1 kaq willakuy

1. ¿Llapa ima allin kaqkunataqa pimantataq chaskinchik? ¿Willakuwaqchu hukllatapas?

2. ¿Imatam Diosqa puntata unancharqa?

3. ¿Imanasqataq punta kaq angel mana wakin angelkuna hinachu karqa?

4. Willay imaynataq qallariypi Allpaqa karqa (dibujota qaway).

5. ¿Imaynatam Diosqa Allpata allicharqa runakunapaqwan animalkunapaqpas?

Sapaq tapukuykuna:

1. Jeremias 10:12 nisqanta leey.

   Diospa unanchasqankunapiqa ¿ima sumaq kayninkunatam qawanchik? (Isa. 40:26; Rom. 11:33.)

2. Colosenses 1:15-17 nisqanta leey.

   ¿Imatam Jesus rurarqa Dios unanchachkaptin, kayta yachaspaqa imaynatam Jesusta qawananchik?

3. Genesis 1:1-10 nisqanta leey

   1. ¿Imaynatataq Allpaqa rikurirqa? (Gen. 1:1.)

   2. ¿Imatam Diosqa punta kaq punchawpi unancharqa? (Gen. 1:3-5.)

   3. ¿Imatam Diosqa iskay kaq punchawpi unancharqa? (Gen. 1:7, 8.)

2 kaq willakuy

1. ¿Imaynatam Diosqa kay Allpata ñoqanchikpaq allicharqa?

2. Diosqa achka animalkunatam unancharqa. ¿Wakillantapas sutichawaqchu? (Dibujota qaway.)

3. ¿Imanasqataq Eden huertaqa suma-sumaqllaña karqa?

4. Enteron Allpaqa, ¿imayna kanantam Diosqa munarqa?

Sapaq tapukuykuna:

1. Genesis 1:11-25 nisqanta leey.

   1. ¿Imatam Diosqa kimsa kaq punchawpi unancharqa? (Gen. 1:12.)

   2. ¿Imatam Diosqa tawa kaq punchawpi rurarqa? (Gen. 1:16.)

   3. ¿Ima animalkunatam Diosqa unancharqa pichqa hinaspa soqta kaq punchawpi? (Gen. 1:20, 21, 25.)

2. Genesis 2:8, 9 nisqanta leey.

   ¿Ima iskay sapaq sachakunatam Diosqa huertapi churarqa, chayqa imapaqtaq karqa?

3 kaq willakuy

1. ¿Imapim 3 kaq willakuypa dibujon mana tupanchu 2 kaq willakuypa dibujonwan?

2. ¿Pitaq punta kaq runata unancharqa, hinaspa ima sutiwantaq suticharqa?

3. ¿Ima llamkaytataq Diosqa Adanman qorqa?

4. ¿Imanasqataq Diosqa Adanta puñurachirqa wañusqata hina?

5. ¿Hayka watatam Adanwan Evaqa kawsakunmanku karqa, hinaspa ima ruranankutam Jehová Diosqa munarqa?

Sapaq tapukuykuna:

1. Salmo 83:18, NM nisqanta leey.

   ¿Imataq Diospa sutin hinaspa imanasqataq payllata yupaychana? (Jer. 16:21, NM; Dan. 4:17.)

2. Genesis 1:26-31 nisqanta leey.

   1. Soqta kaq punchawpiqa ¿imata ruraspantaq Diosqa unanchasqanta tukurqa, hinaspa chay unanchasqanqa imanasqataq mana animalkunaman rikchakurqachu? (Gen 1:26.)

   2. ¿Imatam Jehová Diosqa qorqa runaman hinaspa animalkunaman mikunankupaq? (Gen. 1:30.)

3. Genesis 2:7-25 nisqanta leey.

   1. Animalkunapa sutinta churananpaqqa, ¿imatam Adan ruranan karqa? (Gen. 2:19.)

   2. ¿Imaynatam Genesis 2:24 nisqanqa yanapawanchikman yachanapaq Jehová Diospa nisqanta casarakuymanta, rakinakuymanta hinaspa divorciakuymanta? (Mat. 19:4-6, 9.)

4 kaq willakuy

1. Dibujopi qawasqaykiman hina, ¿imam pasachkan Adantawan Evata?

2. ¿Imamantam Jehová Dios castigarurqa?

3. Culebraqa, ¿imatam Evata nirqa?

4. ¿Pitaq culebrata rimarachirqa Evaman rimananpaq?

5. ¿Imanasqam Adanwan Evaqa Huertanta qechurachikurqaku?

Sapaq tapukuykuna:

1. Genesis 2:16, 17 hinaspa 3:1-13, 24 nisqanta leey.

   1. Culebraqa Evata tapuspan, ¿imanasqataq Jehová Diosta llullakuqta hina qawachirqa? (Gen. 3:1-5; 1 Juan 5:3.)

   2. ¿Imanasqataq anyawananchikpaq hina kanman Evapa rurasqanqa? (Fili. 4:8; Sant. 1:14, 15; 1 Juan 2:16.)

   3. ¿Imaynatam Adanwan Evaqa rurasqakunamanta mana castigachikuyta munarqakuchu? (Gen. 3:12, 13.)

   4. Huertapi intipa qespimunan lawpi angelkuna tarikuspanku, ¿imaynatam Jehová Diospa tukuy munaychakuq kayninta yanapasqankuta qawachirqaku? (Gen. 3:24.)

2. Apocalipsis 12:9 nisqanta leey.

   ¿Hayka runakunatañam Satanasqa engañarun Diospa munaychakusqanpa contranpi kanankupaq? (1 Juan 5:19.)

5 kaq willakuy

1. Eden huertapi manaña kaspanku Adanwan Evaqa ¿ima sasachakuykunatam tarirqaku?

2. ¿Imam pasarurqa Adantawan Evata? ¿Imanasqa?

3. ¿Imanasqataq Adanpa hinaspa Evapa wawa-churinkunaqa machuyaspa wañunanku karqa?

4. Adanwan Evaqa Jehová Diosta kasukuspankuqa ¿imaynataq wawa-churinkunawanpas kawsakunmanku karqa?

5. ¿Imaynatam Eva ñakarirqa mana kasukusqanmanta?

6. ¿Imataq sutinqa karqa Evawan Adanpa iskaynin mayor churinkunapaqqa?

7. Dibujopi ¿pikunataq wakin warmakuna?

Sapaq tapukuykuna:

1. Genesis 3:16-23 hinaspa 4:1, 2 nisqanta leey.

   1. Allpa ñakasqa kasqanmantapacha ¿imaynatam Adan ñakarirqa? (Gen. 3:17-19; Rom. 8:20, 22.)

   2. Warmipa sutin Evaqa “kawsaq” ninanmi ¿imanasqataq chay sutiqa paypaq allin karqa? (Gen. 3:20.)

   3. ¿Imaynatam Jehová Diosqa Adanta hinaspa Evata llakipayarqa huchallikuruptinkupas? (Gen. 3:7, 21.)

2. Apocalipsis 21:3, 4 nisqanta leey.

   ¿Ima ‘ñawpaq kaqkuna’ chinkarunanta munachwan?

6 kaq willakuy

1. ¿Imapim Cain hinaspa Abelqa llamkarqaku?

2. ¿Ima regalotam Cain hinaspa Abel Jehová Diosman aparqaku?

3. ¿Imanasqataq Jehová Diosqa Abelpa regalonta chaskiykuspa Cainpataqa mana chaskirqachu?

4. ¿Imayna runam Cainqa karqa hinaspa imaynatam Jehová Diosqa payta yanaparqa?

5. ¿Imatam Cainqa wawqenta rurarqa sapallan kachkaptinku?

6. Willay, imataq Cainta pasarqa wawqenta wañurachiptin.

Sapaq tapukuykuna:

1. Genesis 4:2-26 nisqanta leey.

   1. ¿Imaynatam Jehová Diosqa Cainta qawachirqa huchapa munaychakusqan rikurirunanta? (Gen. 4:7.)

   2. ¿Imayna sonqoyoq runa kasqantam Cainqa reqsichikurqa? (Gen. 4:9.)

   3. ¿Imatam Jehová Diosqa nin, inocente runata pipas wañuchiptin? (Gen. 4:10; Isa. 26:21.)

2. 1 Juan 3:11, 12 nisqanta leey.

   1. ¿Imanasqam Cainqa sinchita piñakururqa, hinaptinqa imatam chaymanta yachachwan? (Gen. 4:4, 5; Pro. 14:30; 28:22.)

   2. Ayllunchik Jehová Diospa contranpi churakuptinpas, ¿imaynatam Bibliaqa yachachiwanchik hinalla Diosta servinapaq? (Sal. 27:10; Mat. 10:21, 22.)

3. Juan 11:25 nisqanta leey.

   ¿Imaynatam Jehová Diosqa kallpanchan Paypa munasqanman hina ruraspa wañukuqkunata? (Juan 5:24.)

7 kaq willakuy

1. ¿Imanasqam Enocqa mana runamasinkuna hinachu karqa?

2. ¿Imanasqataq Enocpa tiemponpi runakunaqa mana allinllataña ruraq karqaku?

3. ¿Ima mana allinkunatam runakunaqa rurarqaku? (Dibujota qaway.)

4. ¿Imanasqataq Enocqa qarinchakunan karqa?

5. Chay tiempopiqa, ¿hayka watatam runakunaqa kawsarqaku ichaqa haykallatam Enocqa kawsarqa?

6. Enocpa wañukusqan qepataqa, ¿imataq pasarqa?

Sapaq tapukuykuna:

1. Genesis 5:21-24, 27 nisqanta leey.

   1. ¿Imaynatam Enoctaqa Jehová Diosqa qawarqa? (Gen. 5:24.)

   2. Bibliapa nisqanman hina, ¿pitaq kawsakurqa una-unay watata hinaspa hayka watanpim wañukurqa? (Gen. 5:27.)

2. Genesis 6:5 nisqanta leey.

   Enocpa wañukusqan qepata, ¿maynataraq mana allinkunaqa yapakururqa, hinaspa imapitaq kay tiempopi pasasqanwan tupanman? (2 Tim. 3:13.)

3. Lucas 3:23, 27 nisqanta leey.

   ¿Enocpa ima sumaq kaynintaq Diospa agradonpaq karqa, hinaspa ima bendiciontam payqa chaskikurqa? (Gen. 5:22.)

4. Judas 14, 15 nisqanta leey.

   Armagedonmanta willakuspanku, ¿imaynatam cristianokunaqa Enocpa rurasqanta qatikunmanku? (2 Tim. 4:2; Heb. 13:6.)

8 kaq willakuy

1. ¿Imataq pasarurqa wakin angelkunata Satanas engañaruptin?

2. ¿Imanasqataq wakin angelkunaqa Diospa kamachisqanta saqeruspanku Allpa pachaman hamururqaku?

3. ¿Imanasqataq chay angelkuna Allpa pachaman hamuruspanku runa hina cuerpoyoqña kasqanku mana allinchu karqa?

4. ¿Imanasqataq chay angelkunapa churinkunaqa mana wakin warmakuna hinachu karqaku?

5. Dibujopi qawasqaykiman hina, ¿imatam rurarqaku angelkunapa churinkuna wiñaruspanku?

6. Enocpa wañukusqan qepataqa, ¿pitaq allin ruraq runaqa karqa, hinaspa imanasqataq Diosqa payta kuyarqa?

Sapaq tapukuykuna:

1. Genesis 6:1-8 nisqanta leey.

   Genesis 6:6 nisqanman hina, ¿imaynataq Jehová Diosqa sientekun imapas rurasqanchikwan? (Sal. 78:40, 41; Pro. 27:11.)

2. Judas 6 nisqanta leey.

   ¿Imatam yachachiwanchik ‘punta munaychakuyninkuta mana waqaychaq’ angelkunapa rurasqanqa? (1 Cor. 3:5-9; 2 Ped. 2:4, 9, 10.)

9 kaq willakuy

1. Noeypa ayllunpiqa, ¿hayka runakunataq karqaku, hinaspa imataq churinkunapa sutinqa karqa?

2. Mana haykapipas rurasqanta, ¿imatam Diosqa Noeyta nirqa rurananpaq, hinaspa imanasqataq?

3. ¿Imatam Noeypa runamasinkunaqa rurarqaku buque rurasqankumanta willakuptin?

4. Animalkunata, ¿imata rurananpaqmi Diosqa Noeyta kamachirqa?

5. Buquepa punkunta Jehová Dios wichqaruptin, ¿imatam Noeyqa aylluntin rurarqaku?

Sapaq tapukuykuna:

1. Genesis 6:9-22 nisqanta leey.

   1. ¿Imata ruraspanmi Noeyqa reqsichikurqa cheqap Diosta serviq kasqanta? (Gen. 6:9, 22.)

   2. ¿Imatam Jehová Diosqa nin, dañanakuymanta hinaspa imaynatam chayqa yanapawanchikman kusirikunapaq akllakusqanchikpi? (Gen. 6:11, 12; Sal. 11:5.)

   3. ¿Imaynatam Noey hina rurachwan Jehová Diospa llaqtanmanta yachachikuykunata chaskispa?

2. Genesis 7:1-9 nisqanta leey.

   Noey huchasapa kaptinpas, ¿imaynatam kallpanchawanchik Jehová Dios allin ruraqta hina qawasqanqa? (Gen. 7:1; Pro. 10:16; Isa. 26:7.)

10 kaq willakuy

1. Sinchi Para chayaramuptinqa, ¿imanasqam buquemanqa manaña pipas yaykurqañachu?

2. ¿Hayka punchaw hinaspa hayka tutam Jehová Diosqa parachimurqa hinaspa maykamam yakukunaqa hayparurqa?

3. ¿Imataq buqueta pasarurqa enteron Allpaman yaku huntaruptin?

4. Sinchi Para chayaramuptinqa, ¿kawsarqakuraqchu hatunkaray runakunaqa? ¿Imataq taytankutaqa pasarqa?

5. ¿Imataq buqueta pasarqa pichqa killaña para usyaruptin?

6. ¿Imanasqataq Noeyqa cuervo sutiyoq pawaq animalta kacharirqa?

7. ¿Imaynatam Noeyqa yakukuna asllayarusqanta yacharqa?

8. ¿Imatam Diosqa Noeyta nirqa ayllunwan wata masraq buquepi tarikuchkaptinku?

Sapaq tapukuykuna:

1. Genesis 7:10-24 nisqanta leey.

   1. ¿Maynataraq sinchi Paraqa puchukarachirqa Allpapi kawsaqkunata? (Gen. 7:23.)

