpanchakusun. Mana valeqpaq hina hapikuspanchikqa manam kusisqachu kanchik, Jehova Diosmantapas karunchakuruchwanmi. Chaymi cuidakunanchik imayna piensasqanchikta hinaspa imayna sunqunchikpi tarikusqanchikta (Pr 4:23).

IÑIQMASINCHIKKUNAQA HAWKALLAM KANKU LLAKI UNQUYWAN KASPANKUPAS, SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imakunatam ruwarqa iñiqmasinchik Nikkiqa mana llumpay llakisqa kananpaq?

  Qillqanapaq

• ¿Imamantataq Nikkiqa cuentata qukururqa, chaynapi Doctorman rinanpaq? (Mt 9:12).

  Qillqanapaq

• ¿Imatam Nikkiqa ruwarqa astawan Jehova Diospi hapipakunanpaq?

  Qillqanapaq