“Qamqa pipapas mañakusqanta uyariykuqmi kanki. Llapallan runakunam qanmanqa asuykamusunki.”

(Salmo 65:2)

“Tayta Diosllapiyá confiakuy tukuy sonqoykiwanqa. Amayá confiakuychu kikikipa entiendesqallaykipiqa. Tukuy kawsasqaykipiyá yuyariy Tayta Diosta. Paymi munasqanman hina kawsachisunki qamta.”

(Proverbios 3:5, 6)

“Chay wiñay kawsayniyoqqa kanku sapallan cheqap Dios kasqaykita reqsiqkunam hinaspa kachamusqayki Jesucristota reqsiqkunam.”

(Juan 17:3)

“[Diosqa] manam karupichu ñoqanchikmantaqa kachkan.”

(Hechos 17:27)

“Mañakuchkaniqa sumaqta entiendespaykichik yuyaywan aswanraq kuyakuq kanaykichikpaqmi.”

(Filipenses 1:9)

 “Mayqannikichikpapas yachaynikichik pisilla kaptinqa Diostayá mañakuychik, payllam qosunkichik. Lliw mañakuqninkunamanqa mana piñakuspam chaninninpi qoykun.”

(Santiago 1:5)

“Diosman asuykuptikichikqa paypas asuykusunkichikmi. Yaw huchasapakuna, qamkunapas mana allin rurasqaykichikmantayá chuyanchakuychik, iskayrayaqkunapas sonqoykichiktayá Diosllamanña qoychik.”

(Santiago 4:8)

“Diosta kuyaspanchikqa kamachikuyninkunatapas kasukunchikmi, kamachikuyninkunaqa manam llumpay sasachu.”

(1 Juan 5:3)