   2. ¿Hayka punchawpim yakukunapa qocharayasqanqa asllayarurqa? (Gen. 7:24.)

2. Genesis 8:1-17 nisqanta leey.

   ¿Imaynatam Genesis 8:17 nisqanqa qawachin Allpapaq Jehová Diospa munayninqa mana cambiakusqanta? (Gen. 1:22.)

3. 1 Pedro 3:19, 20 nisqanta leey.

   1. ¿Imam pasarurqa chay mana kasukuq angelkunata hanaq pachaman kutirikuptinku? (Jud. 6.)

   2. Noeymantawan ayllunmanta willakuykunaqa, ¿imaynatam Jehová Dios llaqtanta librayta atisqan suyakuyninchiktaqa kallpanchan? (2 Ped. 2:9.)

11 kaq willakuy

1. Kay dibujopi qawasqanchikman hina ¿imatam Noeyqa rurarqa buquemanta lloqsimuspa?

2. ¿Imatataq Diosqa kamachirqa Noeyman hinaspa ayllunmanpas sinchi Para pasaruptin?

3. ¿Imatam Diosqa prometerqa?

4. Chirapata qawaspaqa ¿imatam yuyarisunchik?

Sapaq tapukuykuna:

1. Genesis 8:18-22 nisqanta leey.

   1. Jehová Dios ‘hawkayarunanpaq miskillaña asnariq’ ofrendata hina ¿imatam ñoqanchikpas rurachwan? (Gen. 8:21; Heb. 13:15, 16.)

   2. ¿Imatam Jehová Diosqa nirqa runapa sonqon imayna kasqanmanta, chaynaqa imamantataq cuidakunanchik? (Gen. 8:21; Mat. 15:18, 19.)

2. Genesis 9:9-17 nisqanta leey.

   1. ¿Ima contratotam Jehová Diosqa rurarqa kay pachapi llapallan kawsaqkunawanqa? (Gen. 9:10, 11.)

   2. ¿Haykapikamam chirapamanta contratoqa takyanqa? (Gen. 9:16.)

12 kaq willakuy

1. ¿Pitaq Nimrodqa karqa, hinaspa ima nirqataq Diosqa paymanta?

2. ¿Imapaqtaq runakunaqa ladrillokunata rurachkanku kay dibujopi?

3. ¿Imanasqataq Jehová Diostaqa mana kusichirqachu chay torre rurasqankuqa?

4. ¿Imaynatam Diosqa torreta hatarichichkaptinku saqerachirqa?

5. ¿Imaynatam suticharurqaku chay llaqtataqa, hinaspa ima ninantaq chay sutiqa?

6. ¿Imatam runakunaqa rurarqaku rimayninkuta Dios pantarachiptin?

Sapaq tapukuykuna:

1. Genesis 10:1, 8-10 nisqanta leey.

   ¿Imayna runataq Nimrodqa karqa, hinaptinqa imaynatam ñoqanchiktapas Bibliaqa anyawanchik? (Pro. 3:31.)

2. Genesis 11:1-9 nisqanta leey.

   ¿Imapaqtaq torretaqa hatarichirqaku, hinaptinqa imanasqataq rurayninkuqa yanqapaq karqa? (Gen. 11:4; Pro. 16:18; Juan 5:44.)

13 kaq willakuy

1. ¿Imayna runakunataq Ur llaqtapiqa yacharqaku?

2. ¿Pitaq kay dibujopi runaqa? ¿Haykapitaq nacerqa? ¿Maypitaq yacharqa?

3. ¿Imatam Diosqa Abrahamta kamachirqa?

4. ¿Imanasqataq Abrahamtaqa Diospa amigonmi nispa suticharqaku?

5. ¿Pikunataq rirqaku Abrahanwan Ur llaqtanmanta pasakuptin?

6. ¿Imatam Diosqa Abrahanman nirqa Canaan lawman chayaruptin?

7. ¿Imatam Diosqa prometerqa Abrahanman 99 watanpiña kachkaptinqa?

Sapaq tapukuykuna:

1. Genesis 11:27-32 nisqanta leey.

   1. ¿Abrahampaqa imantaq Lotqa karqa? (Gen. 11:27.)

   2. Tareymi aylluntaqa pusarqa Canaan sutiyoq llaqtaman nispa nichkaptinkupas, ¿imaynatam yachanchik Abrahampuni cheqaptaqa taytam Tareytawan wakin ayllunta Canaan llaqtaman pusasqanta, hinaspa imanasqataq chaytaqa rurarqa? (Gen. 11:31; Hech. 7:2-4.)

2. Genesis 12:1-7 nisqanta leey.

   ¿Imatawanmi Jehová Diosqa nirqa Abrahamta contrato rurasqanmanta Canaan lawpiña tarikuptin? (Gen. 12:7.)

3. Genesis 17:1-8, 15-17 nisqanta leey.

   1. 99 watanpiña Abram kachkaptinqa, ¿ima sutiwantaq Diosqa suticharurqa, imanasqa? (Gen. 17:5.)

   2. ¿Ima bendicionkunatam Diosqa Sarata prometerqa? (Gen. 17:15, 16.)

4. Genesis 18:9-19 nisqanta leey.

   1. Genesis 18:19 nisqan hina, ¿imata ruranankupaqmi tayta-mamakunataqa kamachin? (Deu. 6:6, 7; Efe. 6:4.)

   2. Sarata, ¿ima pasasqanmi qawachin Jehová Diosmanta mana imatapas pakasqanchikta? (Gen. 18:12, 15; Sal. 44:21.)

14 kaq willakuy

1. ¿Imatam Diosqa Abrahanman prometerqa, hinaspa imaynatam cumplirqa?

2. Dibujopi qawasqaykiman hina, ¿imaynatam Diosqa Abrahampa iñiyninta pruebarqa?

3. ¿Imatataq Abrahamqa rurarqa Diospa kamachisqanta mana entiendechkaspapas?

4. ¿Imataq pasarqa Abraham churinta wañuchinanpaq cuchillota horqoykuptin?

5. ¿Mayna iñiyniyoqmi Abrahamqa karqa?

6. ¿Imatam Diosqa rikurichirqa Abraham altarpi kañananpaq, hinaspa imaynata?

Sapaq tapukuykuna:

1. Genesis 21:1-7 nisqanta leey.

   ¿Imanasqam Abrahamqa churinta qari kayninpi señalarqa pusaq kaq punchawpi? (Gen. 17:10-12; 21:4.)

2. Genesis 22:1-18 nisqanta leey.

   ¿Imaynatam Isaacqa taytan Abrahamta kasukusqanta qawachirqa, hinaspa imaynatam chayqa rikchanachirqa hamuq tiempopi aswan allin kaq pasananmanta? (Gen. 22:7-9; 1 Cor. 5:7; Fili. 2:8, 9.)

15 kaq willakuy

1. ¿Imanasqataq Lotwan Abrahamqa rakinakurqaku?

2. ¿Imanasqataq Lotqa Sodoma llaqtapi yachananpaq tantearurqa?

3. ¿Imaynataq Sodoma llaqtapi runakuna karqaku?

4. ¿Imatam iskay angelkuna Lotman willarqaku?

5. ¿Imanasqam Lotpa warminqa suytu kachiman tikrakururqa?

6. ¿Imatam yachanchik Lotpa warmin mana kasukusqanmanta?

Sapaq tapukuykuna:

1. Genesis 13:5-13 nisqanta leey.

   Piwanpas piñanakuspa allinyanakunapaqqa, ¿imatam yachachwan Abrahampa rurasqanmanta? (Gen. 13:8, 9; Rom. 12:10; Fili. 2:3, 4.)

2. Genesis 18:20-33 nisqanta leey.

   Jehová Dioswan Abrahampa rimasqankumanta yachaspaqa, ¿imanasqam nichwan Jehová Dioswan Jesusqa juicio punchawpim allinllata ruranqaku nispa? (Gen. 18:25, 26; Mat. 25:31-33.)

3. Genesis 19:1-29 nisqanta leey.

   1. Kaypi Bibliapa willasqanman hina, ¿imaynatam Diosqa qawan warmiwan hina qarimasillanwan puñuyta? (Gen. 19:5, 13; Lev. 20:13.)

   2. ¿Imaynatam Lot hinaspa Abraham sapakamapas Diospa nisqanta qatikurqaku, hinaspa imatam chay rurasqankumantaqa yachanchikman? (Gen. 19:15, 16, 19, 20; 22:3.)

4. Lucas 17:28-32 nisqanta leey.

   ¿Lotpa warminqa imaynatam qawachirqa sonqonmanta tukuy imayoq kay munasqanta, hinaspa imanasqataq anyawananchikpaq hina kanman rurasqanqa? (Luc. 12:15; 17:31, 32; Mat. 6:19-21, 25.)

5. 2 Pedro 2:6-8 nisqanta leey.

   Lot hina kaspaqa, ¿imaynatam qawananchik kay pachapi mana allin ruraykunata? (Eze. 9:4; 1 Juan 2:15-17.)

16 kaq willakuy

1. ¿Pikunataq dibujopi qawasqayki warmiwan qariqa?

2. ¿Imatam Abrahamqa rurarqa churin Isaacpaq warmita maskapunanpaq, hinaspa imanasqa?

3. ¿Imaynatam Diosqa contestarqa Abrahampa sirvientenpa mañakusqanta?

4. ¿Ima nirqataq Rebecaqa, Isaacwan casarakunanpaq tapuptinkuqa?

5. ¿Imataq yapamanta kusichirqa Isaacta?

Sapaq tapukuykuna:

1. Genesis 24:1-67 nisqanta leey.

   1. ¿Rebeca yaku horqonan pukyu patapi Abrahampa sirvientenwan tuparuspaqa ¿imayna sonqoyoq kasqantam reqsichikurqa? (Gen. 24:17-20; Pro. 31:17, 31.)

   2. ¿Ima allin ejemplotam yachachiwanchik Abraham churin Isaacpaq rurasqanqa? (Gen. 24:37, 38; 1 Cor. 7:39; 2 Cor. 6:14.)

   3. ¿Imanasqam Isaac hina yuyaymananapaqqa tiempota horqonanchik? (Gen. 24:63; Sal. 77:12; Fili. 4:8.)

17 kaq willakuy

1. ¿Pikunataq Esauwan Jacobqa karqaku, hinaspa imapitaq mana igualchu karqaku?

2. ¿Hayka watayoqtaq Esauwan Jacobqa karqaku abuelonku Abraham wañukuptinqa?

3. Esaupa, ¿ima rurasqantaq llakichirqa tayta-mamantaqa?

4. ¿Imanasqam Esauqa llumpayllataña piñakururqa wawqen Jacobpaq?

5. ¿Ima rurananpaqmi Isaacqa churin Jacobta kamachirqa?

Sapaq tapukuykuna:

1. Genesis 25:5-11, 20-34 nisqanta leey.

   1. ¿Imatam Jehová Diosqa nirqa Rebecata iskaynin wawankunamanta? (Gen. 25:23.)

   2. ¿Imaynatam Jacob hinaspa Esau, piwi churi kayta qawarqaku? (Gen. 25:31-34.)

2. Genesis 26:34, 35; 27:1-46, hinaspa 28:1-5 nisqanta leey.

   1. ¿Imaynatam Esauqa qawachirqa Diospa kaqninkunata despreciasqanta? (Gen. 26:34, 35; 27:46.)

   2. Diospa bendicionninta Jacob chaskikunanrayku ¿ima rurananpaqmi Isaacqa churin Jacobta kamachirqa? (Gen. 28:1-4.)

3. Hebreos 12:16, 17 nisqanta leey.

   Esaupa rurasqanman hina, ¿imapim tukunqaku Diospa kaqninkunata despreciaq?

18 kaq willakuy

1. ¿Pitaq dibujopi qawasqayki sipasqa, hinaspa imatam payta yanapananpaq Jacobqa rurarqa?

2. ¿Imatam Jacobqa rurayta munarqa Raquelwan casarakunanpaq?

3. ¿Imatataq Labanqa rurarqa Raquelwan Jacob casarakunanpaq tiempo cumplikuruptin?

4. ¿Imatam Jacob rurarqa Raquelwan casarakunanpaq?

Sapaq tapukuykuna:

1. Genesis 29:1-30 nisqanta leey.

   1. Laban engañaruptinpas, ¿imaynatam Jacobqa allin runa kasqanta qawachikurqa, hinaptinqa ñoqanchikpas imatam paymanta yachachwan? (Gen. 25:27; 29:26-28; Mat. 5:37.)

   2. ¿Imaynatam Jacobpa rurasqan qawachin cheqap kuyakuywan caprichakuspa kuyakuyqa mana hinalla kasqanta? (Gen. 29:18, 20, 30; Cant. de Cant. 8:6.)

   3. ¿Ima tawa warmikunam Jacobpa churinkunata wachakurqaku? (Gen. 29:23, 24, 28, 29.)

19 kaq willakuy

1. ¿Imakunataq Jacobpa 6 churinkunapa sutinqa karqa punta kaq warmin Leapa wachakusqan?

2. Jacobpa, ¿ima iskay churinkunatam Leapa sirvientan Zilpa wachakurqa?

3. ¿Imataq Raquelpa sirvientan Bilhapa wachakusqan Jacobpa iskay churinkunapa sutinqa karqa?

4. ¿Imataq Raquelpa iskay wawankunapa sutinqa karqa, ichaqa imataq pasarqa Raquelta iskay kaq wawanta wachakuchkaptin?

5. ¿Dibujopi qawasqanchikman hina ¿hayka churiyoqtaq Jacobqa karqa, hinaspa ima naciontaq paykunamanta rikurimurqa?

Sapaq tapukuykuna:

1. Genesis 29:32-35; 30:1-26, hinaspa 35:16-19 nisqanta leey.

   Jacobpa churinkunamanta yachasqanchikman hina, ¿imaynatam ñawpaq tiempopi Israel casta runakunaqa churinkuta suticharqaku?

2. Genesis 37:35 nisqanta leey.

   Bibliapi Dinallata sutichaptinpas, ¿imaynatam yachanchik Jacobpa warmi churinqa mana chullalla kasqanta? (Gen. 37:34, 35.)

20 kaq willakuy

1. ¿Imanasqataq Abraham hinaspa Isaac mana munarqakuchu churinkuna Canaan llaqtayoq runakunawan casarakunankuta?

2. ¿Kusikunmanchu karqa Jacobqa warmi churin Canaan llaqtayoq sipaskunawan juntanakuptin?

3. ¿Pitaq kay dibujopi Dinataqa qawachkan, hinaspa ima mana allintataq Dinataqa rurarurqa?

4. ¿Imatam Simeonwan Leviyqa paninku Dinata pasasqanta yacharuspankuqa rurarqaku?

