Kuyasqayku iñiqmasillaykuna:

Jesusmi nirqa: ‘Qatiqniy kay’, nispa (Marcos 10:21). Chaynatam sapakamata niwanchik. Chaynaqa, ¿qatikuchkankichu? Qatikuspaykiqa allin kawsakuytam tarinki. ¿Imanasqa?

Jehova Diosmi sapallan churinta kay allpa pachaman kachamurqa wañuymanta librawananchikpaq (Juan 3:16). Ñuqanchikrayku wañukuspapas Jesusqa imayna kawsakunapaqmi yachachiwarqanchik. Tukuy ima ruwasqanwanmi qawachirqa Diosman sunqu kasqanta hinaspa taytanta kusichiy munasqanta. Yachachiwarqanchiktaqmi taytanta qatipakunapaqpas. Rimasqanwan hinaspa ruwasqanwanmi qawachirqa taytan imayna kasqanta chaynataq ima munaynin kasqanta (Juan 14:9).

Bibliam niwanchik Jesusta ‘qatipakunanchikpaq’ (1 Pedro 2:21). Chaymi allin kawsakuytawan wiñay kawsayta tarinapaqqa hinaspa Jehova Dioswan allin amistad kanapaqqa Jesuspa imayna kasqanta qatipakunanchik.

Chaypaqmi allinta yachananchik kay allpapi kachkaspan imayna kasqanmanta. Bibliam willawanchik Jesuspa imayna kasqanmantaqa. Chaynaqa, estudiasun hinaspa yuyaymanasun rimasqankunapiwan ruwasqankunapi, yuyaymanasuntaqyá imayna qatipakunanchikpipas. Chaynatam astawan yachasun imayna qatipakuyta.

Munanikum kay librota leespayki Jesusta hinaspa Jehova Diosta astawan kuyanaykita, chaynapi Jesucristopa imayna kasqanta qatipakunaykipaq. Chaynatam Jehova Diosta wiña-wiñaypaq kusichinki.