7-13 octubre
SALMOS 92-95
84 kaq taki mañakuypiwan | Huñunakuyta qallarinapaq rimariy (1 min.)
1. ¡Jehova Diosta servispaqa allinmi kawsakusun!
(10 min.):
Jehova Diosllatam yupaychananchikqa (Sl 92:1, 4; w18.04 pag. 28 § 5).
Serviqninkunatam yanapawanchik imatapas allinta tantiaspa kusisqa kananchikpaq (Sl 92:5; w18.11 pag. 23 § 8).
Diosqa yuyaqña kaptinchikpas valorawanchikmi (Sl 92:12-15; w20.01 pag. 19 § 18).
YUYAYMANAY: “¿Imataq harkawachkan Diosllapaqña kawsakunaypaq hinaspa bautizakunaypaq?”.
2. Ima yachachikuykunatam tariramunchik
(10 min.):
-
Sl 92:5. ¿Imanasqataq kay textopi willawanchik Jehova Dios ancha yachayniyuq kasqanmanta? (cl-S pag. 176 § 18).
-
¿Imatam yacharamunki kay semanapaq bibliata leemuspayki?
3. Bibliata leenapaq
(4 min.): Sl 94:1-23 (th 5 kaq yachachikuy).
4. Piwanpas rimayta qallarispa
(4 min.): MAYPIPAS WILLAKUSPA. Uyarisuqniki runawan rimasqaykichikpi willay bibliamanta yachachiq kasqaykimanta (lmd 5 yachachikuy 3 kaq).
5. Kaqmanta kutispa
(3 min.): MAYPIPAS WILLAKUSPA. Ñawpaqpi bibliamanta yachayta mana munaspanpas uyariytam munan. Chay runata kaqmanta niy bibliamanta yachachinaykipaq (lmd 8 yachachikuy 4 kaq).
6. Jesuspa qatiqnin kananpaq yachachispa
(5 min.): Estudiachisqayki runa mana ñawpariptin paywan rimay (lmd 12 yachachikuy 5 kaq).
5 kaq taki
7. Musu-sipaschakunapas llumpaytam preocupakunku, chaytam ansiedad ninku
(15 min.): Huñunakuypi kaqkunawan rimariy.
Diosta serviqkunapas llumpaytam preocupakuchwan. Davidpas achka kutipim llumpayta preocupakurqa. Kunan tiempopipas achka iñiqmasinchikkunam David hina tarikullanku (Sl 13:2; 139:23). Musu-sipaschakunapas llumpay preocupasqam tarikunku, chayqa llakikuypaqmi. Chayna tarikusqankuraykum sasachakunku colegionkuman riytapas, huñunakuykunaman riytapas utaq ima ruwaytapas. Wakinpiqa llumpayta preocupakusqankuraykum mancharisqallaña kanku utaq wañuytañapas munanku.
Musu-sipascha, llumpay preocupasqa tarikuspaykiqa tayta-mamaykiwan utaq yuyayniyuq pi iñiqmasinchikwanpas rimay. Hinaspapas Jehova Diosta mañakuy yanapaykusunaykipaq (Flp 4:6). Payqa yuyasuchkankim (Sl 94:17-19; Is 41:10). Steingpa willakusqanmantayá yachaykuy.
Qawachiy kayna sutiyuq VIDEOTA: Jehova Diosqa manam saqiruwanchu, hinaspa qatiqninmanta rimariychik:
• Videopi iñiqmasinchikta, ¿mayqin textotaq yanaparqa?
• ¿Imaynatam Diosqa iñiqmasinchikta yanaparqa?
Tayta-mamakuna, churi-wawaykichikta yanapaychik ama llumpay preocupasqa kanankupaq. Chaypaqqa pacienciawan uyariykuychik, kuyasqaykichikta niychik, yuyarichiychiktaq Jehova Diospas paykunataqa anchata kuyasqanta (Tit 2:4; Snt 1:19). Diosqa yanapasunkichikmi, kallpatam qusunkichik warmaykichikta yanapanaykichikpaq, chaynaqa paypiyá hapipakuychik.
Chaymantapas, ¿huñunakusqaykipi pi iñiqmasinchikpas llumpay preocupasqachu utaq ansiedadwanchu kachkan? Yaqapaschá. Utaq yachanki pi iñiqmasinchikpas chaywan unqusqanta. Chayna kaptinpas sasachakunkichá imayna sientekusqanta entiendenaykipaq. Chaywanpas, llapan iñiqmasinchiktam kuyakuywan rimapayananchik chaynapi kuyasqa sientekunankupaq (Pr 12:25; Heb 10:24).
8. Qillqanchikmanta yachanapaq
(30 min.): bt 16 yachachikuy § 6-9 hinaspa pag. 150 cuadrota.