5. ¿Kusichirqachu Jacobta Simeonwan Leviypa rurasqankuqa?

6. ¿Imaynatamá kay aylluqa sasachakuypi tarikurqaku?

Sapaq tapukuykuna:

1. Genesis 34:1-31 nisqanta leey.

   1. ¿Mana piensasqanpichu Dinaqa Canaan llaqtapi sipaskunata watukurqa? Willakuy imanasqa (Gen. 34:1).

   2. ¿Imanasqataq Dinaqa doncella kayninta pierderunanpaqqa huchayoqpas karqa? (Gal. 6:7.)

   3. ¿Imaynatam kunanpas mozo-sipaskunaqa qawachinmanku Dinata pasasqantaqa anyayta hina hapisqankuta? (Pro. 13:20; 1 Cor. 15:33; 1 Juan 5:19.)

21 kaq willakuy

1. ¿Imanasqataq Joseytaqa wawqenkunaqa envidiakurqaku, hinaspa imatataq rurarqaku?

2. ¿Imatam Joseyta wawqenkunaqa rurayta munarqaku, ichaqa imatam Ruben nirqa?

3. ¿Imataq pasarqa Ismael casta negociantekuna chayaramuptinku?

4. Josey wañurusqanta taytanta piensachinankupaq, ¿imatam wawqenkunaqa rurarqaku?

Sapaq tapukuykuna:

1. Genesis 37:1-35 nisqanta leey.

   1. Congregacionpi pipas mana allinkunata rurasqanmanta willana kaptinqa, ¿imaynatam cristianokunaqa Joseypa rurasqanta qatikuchwan? (Gen. 37:2; Lev. 5:1; 1 Cor. 1:11.)

   2. ¿Imanasqataq wawqenkuna Joseytaqa traicionarurqaku? (Gen. 37:11, 18; Pro. 27:4; Sant. 3:14-16.)

   3. Churinmanta Jacob llakikuchkaspa, ¿ima rurasqanmi qawachin wañuqkunamanta llakikuypas chaynalla kasqanta? (Gen. 37:35.)

22 kaq willakuy

1. ¿Hayka watayoqmi Joseyqa karqa Egiptoman apaptinku, hinaptin imataq pasarqa Egiptoman chayaruptinqa?

2. ¿Imanasqataq Joseytaqa carcelman churarurqaku?

3. Josey carcelpi kachkaptin, ¿imata rurananpaqmi kamachirqaku?

4. ¿Imatataq Joseyqa carcelpi kachkaspanqa rurarqa Faraonpa vinon serviqpaq hinaspa panaderonpaqpas?

5. ¿Imataq pasarurqa vino serviqta carcelmanta horqoramuptinkuqa?

Sapaq tapukuykuna:

1. Genesis 39:1-23 nisqanta leey.

   Joseypa tiemponpi waqllikuymanta manaraq kamachikuy qellqasqa kachkaptinpas, ¿imataq kallpancharqa Joseytaqa Potifarpa warminmanta lluptinanpaq? (Gen. 2:24; 20:3; 39:9.)

2. Genesis 40:1-23 nisqanta leey.

   1. Pisillapi willakuy vino serviqpa mosqoyninta hinaspa Jehová Diospa yanapakuyninwan chay mosqoypa ima ninanta Josey willasqantapas (Gen. 40:9-13).

   2. ¿Imatam tanta ruraqqa mosqokurqa, hinaspa ima ninantaq karqa? (Gen. 40:16-19.)

   3. ¿Imaynatam allin yuyayniyoq confianza sirviente kaqkuna Joseypa rurasqanman hina qatikuchkanku? (Gen. 40:8; Sal. 36:9; Juan 17:17; Hech. 17:2, 3.)

   4. Genesis 40:20 nisqanqa, ¿imaynatam yachachiwanchik santokuy mana allin kasqanta? (Ecl. 7:1; Mar. 6:21-28.)

23 kaq willakuy

1. ¿Imataq Faraontaqa huk tuta pasarqa?

2. ¿Imanasqataq vino serviqqa chayraq Joseyta yuyarirurqa?

3. Dibujopi qawasqaykiman hina, ¿ima iskay mosqoykunatam Faraonqa mosqokurqa?

4. ¿Imatam Joseyqa nirqa mosqoykunapa ima ninanmanta?

5. ¿Imaynatam Joseyqa Egipto nacionpi ancha reqsisqa runa rikurirurqa?

6. ¿Imanasqataq Egiptoman Joseypa wawqenkuna rirqaku, hinaspa imanasqataq mana paytaqa reqsiyta atirqakuchu?

7. ¿Imata mosqokusqantam Joseyqa yuyarirurqa hinaspa imatam chaywan musyakurqa?

Sapaq tapukuykuna:

1. Genesis 41:1-57 nisqanta leey.

   1. ¿Imaynatam Joseyqa Jehová Diosta alabarqa, hinaspa imaynatataq cristianokunapas Joseypa rurasqanta qatikunmanku? (Gen. 41:16, 25, 28; Mat. 5:16; 1 Ped. 2:12.)

   2. Egipto nacionpi achkallaña kawsaykuna kasqan watakunaqa hinaspa muchuy kasqan watakunaqa, ¿imaynatam qawachin Jehová Diospa llaqtan espiritualpi imayna kananta, hinaspa cristiano tukuqkuna imayna tarikunankutapas? (Gen. 41:29, 30; Amos 8:11, 12.)

2. Genesis 42:1-8 hinaspa 50:20 nisqanta leey.

   ¿Jehová Diospa serviqninkunapaq huchachu kanman runapa ñawpaqninpi kumuykuyninku respetasqankuta qawachinankupaq chay llaqtapi runakunapa costumbrenku chayna kaptinpas? (Gen. 42:6.)

24 kaq willakuy

1. ¿Imanasqataq Joseyqa wawqenkunata wateqaqkunam kankichik nispa tumparqa?

2. ¿Imanasqataq Jacobqa sullka kaq churin Benjamin Egiptoman rinanta dejarqa?

3. ¿Imanasqataq Joseypa vasonqa Benjaminpa costalninpi rikurirurqa?

4. ¿Imatam Juda rurayta munarqa Benjaminta kacharinankupaq?

5. ¿Imayna kayninkupitaq Joseypa wawqenkunaqa manaña ñawpaq hinañachu karqaku?

Sapaq tapukuykuna:

1. Genesis 42:9-38 nisqanta leey.

   Genesis 42:18 nisqanpi Joseypa rimasqanqa, ¿imanasqataq tiemponchikpi Jehová Diospa llaqtanpi punta apaqkunapaq allin yuyarichikuy kanman? (Neh. 5:15; 2 Cor. 7:1, 2.)

2. Genesis 43:1-34 nisqanta leey.

   1. Wawqenkunamantaqa Ruben piwi kachkaptinpas, ¿imaynatam sutilla qawakun wawqenkunapa rantinpi Juda rimasqanqa? (Gen. 43:3, 8, 9; 44:14, 18; 1 Cro. 5:2.)

   2. ¿Imaynatamá Joseyqa wawqenkunata pruebarqa, hinaspa imanasqataq? (Gen. 43:33, 34.)

3. Genesis 44:1-34 nisqanta leey.

   1. Wawqenkunawan mana reqsichikunanpaq rurasqanpiqa, ¿pimanmi Joseyqa rikchakurqa? (Gen. 44:5, 15; Lev. 19:26.)

   2. ¿Imaynatam qawachirqaku Joseypa wawqenkunaqa manaña ñawpa hinaqa wawqenta envidiakuq kasqankuta? (Gen. 44:13, 33, 34.)

25 kaq willakuy

1. ¿Imataq pasarun Josey wawqenkunaman reqsiykachikuptin?

2. ¿Imatam Joseyqa kuyakuywan wawqenkunaman willarqa?

3. ¿Imanirqataq Faraonqa Joseypa wawqenkunamanta yacharuspan?

4. ¿Haykatañataq mirarusqa Jacobpa ayllunqa Egiptoman richkaptinku?

5. ¿Ima sutiwantaq Jacobpa aylluntaqa suticharqaku, hinaspa imanasqataq?

Sapaq tapukuykuna:

1. Genesis 45:1-28 nisqanta leey.

   ¿Imaynatam Bibliapi Joseymanta willakuyqa qawachin Jehová Diosqa serviqninkunata imapas ñakarichinanpaq kaqkunata allinpaqña tikraruy atisqanta? (Gen. 45:5-8; Isa. 8:10; Fili. 1:12-14.)

2. Genesis 46:1-27 nisqanta leey.

   ¿Imaynatam Jehová Diosqa Jacobta kallpancharqa Egipto nacionman richkaptin? (Gen. 46:1-4.)

26 kaq willakuy

1. ¿Pitaq Jobqa karqa?

2. ¿Imatam rurayta Satanasqa munarqa? ¿Atirurqachu?

3. Satanaspa, ¿ima ruranantam Jehová Diosqa mana harkakurqachu, hinaspa imanasqa?

4. ¿Imanasqataq Jobtaqa warmin nirqa “Diosta ñakaspaykiyá wañuy” nispa? (Dibujota qaway.)

5. Iskay kaq dibujopi qawasqaykiman hina, ¿imaynatam Jehová Diosqa Jobta bendecirqa, hinaspa imanasqataq?

6. Job hina ñoqanchikpas Jehová Diospa munasqanman hina kawsakuspanchikqa, ¿ima bendicionkunatam chaskisunchik?

Sapaq tapukuykuna:

1. Job 1:1-22 nisqanta leey.

   ¿Imaynatam Jobpa rurasqanta qatikunmanku tiemponchikpi cristianokuna? (Job 1:1; Fili. 2:15; 2 Ped. 3:14.)

2. Job 2:1-13 nisqanta leey.

   ¿Imatam Jobpas hinaspa warminpas sapakama rurarqaku paykunata Satanas ñakarichichkaptin? (Job 2:9, 10; Pro. 19:3; Miq. 7:7; Mal. 3:14.)

3. Job 42:10-17 nisqanta leey.

   1. ¿Imapitaq rikchakun Jobpa kasukuqlla kaspan chaskisqan bendicionqa Jesuspa chaskisqan bendicionman? (Job 42:12; Fili. 2:9-11.)

   2. ¿Imaynatam kallpanchawanchik mana huchallikuspa Jobpa bendicionkuna chaskisqanmanta yachayqa? (Job 42:10, 12; Heb. 6:10; Sant. 1:2-4, 12; 5:11.)

27 kaq willakuy

1. ¿Pitaq dibujopi qawasqayki azoteyoq runaqa, hinaspa pitataq azotechkan?

2. ¿Imataq Israel casta runakunataqa pasarqa Josey wañukusqan qepata?

3. ¿Imanasqataq Egipto runakunaqa mancharisqallaña karqaku Israel runakunamanta?

4. ¿Imata ruranankupaqmi Faraonqa israelpi parterakunata kamachirqa?

Sapaq tapukuykuna:

1. Exodo 1:6-22 nisqanta leey.

   1. ¿Imaynatam Jehová Diosqa cumpliyta qallarirqa Abrahanman prometesqanta? (Exo. 1:7; Gen. 12:2; Hech. 7:17.)

   2. ¿Imaynatam israelpi parterakunaqa qawachirqaku runakunapa vidanta respetasqankuta? (Exo. 1:17; Gen. 9:6.)

   3. ¿Imaynatam Jehová Diosqa kamachikuyninkunata kasukusqankumanta parterakunaman bendecirqa? (Exo. 1:20, 21; Pro. 19:17.)

   4. Abrahampa prometesqa mirayninwan Jehová Diospa munaynin rurakunanta yanqayarachiyta munaspan ¿imatam Satanasqa rurarqa? (Exo. 1:22; Mat. 2:16.)

28 kaq willakuy

1. ¿Pitaq dibujopi wawaqa, hinaspa pipa dedonta hapichkan?

2. ¿Imatam Moisespa mamanqa rurarqa wawanta mana wañuchinankupaq?

3. ¿Pitaq dibujopi sipaschaqa, hinaspa imatam rurarqa?

4. ¿Imatam Mariaqa nirqa Faraonpa warmi churinta wawata tariruptin?

5. ¿Imatam Faraonpa warmi churinqa Moisespa mamanta nirqa?

Sapaq tapukuy:

1. Exodo 2:1-10 nisqanta leey.

   Wawacha kachkaptinraq Moisesta maman yachachinanpaqqa, ¿imatataq rurarqa, hinaspa imanasqataq chayqa tiemponchikpi tayta-mamakuna qatikunankupaq allinqa kanman? (Exo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

29 kaq willakuy

1. ¿Maypitaq Moisesqa wiñarqa, ichaqa imatam tayta-mamanmanta yacharqa?

2. ¿Imatataq Moisesqa rurarqa 40 watanpi kachkaspa?

3. ¿Imatam castamasillan maqaq Israel castayoq runata Moisesqa nirqa, hinaptin ima nispataq chay runaqa kutichirqa?

4. ¿Imanasqataq Moisesqa Egiptomanta lluptirqa?

5. ¿Maylawmanmi Moisesqa lluptirqa hinaspa, pitataq reqsirurqa?

6. ¿Imatam Moisesqa rurarqa 40 watanmanta 80 watankama?

Sapaq tapukuykuna:

1. Exodo 2:11-25 nisqanta leey.

   Achka watata Moisesta Egiptopi yachachiptinkupas, ¿imaynatam Diosta hinaspa Israel llaqtantapas kuyasqanta qawachirqa? (Exo. 2:11, 12; Heb. 11:24.)

2. Hechos 7:22-29 nisqanta leey.

   ¿Imatam yachachwan Moises kikillan tanteakuspa Egiptomanta Israelpa mirayninta salvayta munasqanmanta? (Hech. 7:23-25; 1 Ped. 5:6, 10.)

30 kaq willakuy

1. ¿Imataq dibujopi qawasqayki orqopa sutinqa?

2. ¿Imatataq Moisesqa admirakunapaq hina qawarqa orqopi ovejankunata michichkaspa?

3. ¿Imatam rupachkaq chapramanta rimaqqa nirqa, hinaptin pitaq chay rimaqqa karqa?

4. ¿Imatam Moisesqa nirqa Llaqtanta Egiptomanta horqomunanpaq Jehová Dios niptin?

5. ¿Imatam Diosqa nirqa Moises rimananpaq pim kachamusqanmanta tapuptinku?

6. ¿Imaynatam Moisesqa qawachinman karqa Diospa kachamusqan kasqanta?

