Parquchkaq hinam willasqanchik runakunaman kaqmanta watukunanchik (1Co 3:6). Chaymi Diosmanta yachay munaq runakunata tarispanchikqa, huk tapukuyta saqinanchik kaqmanta watukuspa chaymanta rimarinapaq. Chayta ruwasqanchikmi runakunata yanapanqa hinalla yachayta munanankupaq, hinaspapas manam sasachakusunchu kaqmanta watukunapaq. Kaqmanta watukuspaqa nichwanmi tapukuy saqisqanchikta kutichinapaq watukusqanchikmanta.

• Wasin-wasin Diosmanta imayna willakunaykipaq tanteaspaykiqa, tanteanaykim kaqmanta watukuspa ima tapukuy saqinaykita. Chay punchaw ima qillqawan willakusqaykimanta utaq bibliamanta yachachisqanchik huk kaqnin qillqamanta tapukuytapas saqiwaqmi.

• Diosmanta willakuptiki pipas hinalla yachayta munaptinqa, niy huk punchawña hinalla rimanaykichikpaq hinaspa huk tapukuyta saqiy. Atikuptinqa sutintawan celularninpa numeronta mañakuy.

• Imay hora kutinaykipaq nispaykiqa, chay horapunim rinayki (Mt 5:37).