“Efrata sutiyoq Belen llaqtacha, [. . .] qanmantam lloqsimunqa Israel nacionpi gobiernaqqa.”

(Miqueas 5:2)

“Herodes rey kachkaptinmi Jesus nacerqa Judea law Belen llaqtapi. Hinaptinmi yachayniyoq runakuna Jerusalenman chayaramurqaku intipa qespimunan lawmanta.”

(Mateo 2:1)

“Pachaytapas sorteaspam rakinakurunku.”

(Salmo 22:18, CQ12)

“Chaymantam soldadokunaqa Jesusta qerupi warkuruspanku hawan pachankunata hoqarispanku tawaman rakirurqaku [. . .], hapikururqakutaqmi ukunchakunan pachantapas. Ukunchakunan pachanqa karqa mana sirasqam, kunkanmanta uraykama huklla awasqa. Chaymi ninakurqaku: ‘Ama llikisunchu, aswanqa sorteaspanchik piman tupasqanta yachasunchik’.”

(Juan 19:23, 24, NM)

“Tayta Diosmi tullunkunatapas waqaychanqa, manam huk tullullantapas pakinqakuchu.”

(Salmo 34:20, CQ12)

“Jesusman asuykuspa qawaykuptinkuñataqmi payqa wañurusqaña, chaymi paypa piernantaqa manaña pakirqakuchu.”

(Juan 19:33)

“Tuksipasqam karqa mana kasukusqanchikkunarayku.”

(Isaias 53:5)

“Huknin soldadom ichaqa Jesuspa waqtanta tuksirurqa lanzawan chaymi pawaramurqa yawarwan yaku.”

(Juan 19:34)

‘Pagarqaku kimsa chunka qollqeta.’

(Zacarias 11:12, 13)

“Chunka iskayniyoq discipulokunapa hukninmi karqa Judas Iscariote, paymi sacerdotekunapa jefenkunawan parlaq rispan nirqa: ‘¿Haykatataq qowankichikman Jesusta entregaykuptiy?’, nispa. Chaymi prometerqaku kimsa chunka qollqeta paganankupaq.”

(Mateo 26:14, 15; 27:5)