Sapaq tapukuykuna:

1. Exodo 3:1-22 nisqanta leey.

   Diospa ima kamachiwasqanchik sasa rurayña kachkaptinpas, ¿imaynatam Moisesmanta yachasqanchikqa kallpanchawanchikman, Jehová Dios yanapawananchikmanta? (Exo. 3:11, 13; 2 Cor. 3:5, 6.)

2. Exodo 4:1-20 nisqanta leey.

   1. ¿Imaynatam Moisesqa sonqonpi imayna kayninta cambiarurqa Madianpi tawa chunka wata yachasqanpi, hinaptin congregacionpi nanachikuy munaqkunaqa imatam kaymanta yachanmanku? (Exo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Jehová Dios llaqtanwan corregiwaptinchikqa, ¿imaynatam kallpanchawanchikman Moisespa pasasqanqa? (Exo. 4:12-14; Sal. 103:14; Heb. 12:4-11.)

31 kaq willakuy

1. ¿Imatam Israel runakunaqa musyarqaku Moiseswan Aaron milagrokunata ruraptinku?

2. ¿Imatam Moiseswan Aaronqa nirqaku Faraonman, hinaspa imatam Faraonqa kutichirqa?

3. Dibujopi qawasqaykiman hina, ¿imataq pasarqa Aaron tawnanta pampaman wischuykuptin?

4. ¿Imaynatam Jehová Diosqa Faraonwan reqsichikurqa, hinaspa imatataq Faraonqa rurarqa?

5. ¿Imataq pasarqa chunka kaq castigopa qepanta?

Sapaq tapukuykuna:

1. Exodo 4:27-31; 5:1-23 nisqanta leey.

   ¿Imatam Faraonqa niyta munarqa: “Tayta [Jehová] Diostaqa manam reqsinichu”, nispaqa? (Exo. 5:2; 1 Sam. 2:12; Rom. 1:21.)

2. Exodo 6:1-13, 26-30 nisqanta leey.

   1. ¿Imaynanpitaq Abraham, Isaac hinaspa Jacobqa Jehová Diostaqa mana reqsirqakuchu? (Exo. 3:13, 14; 6:3; Gen. 12:8.)

   2. Jehová Diospa kamachisqanta mana ruray atiq hina Moises sientekuptinpas, ¿imaynatam sientekunchik Diosqa munayninta hina Moisesllawan rurachisqanmanta yachaspa? (Exo. 6:12, 30; Luc. 21:13-15.)

3. Exodo 7:1-13 nisqanta leey.

   1. Moisesqa Aaronwan qarinchakuspa Faraonman Jehová Diospa castigonmanta willakusqankuqa, ¿imatam yachachin kay tiempopi Jehová Diospa serviqninkunata? (Exo. 7:2, 3, 6; Hech. 4:29-31.)

   2. ¿Imaynatam Jehová Diosqa Egipto nacionpi dioskunamanta aswan atiyniyoq kasqanta reqsichikurqa? (Exo. 7:12; 1 Cro. 29:12.)

32 kaq willakuy

1. Dibujokunata qawaspa, willay mayqan kimsa punta kaq castigokunawanmi Jehová Diosqa Egipto nacionta castigarqa.

2. ¿Imapim kimsa punta kaq castigokunaqa qatiqnin castigokunawan mana tuparqachu?

3. ¿Imataq tawa, pichqa hinaspa soqta kaq castigoqa karqa?

4. ¿Imataq qanchis, pusaq hinaspa isqon kaq castigoqa karqa?

5. ¿Imata ruranankupaqmi Jehová Diosqa llaqtanta nirqa manaraq chunka kaq castigo qallarichkaptin?

6. ¿Imataq chunka kaq castigoqa karqa, hinaspa imataq qepantaqa pasarqa?

Sapaq tapukuykuna:

1. Exodo 7:19-8:23 nisqanta leey.

   1. Egipto nacionniyoq brujokuna Jehová Diospa iskay punta kaq castigonkunata hina ruraptinkupas, ¿imatam reqsipakurqaku kimsa kaq castigomantaqa? (Exo. 8:18, 19; Mat. 12:24-28.)

   2. ¿Imaynatam tawa kaq castigoqa qawachin Jehová Diosqa llaqtanta amparananpaq atiyniyoq kasqanta, hinaptin chayta yachaspa Diospa llaqtanqa imaynatam sientikun ‘hatu-hatun ñakariy’ punchawta suyaspa? (Exo. 8:22, 23; Apo. 7:13, 14; 2 Cro. 16:9.)

2. Exodo 8:24; 9:3, 6, 10, 11, 14, 16, 23-25, hinaspa Exo. 10:13-15, 21-23 nisqanta leey.

   1. Chunka castigokuna kasqanwanqa, ¿ima iskay clase runakunam reqsichikurqaku, hinaspa kaymanta yachasqanchikqa imaynatam tiemponchikpi yanapawanchikman? (Exo. 8:10, 18, 19; 9:14.)

   2. Exodo 9:16 nisqanta entiendesqanchikman hina, ¿imanasqataq Jehová Diosqa Satanasta manaraq puchukachinraqchu? (Rom. 9:21, 22.)

3. Exodo 12:21-32 nisqanta leey.

   ¿Imaynatam Jehová Diospaq Pascua rurasqankuqa achka runakunata yanaparqa salvakunankupaq, hinaspa ima rurakunanmantam qawachirqa? (Exo. 12:21-23; Juan 1:29; Rom. 5:18, 19, 21; 1 Cor. 5:7.)

33 kaq willakuy

1. Israel runakunamanta ¿hayka qarikunam Egipto nacionmanta lloqsirqaku, hinaspa pikunataq paykunawan pasakurqaku?

2. ¿Imaynataq Israel runakuna kacharisqanmantaqa Faraonqa sientekurqa, hinaspa imatam rurarqa?

3. ¿Imatam Jehová Diosqa rurarqa Egipto runakunamanta llaqtanta harkaykunanpaq?

4. ¿Imataq pasarqa Puka lamar qochapa hawanta Moises tawnanta haywariptin, hinaspa imatataq Israel runakunaqa rurarqaku?

5. ¿Imataq pasarqa Egipto runakunata lamar qochaman Israel runakunapa qepanta yaykuruptinku?

6. ¿Imaynatataq Israel runakunaqa qawachirqaku kusisqa kasqankuta hinaspa Jehová Dios salvasqanmanta agradecekusqankutapas?

Sapaq tapukuykuna:

1. Exodo 12:33-36 nisqanta leey.

   ¿Imaynatam Jehová Diosqa Egipto nacionpi achka wata llaqtan servisqanmanta pagonta sayachipurqa? (Exo. 3:21, 22; 12:35, 36.)

2. Exodo 14:1-31 nisqanta leey.

   ¿Imaynatam Moisespa nisqan Exodo 14:13, 14 nisqanpiqa kay tiempopi Jehová Diospa serviqninkunata kallpanchanman Armagedon guerra hichpaykamuchkaptin? (2 Cro. 20:17; Sal. 91:8.)

3. Exodo 15:1-8, 20, 21 nisqanta leey.

   1. ¿Imanasqam Jehová Diospa serviqninkunaqa takikunawan alabananku? (Exo. 15:1, 2; Sal. 105:2, 3; Apo. 15:3, 4.)

   2. ¿Imatam yachachin kay tiempopi paninchikkunaman lamar qochapa patanpi Mariapa hinaspa wakin warmikunapa takiwan Jehová Diosta alabasqanku? (Exo. 15:20, 21; Sal. 68:11.)

34 kaq willakuy

1. Dibujopi runakunaqa, ¿imatataq pampamanta hoqarikuchkanku, hinaspa imataq chaypa sutinqa?

2. ¿Imatam Moisesqa llaqtanta yachachirqa maná nisqa sutiyoq mikuyta hoqarinankupaq?

3. ¿Imatam Jehová Diosqa llaqtanta nirqa viernes punchawta ruranankupaq, hinaspa imanasqataq?

4. ¿Ima milagrotam Jehová Diosqa rurarqa sabado punchawkama maná nisqa sutiyoq mikuyta waqaychaptinku?

5. ¿Hayka watatam Jehová Diosqa llaqtanta maná nisqa sutiyoq mikuyta mikuchirqa?

Sapaq tapukuykuna:

1. Exodo 16:1-36 hinaspa Numeros 11:7-9 nisqanta leey.

   1. Exodo 16:8 nisqanqa, ¿imatam qawachin congregacionpi nanachikunankupaq churasqa ancianokunata respetananchikmanta? (Heb. 13:17.)

   2. ¿Imaynatam chunniqpi sapa punchaw Israel runakunata yuyarichirqaku Jehová Dios munaptillan kawsasqankuta? (Exo. 16:14-16, 35; Deu. 8:2, 3.)

   3. ¿Imamanmi Jesusqa maná nisqa sutiyoq mikuyta rikchanarachirqa, hinaspa imaynatam “cielomanta mikuyta” allinninchikpaq hapichwan? (Juan 6:31-35, 40.)

2. Josuey 5:10-12 nisqanta leey.

   ¿Hayka watatam maná nisqa sutiyoq mikuyta Israel runakunaqa mikurqaku, chaywanqa imaynatam Diosqa paykunata pruebarqa, hinaspa imatam kay willakuymanta yachachwan? (Exo. 16:35; Num. 11:4-6; 1 Cor. 10:10, 11.)

35 kaq willakuy

1. Egipto nacionmanta iskay killaña lloqsimusqanku qepataqa, ¿maypitaq Israel runakuna qepakurqaku?

2. ¿Imatam Jehová Diosqa munan llaqtan rurananta, hinaspa imatam paykunaqa nirqaku?

3. ¿Imanasqam Jehová Diosqa iskay tabla rumikunata Moisesman qorqa?

4. Chunka Kamachikuykunata qospanpas, ¿ima kamachikuykunataraqmi Jehová Diosqa Israel runakunaman qorqa?

5. ¿Ima iskay leykunam aswan allin kamachikuykunaqa kanman Jesuspa nisqanman hina?

Sapaq tapukuykuna:

1. Exodo 19:1-25; 20:1-21; 24:12-18; 31:18 nisqanta leey.

   ¿Imaynatam Exodo 19:8 nisqanqa yanapawanchik Diosman qokuykuy allinpaq hapinanchikpaq? (Mat. 16:24; 1 Ped. 4:1-3.)

2. Deuteronomio 6:4-6; Levitico 19:18, hinaspa Mateo 22:36-40 nisqanta leey.

   ¿Imaynatam cristianokuna qawachinku Jehová Diosta hinaspa runamasinkuta kuyasqankuta? (Mar. 6:34; Hech. 4:20; Rom. 15:2.)

36 kaq willakuy

1. ¿Qawasqayki dibujopi runakunaqa imatataq rurachkanku, hinaspa imanasqataq?

2. ¿Imanasqam Jehová Diosqa piñakururqa, hinaspa imatataq Moisesqa rurarqa Israel runakunapa rurasqanta qawaspa?

3. ¿Imata ruranankupaqmi Moisesqa wakinkunata kamachirqa?

4. ¿Imatam kay willakuyqa yachachiwanchik?

Sapaq tapukuykuna:

1. Exodo 32:1-35 nisqanta leey.

   1. Kay willakuypi qawasqanchikman hina, ¿imaynatam Jehová Diosqa qawan cheqap yupaychayninchikta pantasqa yupaychaqkunawan hukllawakuytaqa? (Exo. 32:4-6, 10; 1 Cor. 10:7, 11.)

   2. ¿Imaynatam cristianokuna cuidakunanku imayna kusirikunankupaq takikunata otaq tusunapaq kaqkunatapas akllaspa? (Exo. 32:18, 19; Efe. 5:15, 16; 1 Juan 2:15-17.)

   3. ¿Imaynatam qatikunapaq hina leviypa castaqa qawachirqaku allin ruraq kaqta defiendesqankuta? (Exo. 32:25-28; Sal. 18:25.)

37 kaq willakuy

1. Dibujopi qawasqayki wasitaqa, ¿imaynatam suticharqaku, hinaspa imapaqtaq karqa?

2. ¿Imanasqataq Jehová Diosqa Moisesta nirqa payman asuykuna karpanta chaylla paskanankupaq hina ruranankupaq?

3. Karpapa taksa kaq cuartochanpi, ¿imataq chay cajachaqa, hinaspa imatataq chaypiqa churarqaku?

4. ¿Pitataq Jehová Diosqa akllarqa sacerdotekunapa jefen kananpaq, hinaspa imatataq ruranan karqa?

5. ¿Ima kimsa kaqkunataq karpapa hatunnin cuartopi kachkan?

6. ¿Ima iskay kaqkunataq karpapa pationpi kachkan, hinaspa imapaqtaq chaykunaqa kanman?

Sapaq tapukuykuna:

1. Exodo 25:8-40; 26:1-37; 27:1-8; 28:1 nisqanta leey.

   ¿Imamanmi rikchakurqaku “chunkantin kamachikuykuna waqaychana baulpa” tapanpi querubin sutiyoq angelkuna? (Exo. 25:20, 22; Num. 7:89; 2 Rey. 19:15.)

2. Exodo 30:1-10, 17-21; 34:1, 2, hinaspa Hebreos 9:1-5 nisqanta leey.

   1. Payman asuykuna karpanpi servinankupaq, ¿imanasqataq Jehová Diosqa sacerdotekunata nirqa bañakuspanku pachankutapas taqsanankupaq, hinaspa imaynatam kayqa yanapawanchikman? (Exo. 30:18-21; 40:30, 31; Heb. 10:22.)

   2. Hebreo congregacionman cartata apachispan, ¿imaynatam apostol Pabloqa qawachirqa Diosman asuykuna karpapas hinaspa ñawpaq contratopi Leypas manaña ñawpaqpi chuyanchaq hina kasqanta? (Heb. 9:1, 9; 10:1.)

38 kaq willakuy

1. ¿Ima niwaqtaq dibujopi qawasqayki uvasmantaqa? ¿Maymantataq apamuchkanku?

2. ¿Imanasqataq Moisesqa Canaan allpaman chunka iskayniyoq wateqaqkunataqa kacharqa?

3. ¿Imatataq Moisesman nirqaku chunka wateqaqkuna kutiramuspankuqa?

4. ¿Imaynatam iskay wateqaqkunaqa Jehová Diospi confiakusqankuta qawachirqaku, hinaspa imataq paykunapa sutinqa karqa?

5. ¿Imanasqataq Jehová Diosqa piñakururqa, hinaspa imatataq Moisestaqa nirqa?

Sapaq tapukuykuna:

1. Numeros 13:1-33 nisqanta leey.

   1. ¿Pikunatataq Moisesqa akllarqa Canaan allpata wateqamunankupaq, hinaspa imatataq paykunaqa rurananku karqa? (Num. 13:2, 3, 18-20.)

   2. ¿Imanasqataq Josueywan Calebqa mana wakinnin wateqaqkuna hinachu piensarqaku, hinaspaqa imatam kaymanta yachachwan? (Num. 13:28-30; Mat. 17:20; 2 Cor. 5:7.)

2. Numeros 14:1-38 nisqanta leey.

   1. ¿Ima anyaytam kasukunanchik Allpapi Jehová Diospa rantinpi churasqa kaqkunapa contranpi mana rimanapaq? (Num. 14:2, 3, 27; Mat. 25:40, 45; 1 Cor. 10:10.)

   2. ¿Imaynatam qawachin Numeros 14:24 nisqanpi, Jehová Diosqa sapakama serviqninkunapa rurasqanpi reparasqanta? (1 Rey. 19:18; Pro. 15:3.)

39 kaq willakuy

1. ¿Pikunataq Moisespa hinaspa Aaronpa contranpi churapakurqaku, hinaspa imatam Moisestaqa nirqaku?

2. ¿Imata ruranankupaqmi Moisesqa nirqa Coreyta hinaspa 250 compañaqninkunatapas?

3. ¿Imatam Moisesqa Israel casta runakunata nirqa, hinaspa imataq pasarqa chaykunata niptin?

4. ¿Imataq Coreyta hinaspa 250 compañaqninkunatapas pasarqa?

5. ¿Imatataq Aaronpa churin Eleazarqa rurarqa wañuqkunapa incienso qontichinankuwan, hinaspa imanasqataq?

6. ¿Imanasqataq Jehová Diosqa Aaronpa tawnanta ikllirachimuspa waytachirqa? (Dibujota qaway)

Sapaq tapukuykuna:

1. Numeros 16:1-49 nisqanta leey.

   1. ¿Imatataq Coreyqa compañaqninkunawan rurarqaku, hinaspa imanasqataq chay rurasqankuqa Jehová Diospa contranpi churapakuy karqa? (Num. 16:9, 10, 18; Lev. 10:1, 2; Pro. 11:2.)

   2. ¿Ima mana allin kaqta sonqonkupi hatallirqaku Coreywan ‘runakunapa 250 jefenkunaqa’? (Num. 16:1-3; Pro. 15:33; Isa. 49:7.)

2. Numeros 17:1-11 hinaspa 26:10 nisqanta leey.

   1. ¿Imatam yachachirqa Aaronpa tawnan ikllirimuspa waytarisqanqa, hinaspa imanasqataq Jehová Diospa contratonta baulninpi churanankupaq nirqa? (Num. 17:5, 8, 10.)

   2. ¿Imatam allinninchikpaq yachachwan Aaronpa tawnanta Jehová Dios waytachisqanmanta? (Num. 17:10; Hech. 20:28; Fili. 2:14; Heb. 13:17.)

40 kaq willakuy

1. ¿Imaynatataq Jehová Diosqa Israel runakunata chunniqpi cuidarqa?

2. ¿Imamantataq Israel runakunaqa Cades lawpi samaspanku quejakurqaku?

3. ¿Imaynatam Jehová Diosqa yakuta qorqa runakunapaq chaynataq animalkunapaqpas?

4. Qawasqayki dibujopi, ¿pitaq kikillan tupqekuq runaqa, hinaspa imanasqataq chaynataqa rurachkan?

5. ¿Imanasqataq Jehová Diosqa piñakururqa Moisespaq chaynataq Aaronpaqpas, hinaspa imawanmi castigarqa?

6. ¿Imataq Hor sutiyoq orqopi pasarqa, hinaptin piñataq Israel nacionpi sacerdotekunapa jefenqa karqa?

Sapaq tapukuykuna:

1. Numeros 20:1-13, 22-29 hinaspa Deuteronomio 29:5 nisqanta leey.

   1. ¿Imatam yachachwan Israel runakunata Jehová Diosqa chunniqpi imayna cuidasqanmanta? (Deu. 29:5; Mat. 6:31; Heb. 13:5; Sant. 1:17.)

   2. ¿Imaynatam Jehová Diosqa qawarqa Moiseswan Aaron Paytaqa mana hatunchasqankuta? (Num. 20:12; 1 Cor. 10:12; Apo. 4:11.)

   3. ¿Imatam Moisesmanta yachachwan Jehová Diospa corregisqanta imayna chaskikusqanmanta? (Num. 12:3; 20:12, 27, 28; Deu. 32:4; Heb. 12:7-11.)

41 kaq willakuy

1. ¿Imataq qawasqayki dibujopi kaspipi arwisqa kachkan, hinaspa imanasqataq Jehová Diosqa Moisesta chaynata rurarachirqa?

2. ¿Imaynatam runakunaqa qawachirqaku Dios paykunapaq rurasqanta mana agradecekusqankuta?

3. ¿Imatam runakunaqa Moisesta mañakurqaku Jehová Dios paykunaman venenoyoq culebrakunata castigananpaq kachaykamuptin?

4. ¿Imanasqataq Jehová Diosqa Moisesta broncemanta culebrata rurachirqa?

5. ¿Imatataq kay willakuymanta yachachwan?

Sapaq tapukuykuna:

1. Numeros 21:4-9 nisqanta leey.

   1. ¿Imatam yachachwan Jehová Diospa qosqanmanta Israel runakuna quejakamusqankumanta? (Num. 21:5, 6; Rom. 2:4.)

   2. Qepa tiempokunapiqa, ¿imapaqtaq Israel runakunaqa bronce culebrata hapirqaku, hinaspa imatataq rey Ezequiasqa chay culebrata rurarqa? (Num. 21:9; 2 Rey. 18:1-4.)

2. Juan 3:14, 15 nisqanta leey.

   ¿Imaynatam bronce culebrata kaspipa puntanpi warkusqankuqa rikchanarachirqa Jesucristopa wañukusqanman? (Gal. 3:13; 1 Ped. 2:24, NM.)

42 kaq willakuy

1. ¿Pitaq Balacqa karqa, hinaspa imanasqataq Balaamtaqa qayachirqa?

2. ¿Imanasqataq Balaampa asnonqa pampapi sirikuykurqa?

3. Asnopa, ¿ima nisqantam Balaamqa uyarirqa?

4. ¿Imatam angelqa Balaamta nirqa?

5. ¿Imataq pasarqa Israel runakunata Balaam ñakayta munaptin?

Sapaq tapukuykuna:

1. Numeros 21:21-35 nisqanta leey.

   ¿Imanasqataq Israelpa mirayninkunaqa Amor casta runakunapa reynin Sehonta, hinaspa Basan nacionpa reynin Ogta vencerurqaku? (Num. 21:21, 23, 33, 34.)

2. Numeros 22:1-40 nisqanta leey.

   ¿Imatataq Balaamqa sonqonpi hatallirqa Israel runakunata ñakayta munananpaq, hinaspa imakunatam chaymanta yachachwan? (Num. 22:16, 17; Pro. 6:16, 18; 2 Ped. 2:15; Jud. 11.)

3. Numeros 23:1-30 nisqanta leey.

   Jehová Diosta serviq hinaraqpas Balaam rimaptinpas, ¿imaynatam rurasqanqa qawachirqa mana chayna kasqanta? (Num. 23:3, 11-14; 1 Sam. 15:22.)

4. Numeros 24:1-25 nisqanta leey.

   ¿Imaynatam kay willakuyqa kallpanchawanchik Jehová Diospi iñispalla munaynin rurakunanta suyananchikpaq? (Num. 24:10; Isa. 54:17.)

43 kaq willakuy

1. ¿Pikunataq dibujopi Moiseswan chay iskay runakunaqa?

2. ¿Imatam Jehová Diosqa Josueyta nirqa?

3. ¿Imanasqataq Moisesqa Nebo sutiyoq orqoman seqarqa, hinaspa imatam chaypi Jehová Diosqa nirqa?

4. ¿Hayka watanpim Moisesqa wañukurqa?

5. ¿Imanasqataq llaqtaqa llakisqa kachkan, ichaqa imanasqataq kusikuchkanku?

Sapaq tapukuykuna:

1. Numeros 27:12-23 nisqanta leey.

   ¿Imata rurananpaqmi Jehová Diosqa Josueyta kamachirqa, hinaspa imaynatam kay tiempopipas Jehová Diosqa Llaqtan kuyasqanta musyanchik? (Num. 27:15-19; Hech. 20:28; Heb. 13:7.)

2. Deuteronomio 3:23-29 nisqanta leey.

   ¿Imanasqataq Jehová Diosqa mana munarqachu Moiseswan Aaronqa prometesqan allpaman yaykunankuta, hinaspa imatam chaymanta yachachwan? (Deu. 3:25-27; Num. 20:12, 13.)

3. Deuteronomio 31:1-8, 14-23 nisqanta leey.

   ¿Imaynatam Moisesqa wañukunallanpaqña kunakusqanpi qawachirqa Jehová Diospa corregisqanta humillakuykuspa chaskikusqanta? (Deu. 31:6-8, 23.)

4. Deuteronomio 32:45-52 nisqanta leey.

   ¿Imaynatam Diospa Palabranpi yachasqanchikqa kawsachiwananchik? (Deu. 32:47; Lev. 18:5; Heb. 4:12.)

5. Deuteronomio 34:1-12 nisqanta leey.

   Moisesqa Jehová Diosta mana rikuptinpas, ¿imatam Deuteronomio 34:10 nisqanqa yachachiwanchik Diospaq imayna kasqanmanta? (Exo. 33:11, 20; Num. 12:8.)

44 kaq willakuy

1. ¿Maypitaq Rahabqa yacharqa?

2. ¿Pikunataq dibujopi qawasqayki qarikunaqa, hinaspa imanasqataq Jerico llaqtapiqa kachkanku?

3. Jerico llaqtapi kamachiq reyqa, ¿imatam Rahabta kamachirqa, hinaptin imatataq Rahabqa nirqa?

4. ¿Imaynatam Rahabqa yanaparqa iskaynin wateqaqkunata, hinaspa imatam mañakurqa?

5. Iskaynin wateqaqkunaqa, ¿imatataq Rahabman juramentarqaku?

Sapaq tapukuykuna:

1. Josuey 2:1-24 nisqanta leey.

   ¿Imaynatataq Exodo 23:28 nisqanqa cumplikurqa Israel runakuna Jerico llaqtaman yaykuptinku? (Jos. 2:9-11.)

2. Hebreos 11:31 nisqanta leey.

   ¿Imaynatam Rahab sutiyoq warmipa rurasqanqa qawachin iñiyniyoq kayqa allin kasqanta? (Rom. 1:17; Heb. 10:39; Sant. 2:25.)

45 kaq willakuy

1. ¿Imatam Jehová Diosqa rurarqa Israel runakuna Jordan mayuta chimpanankupaq?

2. ¿Imatam Israel runakunaqa rurananku Jordan mayuta chimpanankupaqqa?

3. ¿Imanasqataq Jehová Diosqa Josueyta nirqa 12 rumikunata mayupa chawpinmanta horqomunankupaq?

4. ¿Imataq pasarqa Jordan mayumanta sacerdotekuna lloqsiramuptinku?

Sapaq tapukuykuna:

1. Josuey 3:1-17 nisqanta leey.

   1. Kay willakuypi qawasqanchikman hina, ¿imatam rurananchik Jehová Dios yanapawananchikpaq chaynataq bendeciwananchikpaqpas? (Jos. 3:13, 15; Pro. 3:5; Sant. 2:22, 26.)

   2. ¿Imaynataq Jordan mayuqa kachkarqa Israel runakuna Diospa Prometesqan Allpaman yaykunankupaq chimpaptinku, hinaspa imaynatam kayqa Jehová Diospa sutinta hatuncharqa? (Jos. 3:15; 4:18; Sal. 66:5-7.)

2. Josuey 4:1-18 nisqanta leey.

   ¿Imapaqmi Jordan mayumanta 12 hoqarisqanku rumikunataqa Gilgal lawpi montomurqaku? (Jos. 4:4-7.)

46 kaq willakuy

1. ¿Imatam Jehová Diosqa kamachirqa soldadokunata chaynataq sacerdotekunatapas soqta punchaw ruranankupaq?

2. ¿Imatam runakunaqa qanchis kaq punchawpi rurananku karqa?

3. Dibujopi qawasqaykiman hina, ¿imataq pasachkan Jerico llaqtapa murallanwan?

4. ¿Imanasqataq guindo waskaqa warkurayachkan ventanamanta?

5. Jerico llaqtata hinaspa runankunatapas, ¿imata ruranankupaqmi Josueyqa soldadonkunata kamachirqa, ichaqa imatataq rurananku karqa chay llaqtapa qollqenkuta, qorinkuta, broncenkuta hinaspa fierronkuta tarispaqa?

6. ¿Imata ruranankupaqmi iskaynin wateqaqkunata Josueyqa kamachirqa?

Sapaq tapukuykuna:

1. Josuey 6:1-25 nisqanta leey.

   1. ¿Imapim rikchakun Israel runakunapa qanchis kaq punchawpi Jerico llaqtata muyurisqankuqa kay tukupay punchawkunapi Jehová Diospa testigonkunapa predicasqankuman? (Jos. 6:15, 16; Isa. 60:22; Mat. 24:14; 1 Cor. 9:16.)

   2. ¿Imaynatam Josuey 6:26 nisqanpi willakuyqa 500 wata qepata cumplikurqa, hinaspa imatam musyachiwanchik Jehová Diospa nisqanmanta? (1 Rey. 16:34; Isa. 55:11.)

47 kaq willakuy

1. Qawasqayki dibujopiqa, ¿pitaq chay chaninniyoq kaqkunata Jerico llaqtamanta aparamuspa pakaq runaqa, hinaspa yanapaqninkunaqa pikunataq?

2. ¿Imanasqataq Acan runa familiantin rurasqanqa llumpay mana allinqa kanman?

3. ¿Imatam Jehová Diosqa nirqa Israel runakunaqa Hai runakunawan vencerachikusqankumanta Josuey tapuptin?

4. ¿Imataq Acan sutiyoq runata aylluntinta pasarqa Josueyman aparuptinku?

5. ¿Imatataq yachachwan Acan runata pasasqanmanta?

Sapaq tapukuykuna:

1. Josuey 7:1-26 nisqanta leey.

   1. ¿Imatam qawachirqa Josueypa orakuspa mañakusqanqa Jehová Dioswan imayna kasqanmanta? (Jos. 7:7-9; Sal. 119:145; 1 Juan 5:14.)

   2. ¿Imatam qawachin Acan runapa rurasqanqa, hinaspa imanasqataq kayqa ñoqanchikta anyawanchik? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Josuey 8:1-29 nisqanta leey.

   ¿Imatam sapakamaqa rurananchik Jehová Diospa llaqtanpa chuya kayninta hatallinapaq? (Jos. 7:13; Lev. 5:1; Pro. 28:13.)

48 kaq willakuy

1. ¿Imapitaq Gabaon runakunaqa Canaan allpapi wakin llaqtakunapa runankuna hinachu mana karqaku?

2. Dibujopi qawasqaykiman hina, ¿imatam Gabaon runakunaqa rurachkanku, hinaspa imanasqataq?

3. ¿Imatam Josuey hinaspa Israel casta jefekuna Gabaon runakunaman prometekurqaku, ichaqa kimsa punchawllamanta imatam yacharurqaku?

4. ¿Imataq pasarqa wakin llaqtakunapa reyninkuna Gabaon runakuna Israel casta runakunawan hawkalla kanankupaq contratota rurasqankumanta yacharuptinku?

Sapaq tapukuykuna:

1. Josuey 9:1-27 nisqanta leey.

   1. Israel runakunata Canaan ‘allpapi llapallan yachaqkunata wañuchinankupaq’ kamachispanpas, ¿ima sumaq kayninkunatam Jehová Diosqa qawachirqa Gabaon runakunata pampachasqanpi? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Gabaon runakunaman prometesqanta cumplispanqa, ¿imaynatam Josueyqa allinta rurarqa cristianokuna chayman hina qatikunankupaqpas? (Jos. 9:18, 19; Mat. 5:37; Efe. 4:25.)

2. Josuey 10:1-5 nisqanta leey.

   ¿Imaynatam Gabaon runakunapa rurasqankuman hina qatikunku kay tiempopi Diosmanta willakuq achkallaña runakuna, chayman hina imatam paykunapa contranpi ruranku? (Jos. 10:4; Zac. 8:23; Mat. 25:35-40; Apo. 12:17.)

49 kaq willakuy

1. Dibujopi qawasqaykiman hina, ¿imatam Josueyqa nichkan, hinaspa imanasqataq?

2. ¿Imaynatam Jehová Diosqa yanaparqa Josueyta hinaspa soldadonkunatapas?

3. ¿Hayka reykunatataq Josueyqa vencerqa enemigonkuna kaptin, hinaspa hayka watapi?

4. ¿Imanasqam Canaan allpata Josueyqa partirqa?

5. ¿Hayka watanpim Josueyqa wañukurqa, hinaspa wañukusqan qepataqa imataq pasarqa Israel casta runakunata?

Sapaq tapukuykuna:

1. Josuey 10:6-15 nisqanta leey.

   ¿Imaynatam kallpanchawanchik Jehová Dios Intita chaynataq Killata Israel castakunarayku sayachisqanmanta yachayqa? (Jos. 10:8, 10, 12, 13; Sal. 18:3; Pro. 18:10.)

2. Josuey 12:7-24 nisqanta leey.

   Josuey peleachkaptinpas, ¿pipunitaq Canaan llaqtakunapi 31 reykunataqa vencerqa, hinaspa imanasqataq kaymanta yachayqa kay tiempopi allinninchikpaq kanman? (Jos. 12:7; 24:11-13; Deu. 31:8; Luc. 21:9, 25-28.)

3. Josuey 14:1-5 nisqanta leey.

   ¿Imaynatam Canaan allpataqa Israel casta ayllukunaqa partinakurqaku, hinaspa imatam kaywanqa yachachwan hamuq tiempopipas Allpapi herenciakunamanta? (Jos. 14:2; Isa. 65:21; Eze. 47:21-23; 1 Cor. 14:33.)

4. Jueces 2:8-13 nisqanta leey.

   Israel llaqtapi Josuey hina, ¿pikunataq kay tiempopipas Jehová Diosta qepanchaqkunamanta cuidawanchik? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

50 kaq willakuy

1. ¿Pikunataq juezkunaqa karqaku, hinaspa imataq wakin juezkunapa sutinqa karqa?

2. ¿Ima sapaqchasqa kaqta rurananpaqmi Deboraqa hatarichisqa karqa, hinaspa imataq ruranan karqa?

3. Caanan casta runakunapa reynin Jabin chaynataq tropankuna kamachiq Sisarapas Israel runakunapa contranpi hatariptin, ¿imatam Jehová Diosmanta Deboraqa willarqa Barac sutiyoq juezman, hinaspa pitaq hatunchasqa kananta willakurqa?

4. ¿Imaynatam Jael sutiyoq warmiqa mana manchakuq kasqanta qawachirqa?

5. ¿Imataq rey Jabinpa wañusqan qepataqa pasarqa?

Sapaq tapukuykuna:

1. Jueces 2:14-22 nisqanta leey.

   ¿Imanasqataq Jehová Diosqa Israel runakunapaqqa piñakururqa, hinaptin imatam chaymantaqa yachachwan? (Jue. 2:20; Pro. 3:1, 2; Eze. 18:21-23.)

2. Jueces 4:1-24 nisqanta leey.

   Congregacionpi paninchikkunaqa, ¿imatam yachanmanku Debora hinaspa Jaelpa imayna iñisqankumanta chaynataq mana manchakuq kasqankumantapas? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Jueces 5:1-31 nisqanta leey.

   Diosta alabanankupaq takita Barac hinaspa Debora takisqakuman hina, ¿imatam mañakuchwan hichpamuq Armagedon punchawpaq? (Jue. 5:3, 31; 1 Cro. 16:8-10; Apo. 7:9, 10; 16:16; 19:19-21.)

51 kaq willakuy

1. ¿Imanasqataq Noemiyqa Moab nacionman ripukurqa?

2. ¿Pikunataq Rut hinaspa Orfa karqaku?

3. ¿Imatam Rut chaynataq Orfa nirqaku llaqtankuta kutikunankupaq Noemiy niptin?

4. ¿Pitaq Boozqa karqa, hinaspa imaynatam yanaparqa Ruttawan Noemiyta?

5. ¿Imam Rutwan Boozpa churinpa sutinqa karqa, hinaspa imanasqataq yuyarinanchikqa?

Sapaq tapukuykuna:

1. Rut 1:1-17 nisqanta leey.

   1. ¿Imata nispanmi Rutqa sonqonmanta sumaqllataña kuyapayakuyninta qawachirqa? (Rut 1:16, 17.)

   2. Hanaq pachaman riqkunapaq, ¿imaynatam kay tiempopi ‘sapaq ovejakunapas’ rikchakunku Rut imayna kasqanman hina? (Juan 10:16; Zac. 8:23.)

2. Rut 2:1-23 nisqanta leey.

   ¿Imakunapim Rutqa sumaqta rurarqa tiemponchikpi sipaskunapas qatikunankupaq? (Rut 2:17, 18; Pro. 23:22; 31:15.)

3. Rut 3:5-13 nisqanta leey.

   1. ¿Imatam Boozqa nirqa Rut mozomasinwan casarakunanmanta paywan casarakuyta munaptin?

   2. ¿Imatam yachachiwanchik Rutpa rurasqanqa kuyapayakuymanta? (Rut 3:10; 1 Cor. 13:4, 5.)

4. Rut 4:7-17 nisqanta leey.

   ¿Imaynatam congregacionpi qarikunaqa Boozpa rurasqanta qatikunmanku? (Rut 4:9, 10; 1 Tim. 3:1, 12, 13; 5:8.)

52 kaq willakuy

1. ¿Ima sasachakuypim Israel casta runakunaqa tarikuchkanku, hinaspa imanasqa?

2. ¿Imanasqataq Jehová Diosqa Gedeonta nirqa achkaraq soldadonkuna kasqanta?

3. ¿Hayka runakunallam qeparurqaku Gedeonqa manchakuq runakunata wasinman kutirachiptin?

4. Dibujopi qawasqaykiman hina, ¿imata rurachispanmi Jehová Diosqa Gedeonpa tropankunamanta 300 soldadokunallata akllarqa?

5. ¿Imaynatam Gedeonqa 300 soldadonkuna peleanankupaq alistarqa, hinaspa imaynatam Israel casta runakunaqa enemigonkunata vencerqa?

Sapaq tapukuykuna:

1. Jueces 6:36-40 nisqanta leey.

   1. ¿Imata ruraspanmi Gedeonqa Jehová Diospa munayninta yacharqa?

   2. ¿Imata ruraspataq ñoqanchikpas Jehová Diospa munayninta yachachwan? (Pro. 2:3-6; Mat. 7:7-11; 2 Tim. 3:16, 17.)

2. Jueces 7:1-25 nisqanta leey.

   1. ¿Imatam yachanchik Gedeonpa wakin soldadonkunamanta 300 soldadonkunalla qawan-qawanlla kasqankumanta? (Jue. 7:3, 6; Rom. 13:11, 12; Efe. 5:15-17.)

   2. 300 soldadokuna Gedeonta qawaspanku qatipakusqankuman hina, ¿imaynatam ñoqanchikpas qatikuchwan Aswan allin kaq Gedeon nispa sutichasqa Jesucristota? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Imaynatam Jueces 7:21 nisqanqa kallpanchawanchik Jehová Diosta servinanchikpaq llaqtanpi maypiña servinapaq kamachiwaptinchikpas? (1 Cor. 4:2; 12:14-18; Sant. 4:10.)

3. Jueces 8:1-3 nisqanta leey.

   Wawqe-panikunawan piñachinakuspa allinyanakunanchikpaqqa, ¿imatam yachanchik Gedeonpa Efrain casta runakunawan allinyanakusqanmanta? (Pro. 15:1; Mat. 5:23, 24; Luc. 9:48.)

53 kaq willakuy

1. ¿Pitaq Jefteyqa karqa, hinaspa ima tiempopim kawsarqa?

2. ¿Imatam Jefteyqa Jehová Diosta prometekurqa?

3. ¿Imanasqataq Amon runakunata venceramuspa Jefteyqa wasinman kutiramuspaqa llakikururqa?

4. ¿Imatam Jefteypa warmi churinqa nirqa taytanpa prometekusqanta yacharuspa?

5. ¿Imanasqataq Israel runakunaqa Jefteypa warmi churintaqa kuyarqaku?

Sapaq tapukuykuna:

1. Jueces 10:6-18 nisqanta leey.

   ¿Imaynatam mana qonqanapaq hina anyawanchik Israel casta runakunapa Jehová Diosta sapa kutilla qepanchasqankuqa? (Jue. 10:6, 15, 16; Rom. 15:4; Apo. 2:10.)

2. Jueces 11:1-11, 29-40 nisqanta leey.

   1. ¿Imaynatam yachanchik Jefteyqa warmi churinta Diosman “qampaq kanqa, wañuchispaymi kañapusqayki” nisqanqa, manam cheqapta wañuchispan kañarunanmanta rimasqanta? (Jue. 11:31; Lev. 16:24; Deu. 18:10, 12.)

   2. ¿Imaynatam Jefteyqa warmi churinta ofrendata wañuchispa kañaq hina Diosman qorqa?

   3. ¿Imatam yachachwan Jehová Diosman prometekusqanta Jefteyqa cumplisqanmanta? (Jue. 11:35, 39; Ecl. 5:4, 5; Mat. 16:24.)

   4. ¿Imaynatam congregacionpi mozo-sipaskunapas Jefteypa warmi churinpa rurasqanta qatikunmanku Jehová Diospa llaqtanpi astawan servipakunankupaq kallpanchakuspanku? (Jue. 11:36; Mat. 6:33; Fili. 3:8.)

54 kaq willakuy

1. ¿Imataq sinchillaña kallpayoq runapa sutinqa karqa, hinaspa pitaq paytaqa kallpancharqa?

2. Dibujopi qawasqaykiman hina, ¿imatataq Sansonqa leonta rurarqa?

3. Dibujopi qawasqaykiman hina, ¿ima secretontam Sansonqa Dalilaman willakuchkan, hinaspa imanasqataq chayman hina Filistea runakuna Sansonta hapirurqaku?

4. ¿Imaynatam Sansonqa wañukusqan punchawpi 3.000 Filistea runakunata wañurachirqa?

Sapaq tapukuykuna:

1. Jueces 13:1-14 nisqanta leey.

   ¿Imanasqataq Manoa sutiyoq runa warminpiwan rurasqankuqa allinqa kanman tayta-mamakuna warmankunata uywaspanku chayta qatikunankupaq? (Jue. 13:8; Sal. 127:3; Efe. 6:4.)

2. Jueces 14:5-9 hinaspa 15:9-16 nisqanta leey.

   1. ¿Imatam qawachiwanchik Jehová Diospa chuya espiritunpa imayna kallpanchasqanmanta Sanson leonta wañuchisqanmanta, mosoq waskawan chaqnaruptinku tipiykusqanmanta chaynataq asnopa kakichunta hapispa 1.000 runakunata wañuchisqanmanta willakuykuna?

   2. ¿Imaynatam kay tiempopipas chuya espirituqa yanapawanchik? (Jue. 14:6; 15:14; Zac. 4:6; Hech. 4:31.)

3. Jueces 16:18-31 nisqanta leey.

   ¿Imata rurananpaqmi Sansontaqa mana allin amistadninkuna hikutarqaku, hinaspa imatam chaymanta yachachwan? (Jue. 16:18, 19; 1 Cor. 15:33.)

55 kaq willakuy

1. ¿Imataq dibujopi warmachapa sutinqa, hinaspa pikunataq wakinkunaqa?

2. ¿Imatam Anaqa mañakurqa Diospa karpanta watukuspan, hinaptin imaynatam Jehová Diosqa mañakusqanta kutichirqa?

3. ¿Hayka watachayoqtam Samueltaqa aparqaku Diospa karpanpi servinanpaq, ichaqa imatataq mamanqa sapa wata paypaq rurarqa?

4. ¿Imataq Eliypa churinkunapa sutinqa karqa, hinaspa imayna runakunataq karqaku?

5. ¿Imaynatam Jehová Diosqa Samuelta qayapayarqa, hinaspa imatataq willarqa?

6. ¿Imataq yuyayniyoq runaña kaspa Samuelqa karqa, hinaspa imataq pasarqa machuyaruptin?

Sapaq tapukuykuna:

1. 1 Samuel 1:1-28 nisqanta leey.

   1. ¿Imaynataq Diosta yupaychananpaq Elcana sutiyoq runa ayllunwan rurasqanqa ayllukunapi umakuna qatikunankupaq hina kanman? (1 Sam. 1:3, 21; Mat. 6:33; Fili. 1:10.)

   2. ¿Imatam yachachwan Ana sasachakuyninta imayna atipasqanmanta? (1 Sam. 1:10, 11; Sal. 55:22; Rom. 12:12.)

2. 1 Samuel 2:11-36 nisqanta leey.

   ¿Imaynatam Eliyqa Jehová Diosmanta mastaraq churinkunata hatuncharqa, hinaspa ima ruranamantam anyawanchik kaymanta yachasqanchikqa? (1 Sam. 2:22-24, 27, 29; Deu. 21:18-21; Mat. 10:36, 37.)

3. 1 Samuel 4:16-18 nisqanta leey.

   ¿Ima tawa llakikunapaq willakuywanmi Eliypa kasqanman guerramanta chayaramunku, hinaspa imataq chayta uyariruptin paytaqa pasarqa?

4. 1 Samuel 8:4-9 nisqanta leey.

   ¿Imaynatam Israel runakunaqa Jehová Diosta piñachirqaku, hinaptin imaynatam Diospa Munaychakusqanta yanapasqanchikta qawachichwan? (1 Sam. 8:5, 7; Juan 17:16; Sant. 4:4.)

56 kaq willakuy

1. Dibujopiqa, ¿imatam Samuelqa rurachkan, hinaspa imanasqa?

2. ¿Imanasqataq Saulqa Jehová Diospa agradonpaq hina karqa, hinaspa imayna runam payqa?

3. ¿Imataq Saulpa churinpa sutinqa karqa, hinaspa imatam rurarqa?

4. ¿Imanasqataq Samuelpa rurananta mana suyaspa Saulqa Diospaq animalkunata kañarqa?

5. ¿Imatam kay willakuymantaqa yachachwan?

Sapaq tapukuykuna:

1. 1 Samuel 9:15-21 hinaspa 10:17-27 nisqanta leey.

   ¿Imaynatam Saultaqa humillakuq kayninqa yanaparqa paypa contranpi runakuna rimaptinpas mana huchallikunanpaq? (1 Sam. 9:21; 10:21, 22, 27; Pro. 17:27.)

2. 1 Samuel 13:5-14 nisqanta leey.

   ¿Imata ruraspanmi Gilgal lawpi Saulqa huchallikurqa? (1 Sam. 10:8; 13:8, 9, 13.)

3. 1 Samuel 15:1-35 nisqanta leey.

   1. ¿Imaynatam Saulqa huchallikururqa Amaleq runakunapa reynin Agagta mana wañuchispa? (1 Sam. 15:2, 3, 8, 9, 22.)

   2. ¿Imaynatam Saulqa huchallikusqanta mana huchapaq hina hapispan hukkunaman huchacharqa? (1 Sam. 15:24.)

   3. ¿Imatam musyakunanchik imamantapas consejawaptinchikqa? (1 Sam. 15:19-21; Sal. 141:5; Pro. 9:8, 9; 11:2.)

57 kaq willakuy

1. Dibujopiqa, ¿imataq chay mozopa sutinqa, hinaspa imaynatam qarinchakuq kasqanta yachanchik?

2. ¿Maypitaq Davidqa yacharqa, hinaspa imataq taytanpa chaynataq abuelonpa sutinqa?

3. ¿Imanasqataq Jehová Diosqa Samuelta nirqa Belen llaqtapi Isaipa wasinman rinanpaq?

4. ¿Imataq pasarqa Isai qanchis churinkunata Samuelman asuykachiptin?

5. ¿Imatam Jehová Diosqa Samuelman nirqa Davidta qayachimuptinku?

Sapaq tapukuykuna:

1. 1 Samuel 17:34, 35 nisqanta leey.

   ¿Imaynatam kay willakuykunapiqa qawakurqa Davidqa qarinchakuq chaynataq Jehová Diospi hapipakuq kasqanta? (1 Sam. 17:37.)

2. 1 Samuel 16:1-14 nisqanta leey.

   1. ¿Imaynatam 1 Samuel 16:7 nisqanpi Jehová Diospa nisqanqa yanapawanchik mana pimanpas sayapakuq kananchikpaq chaynallataq ñawinchik qawasqallanwanqa mana yanqata tanteakunanchikpaqpas? (Hech. 10:34, 35; 1 Tim. 2:4.)

   2. ¿Imaynatam Saulta pasasqanqa qawachin Jehová Dios chuya espiritunta pimantapas qechuruptinqa mana allin rurayllataña runaqa sonqonmanta munasqanta? (1 Sam. 16:14; Mat. 12:43-45; Gal. 5:16.)

58 kaq willakuy

1. ¿Imaynatam Israelpa tropankunata Goliatqa insultarqa?

2. ¿Haykam Goliatpa sayayninqa karqa, hinaspa imatam Saulqa qonqa chay runata venceqmanqa?

3. ¿Imatataq Davidqa Saulta nirqa, warmallaraq kaptin Goliatwan peleananpaq mana atisqantaqa niptin?

4. Goliatpa burlakusqanmanta, ¿imata nispanmi Davidqa Jehová Diospi hapipakusqanta qawachirqa?

5. Dibujopi qawasqaykiman hina, ¿imawantaq Davidqa Goliat runata wañurachirqa, hinaspa imataq pasarqa Filistea runakunapa tropanta?

Sapaq tapukuykuna:

1. 1 Samuel 17:1-54 nisqanta leey.

   1. ¿Imanasqam Davidqa qarinchakuspa imatapas ruraq karqa, hinaspa imaynatam ñoqanchikpas qarinchakuq kasqanta qatikuchwan? (1 Sam. 17:37, 45; Efe. 6:10, 11.)

   2. ¿Imanasqataq cristianokunaqa Goliat hinaqa mana llallinakunanchikchu, kusirikunanchikpaq pukllaspapas otaq imata ruraspapas? (1 Sam. 17:8; Gal. 5:26; 1 Tim. 4:8.)

   3. ¿Imaynatam Davidqa rimasqanpi qawachirqa Jehová Dios yanapaqnin kasqanpi hapipakusqanta? (1 Sam. 17:45-47; 2 Cro. 20:15.)

   4. Guerrapi iskay tropakuna peleasqankumanta willaylla willakunallamantaqa, ¿imaynatam kay willakuyqa qawachin Jehová Diospa contranpi mana valeq taytachakuna peleasqankuta? (1 Sam. 17:43, 46, 47.)

   5. ¿Imaynatam hanaq pachaman rinankupaq kaqkunaqa qatikunku Jehová Diospi hapipakusqanman hina Davidpa rurasqanta? (1 Sam. 17:37; Jer. 1:17-19; Apo. 12:17.)

59 kaq willakuy

1. ¿Imanasqataq Saulqa envidiakurqa Davidta, ichaqa imapitaq churin Jonatanqa mana pay hinachu karqa?

2. ¿Imataq pasarqa David arpanta Saulpaq tocachkaptin?

3. Saulpa warmi churin Micalwan David casarakunanpaqqa, ¿imata rurananpaqmi Davidta Saulqa nirqa, hinaspa imanasqataq chaynataqa nirqa?

4. Dibujopi qawasqaykiman hina, ¿imataq kimsa kaq kutipipas Davidtaqa pasarqa arpanta Saulpaq tocachkaptin?

5. ¿Imaynatam Micalqa Davidta wañunanmanta librarqa, hinaptin imatataq Davidqa rurarqa qanchis wata?

Sapaq tapukuykuna:

1. 1 Samuel 18:1-30 nisqanta leey.

   1. ¿Imaynatam Jonatanpa Davidta kuyasqanqa qawachirqa ‘sapaq ovejakunawan’ ‘aslla ovejakunapas’ kuyanakunankuta? (1 Sam. 18:1; Juan 10:16; Luc. 12:32; Zac. 8:23.)

   2. Saulpa rantinpi Jonatanña rey kananpaq kachkaptinpas, ¿imaynatam 1 Samuel 18:4 nisqanpiqa qawachin Jehová Diospa akllasqan rey Davidtaña Jonatan yanapasqanta?

   3. ¿Imaynatam Saulpa rurasqanqa qawachin envidiakuyqa runa huchallikunanpaq intusqanta, hinaspa imaynatam kay willakuyqa anyawanchik? (1 Sam. 18:7-9, 25; Sant. 3:14-16.)

2. 1 Samuel 19:1-17 nisqanta leey.

   ¿Imaynatam Jonatanqa Saulwan rimaspan vidanta peligroman churarqa? (1 Sam. 19:1, 4-6; Pro. 16:14.)

60 kaq willakuy

1. ¿Imataq dibujopi Davidman riq warmipa sutinqa, hinaspa imaynataq payqa karqa?

2. ¿Pitaq Nabalqa karqa?

3. ¿Imanasqataq Davidqa runankunata kacharqa Nabalman imallantapas mañakunankupaq?

4. ¿Imatam Nabalqa Davidpa runankunata nirqa, chaymanta David yacharuspanqa imatam rurarqa?

5. ¿Imaynatam Abigailqa allin piensaq warmi kasqanta reqsichikurqa?

Sapaq tapukuykuna:

1. 1 Samuel 22:1-4 nisqanta leey.

   Davidpa ayllun rurasqanman hinaqa, ¿imaynatam congregacionpi wawqe-panikunapuraqa yanapanakunanchikqa? (Pro. 17:17; 1 Tes. 5:14.)

2. 1 Samuel 25:1-43 nisqanta leey.

   1. ¿Imanasqataq Nabalmanta willaspaqa mana allinllapaq hapinku? (1 Sam. 25:2-5, 10, 14, 21, 25.)

   2. ¿Imatam congregacionpi casarasqa warmikunaqa Abigailpa rurasqanmanta yachanmanku? (1 Sam. 25:32, 33; Pro. 31:26; Efe. 5:24.)

   3. ¿Ima iskay mana allin kaqkuna rurananmanta Abigailqa Davidta harkarqa? (1 Sam. 25:31, 33; Rom. 12:19; Efe. 4:26.)

   4. Abigailpa rimasqanmanta Davidpa imayna piensasqanta qarikuna allinpaq hapiptinkuqa, ¿imaynatam paykunata yanapanman warmikunata Jehová Dios qawasqanman hina qawanankupaq? (Hech. 21:8, 9; Rom. 2:11; 1 Ped. 3:7.)

61 kaq willakuy

1. ¿Imatataq Davidqa chaynataq Abisaipas rurarqaku campamentonpi Saul puñukunankama?

2. ¿Imakunatam Davidqa Saulta tapurqa?

3. ¿Maymanmi Davidqa pasarqa Saulwan rimarusqan qepataqa?

4. ¿Imanasqataq Davidqa sinchita llakikuspa sumaq aya takitapas qellqarqa?

5. ¿Hayka watanpim Davidtaqa Hebron moqopi reypaq churarurqaku, hinaptin imataq wakillan churinkunapa sutinqa?

6. ¿Maypiñam Davidqa rey hina qepataqa kamachikurqa?

Sapaq tapukuykuna:

1. 1 Samuel 26:1-25 nisqanta leey.

   1. ¿Imaynatam Davidqa qawachirqa 1 Samuel 26:11 nisqanpi Jehová Diospa arreglonta respetasqanta? (Sal. 37:7; Rom. 13:2.)

   2. Kuyakuyllawan pitapas yanapaptinchik hinaspa mana agradecekuptinkuqa, ¿imaynatam 1 Samuel 26:23 nisqanpi Davidpa rimasqanqa yanapawanchikman allin ruraqlla kananchikpaq? (1 Rey. 8:32; Sal. 18:20.)

2. 2 Samuel 1:26 nisqanta leey.

   ¿Imaynatam congregacionpi wawqe-panikunaqa ‘kuyanakuchwanpas’ Davidwan Jonatan kuyanakusqankuman hina? (1 Ped. 4:8; Col. 3:14; 1 Juan 4:12.)

3. 2 Samuel 5:1-10 nisqanta leey.

   1. ¿Hayka watatam Davidqa rey hina kamachikurqa, hinaspa imaynataq iskay llaqtakunamanta kamachikurqa? (2 Sam. 5:4, 5.)

   2. ¿Imanasqataq Davidqa ancha reqsisqa runa karqa, hinaspa imatam ñoqanchikpas chaymantaqa yachachwan? (2 Sam. 5:10; 1 Sam. 16:13; 1 Cor. 1:31; Fili. 4:13.)

62 kaq willakuy

1. Jehová Diospa yanapasqanwan, ¿imataq Canaan allpapiqa pasarqa?

2. ¿Imataq pasarqa David palacionpa qatanpi kachkaptin?

3. ¿Imanasqataq Jehová Diosqa Davidpaqqa piñakururqa?

4. ¿Pitataq dibujopi qawasqaykiman hina Jehová Diosqa kacharqa Davidta huchachananpaq, hinaspa Davidtaqa imakuna pasanantataq payqa nirqa?

5. ¿Ima sasachakuykunataq Davidpaqqa karqa?

6. ¿Pitaq Israel nacionpi reyqa karqa David wañuruptin?

Sapaq tapukuykuna:

1. 2 Samuel 11:1-27 nisqanta leey.

   1. ¿Imaynatam Jehová Diosta serviyqa mana huchallikunanchikpaq yanapawanchik?

   2. ¿Imaynatam Davidqa huchallikunanpaq sonqonpi mana allinkunata hatallirqa, chayna pasasqanqa imaynatam kay tiempopi Jehová Diosta serviqkunata anyawanchik? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. 2 Samuel 12:1-18 nisqanta leey.

   1. ¿Imatam yachanmanku congregacionpi ancianokuna chaynataq tayta-mamakunapas Natanpa imayna Davidta consejasqanmanta? (2 Sam. 12:1-4; Pro. 12:18; Mat. 13:34.)

   2. ¿Imanasqataq Jehová Diosqa Davidta llakipayarqa? (2 Sam. 12:13; Sal. 32:5; 2 Cor. 7:9, 10.)

63 kaq willakuy

1. ¿Imatam Jehová Diosqa Salomonta tapurqa, hinaptin imatam payqa nirqa?

2. Salomonpa mañakusqan Jehová Diospa agradonpaq kaptin, ¿imata qonanpaqmi prometerqa?

3. ¿Ima sasa arreglana sasachakuywanmi iskay warmikuna Salomonman rirqaku?

4. Dibujopi qawasqaykiman hina, ¿imaynatam Salomonqa chay atipanakusqankuta arreglarqa?

5. ¿Imaynam Salomonpa kamachikuyninqa karqa, hinaspa imanasqa?

Sapaq tapukuykuna:

1. 1 Reyes 3:3-28 nisqanta leey.

   1. Jehová Diospa llaqtanpi punta apaqkuna, ¿imatam yachanmanku 1 Reyes 3:7 nisqanpi Salomonpa rimasqanmanta? (Sal. 119:105; Pro. 3:5, 6.)

   2. ¿Imanasqataq Salomonpa mañakusqanqa allin karqa chayman hina orakuspa mañakunanchikpaq? (1 Rey. 3:9, 11; Pro. 30:8, 9; 1 Juan 5:14.)

   3. ¿Imaynatam kallpanchawanchik hamuq tiempopaq aswan allin kaq Salomon nisqa sutichasqa Jesucristo kamachimuptin, rey Salomonpa chay iskay atipanakuq warmikunapa sasachakuyninta arreglasqanqa? (1 Rey. 3:28; Isa. 9:6, 7; 11:2-4.)

2. 1 Reyes 4:29-34 nisqanta leey.

   1. ¿Imatam Jehová Diosqa rurarqa Salomon yachayta qoykunanpaq mañakusqanmanta? (1 Rey. 4:29.)

   2. Runakuna Salomonpa yachachiyninta uyarinankupaq kallpanchakusqankuman hina, ¿imaynatam ñoqanchikqa Diospa Palabran estudiaytaqa qawananchik? (1 Rey. 4:29, 34; Juan 17:3; 2 Tim. 3:16.)

64 kaq willakuy

1. ¿Hayka watapim Salomonqa Jehová Diospa Templonta qespirachirqa, hinaspa imanasqataq achka qollqepa chanin karqa?

2. ¿Hayka cuartokunataq templo ukupiqa karqa, hinaptin imatataq templopa uku lawnin cuartopiqa churarqaku?

3. ¿Imatataq Salomonqa Jehová Diosta mañakurqa templota qespirachispa?

4. ¿Imaynatam Jehová Diosqa qawachirqa Salomonpa mañakusqanta allinpaq hapisqanta?

5. ¿Imatam Salomonpa warminkunaqa hikutaspanku rurachirqaku, hinaptin imataq paytaqa pasarqa?

6. ¿Imanasqam Jehová Diosqa Salomonpaq piñakururqa, hinaspa imatataq payta nirqa?

Sapaq tapukuykuna:

1. 1 Cronicas 28:9, 10 nisqanta leey.

   1 Cronicas 28:9, 10 nisqanpi Davidpa nisqanman hina, ¿imata rurananchikpaqmi sapa punchawqa kallpanchakunanchik? (Sal. 19:14; Fili. 4:8, 9.)

2. 2 Cronicas 6:12-21, 32-42 nisqanta leey.

   1. ¿Imaynatam Salomonqa qawachirqa Hanaq pachapi kaq Diosqa runakunapa rurasqan wasikunapi mana yachasqanta? (2 Cro. 6:18; Hech. 17:24, 25.)

   2. ¿Imatam yachachiwanchik Jehová Diosmanta 2 Cronicas 6:32, 33 nisqanpi Salomonpa rimasqanqa? (Hech. 10:34, 35; Gal. 2:6.)

3. 2 Cronicas 7:1-5 nisqanta leey.

   Jehová Diospa glorianta rikuspanku Israelpa mirayninkunapas sonqonkumanta kallpanchakuspanku alabasqankuman hina, ¿imata rurananchikpaqmi kallpanchawanchikman llaqtanta Jehová Dios kay tiempopipas bendecisqanta qawasqanchikqa? (2 Cro. 7:3; Sal. 22:22; 34:1; 96:2.)

4. 1 Reyes 11:9-13 nisqanta leey.

   ¿Imaynatam Salomonpa kawsayninqa qawachin kay pachapa tukupayninkama otaq wañukunanchikkamapas Diospaq sonqo takyasqanchikqa aswan allin kasqanta? (1 Rey. 11:4, 9; Mat. 10:22; Apo. 2:10.)

65 kaq willakuy

1. ¿Imataq qawasqayki dibujopi runakunapa sutinqa, hinaspa pikunataq paykunaqa?

2. ¿Imatam Ahiasqa capanta rurarurqa, hinaptin chay rurasqanqa imatam qawachirqa?

3. ¿Imatam Salomonqa Jeroboamta ruraruyta munarqa?

4. ¿Imanasqataq Israel casta runakunaqa chunka ayllupi kamachinanpaq Jeroboamtaqa churarurqaku?

5. ¿Imanasqataq Jeroboamqa qorimanta iskay torillokunata rurarurqa, hinaptin imataq Israel nacionpi pasarurqa?

6. ¿Imataq Juda hinaspa Benjamin ayllukunawanqa pasarqa chaynataq Jerusalenpi Jehová Diospa templontapas?

Sapaq tapukuykuna:

1. 1 Reyes 11:26-43 nisqanta leey.

   ¿Imayna runataq Jeroboamqa karqa, hinaptin imatam Jehová Diosqa prometerqa Kamachikuyninkunata kasukuptinqa? (1 Rey. 11:28, 38.)

2. 1 Reyes 12:1-33 nisqanta leey.

   1. ¿Imatam tayta-mamakuna hinaspa congregacionpi ancianokunapas yachanmanku Roboam munaychakuspa mana allinkunata rurasqanmanta? (1 Rey. 12:13; Ecl. 7:7; 1 Ped. 5:2, 3.)

   2. ¿Pipa yanapakuynintam mozo-sipaskunaqa maskanmanku kawsayninkupi imatapas allin kaqkunata tanteakuspa ruranankupaq? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Imanasqataq Jeroboamqa torillota yupaychanankupaq iskay sitiopi churarurqa, hinaptin imanasqataq chayna rurasqanwanqa qawachirqa Jehová Diospi mana hapipakusqanta? (1 Rey. 11:37; 12:26-28.)

   4. ¿Pitaq chunka ayllukunapiqa Diosta qepanchanankupaq umalliqqa karqa? (1 Rey. 12:32, 33.)

66 kaq willakuy

1. ¿Pitaq Jezabel sutiyoq warmiqa karqa?

2. ¿Imanasqataq rey Acabqa llakisqa kachkarqa?

3. ¿Imatam Jezabelqa rurarqa Nabotpa uvas huertanta qosan Acab hapikurunanpaq?

4. ¿Pitataq Jehová Diosqa kacharqa Jezabel warmita castigananpaq?

5. Dibujopi qawasqaykiman hina, ¿imataq pasarqa reypa wasinman Jehu chayaruptin?

Sapaq tapukuykuna:

1. 1 Reyes 16:29-33 hinaspa 18:3, 4 nisqanta leey.

   ¿Ima mana allinkunatamá Israel nacionpi runakuna rurarqaku rey Acab kamachikuchkaptin? (1 Rey. 16:33.)

2. 1 Reyes 21:1-16 nisqanta leey.

   1. ¿Imaynatam Nabotqa Jehová Diosta kasukusqanta chaynataq qarinchakusqantapas qawachirqa? (1 Rey. 21:1-3; Lev. 25:23-28.)

   2. ¿Imatam Acabta pasasqanmanta yachachwan llakikuspa hukmanyasqa kaspaqa chaywan mana atipachikunanchikpaq? (1 Rey. 21:4; Rom. 5:3-5.)

3. 2 Reyes 9:30-37 nisqanta leey.

   ¿Imatam yachachwan llumpayta sientispa Jehová Diospa munayninta Jehu rurasqanmanta? (2 Rey. 9:4-10; 2 Cor. 9:1, 2; 2 Tim. 4:2.)

67 kaq willakuy

1. ¿Pitaq Josafatqa karqa, hinaptin pikunataq chay tiempopiqa kawsarqaku?

2. ¿Imanasqataq Juda nacionpi runakunaqa mancharikurqaku, hinaspa imatataq rurarqaku?

3. ¿Imaynatam Jehová Diosqa Josafatpa mañakusqanta contestarqa?

4. ¿Imatataq Jehová Diosqa rurarqa manaraq peleanankupaq chayachkaptinku?

5. ¿Imatam Josafatpa rurasqanmanta yachachwan?

Sapaq tapukuykuna:

1. 2 Cronicas 20:1-30 nisqanta leey.

   1. ¿Imaynatam Josafatpa rurasqanman hina Jehová Diosta serviqkunapas ruranmanku ima sasachakuykunapi tarikuspankuqa? (2 Cro. 20:12; Sal. 25:15; 62:1.)

   2. Llaqtanman Jehová Dios imatapas willananpaq ñawpaqpi servichikusqanman hina, ¿pikunawanmi kay tiempopipas munasqanta willachimun? (2 Cro. 20:14, 15; Mat. 24:45-47; Juan 15:15.)

   3. ‘Tukuy atiyniyoq Diospa punchawnin guerrapi’ Jehová Dios peleaptinqa, ¿imaynatam Josafatpa rurasqanman hina ñoqanchikpas rurasunchik? (2 Cro. 20:15, 17; 32:8; Apo. 16:14, 16.)

   4. Leviy ayllupi kaqkunapa rurasqankuman hina, ¿imaynatam allpantinpi precursor kaqkuna chaynataq misionero kaqkunapas predicacionpi allinta yanapakunku? (2 Cro. 20:19, 21; Rom. 10:13-15; 2 Tim. 4:2.)

68 kaq willakuy

1. ¿Pikunataq qawasqayki dibujopi kimsa runakunaqa, hinaptin imataq warmachataqa pasarurqa?

2. ¿Imatataq Eliasqa chay warmachapaq mañakurqa, hinaptinqa imataq pasarqa?

3. ¿Imataq Eliaspa yanapaqninpa sutinqa karqa?

4. ¿Imanasqataq Eliseotaqa Sunem llaqtayoq warmiqa mañakurqa wasinman rinanpaq?

5. Warmipa wasinman chayaruspan, ¿imatataq Eliseoqa rurarqa, hinaptin imataq pasarqa wañusqa warmachawanqa?

6. ¿Imatam Jehová Diosqa rurayta atinman, hinaspa imaynatam Eliaspa chaynataq Eliseopa rurasqanwan qawachirqa?

Sapaq tapukuykuna:

1. 1 Reyes 17:8-24 nisqanta leey.

   1. ¿Imaynatam Eliaspa kasukuq kaynin chaynataq iñiyninpas pruebaman churasqa karqa? (1 Rey. 17:9; 19:1-4, 10.)

   2. ¿Imanasqataq Sarepta llaqtayoq viudapa iñiyninqa alli-allinpuni karqa? (1 Rey. 17:12-16; Luc. 4:25, 26.)

   3. ¿Imaynatam Sarepta llaqtayoq viudapa rurasqanqa qawachirqa Mateo 10:41, 42 nisqanpi Jesuspa rimasqanqa chayna kasqanta? (1 Rey. 17:10-12, 17, 23, 24.)

2. 2 Reyes 4:8-37 nisqanta leey.

   1. ¿Imatam Sunem llaqtayoq warmiqa rurasqanwan yachachiwanchik samachiq kaspa rurasqanman hina qatikunanchikpaq? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Imaynatam tiemponchikpi Diosta serviqkunata kuyapayasqanchikta qawachichwan? (Hech. 20:35; 28:1, 2; Gal. 6:9, 10; Heb. 6:10.)

69 kaq willakuy

1. ¿Imatam dibujopi sipaschaqa chay warmiman nichkan?

2. ¿Pitaq dibujopi chay warmiqa, hinaspa imanasqataq sipaschaqa chay warmipa wasinpi kachkan?

3. ¿Imatam Eliseoqa serviqninta kamachirqa Naamanman ninanpaq, hinaspa imanasqataq Naamanqa piñakururqa?

4. ¿Imataq pasarqa serviqninkunapa nisqanman hina Naaman ruraptinqa?

5. ¿Imanasqataq Eliseoqa Naamanpa regalonta mana chaskikurqachu, hinaptin imatam Gieziqa rurarqa?

6. ¿Imataq Giezitaqa pasarqa, hinaspa imatam yachanchik payta pasasqanmanta?

Sapaq tapukuykuna:

1. 2 Reyes 5:1-27 nisqanta leey.

   1. ¿Imaynatam mozo-sipaskunata kallpanchanman chay Israel casta sipaschapa rurasqanqa? (2 Rey. 5:3; Sal. 8:2; 148:12, 13.)

   2. ¿Imanasqataq Namaanpa pasasqantaqa yuyarinanchik Bibliapa nisqanman hina imamantapas consejawaptinchikqa? (2 Rey. 5:15; Heb. 12:5, 6; Sant. 4:6.)

   3. ¿Imakunatam yachachwan Eliseo chaynataq Giezi sapakamapas ima rurasqankumanta? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

70 kaq willakuy

1. ¿Pitaq Jonasqa karqa, hinaspa imatam Jehová Diosqa kamachirqa?

2. Jehová Diospa kamachisqanman riyta mana munaspan, ¿imatam Jonasqa rurarqa?

3. ¿Imata ruranankutam Jonasqa buquepi llamkaqkunata nirqa llumpay wayra-para sosegarunanpaq?

4. Dibujopi qawasqaykiman hina, ¿imataq pasarqa lamar qochapi Jonas chinkaykuptin?

5. ¿Hayka punchawtaq Jonasqa hatun challwapa ukunpi tarikurqa, hinaspa imatataq chaypi rurarqa?

6. ¿Maymanmi Jonasqa rirqa challwapa ukunmanta lloqsiruspa, hinaspa imatam kayqa yachachiwanchik?

Sapaq tapukuykuna:

1. Jonas 1:1-17 nisqanta leey.

   Qawasqanchikman hina, ¿imaynatam Jonasqa Ninive llaqtapi predicanantaqa qawarqa? (Jon. 1:2, 3; Pro. 3:7; Ecl. 8:12.)

2. Jonas 2:1, 2, 10 nisqanta leey.

   ¿Imaynatam Jonasta pasasqanqa qawachiwanchik Jehová Diospi hapipakuspa mañakuptinchikqa uyariwananchikta? (Sal. 22:24; 34:6; 1 Juan 5:14.)

3. Jonas 3:1-10 nisqanta leey.

   1. ¿Imaynatam kallpanchawanchik Jehová Diosta hina kaqllata Jonas servisqanqa, maskiña puntapiqa Diospa nisqanta mana kasukuptinpas? (Sal. 103:14; 1 Ped. 5:10.)

   2. ¿Imatam yachachiwanchik Jonaspa chaynataq Ninive llaqtayoq runakunapa rurasqankuqa ñoqanchikpas predicasqanchik runakunamanta mana kaqta mana piensananchikpaq? (Jon. 3:6-9; Ecl. 11:6; Hech. 13:48.)

71 kaq willakuy

1. ¿Pitaq Isaiasqa karqa, haykapitaq kawsarqa, hinaptin imatam Jehová Diosqa qawachirqa?

2. ¿Imataq paraiso ninanqa, hinaspa imatam yuyarichiwanchik?

3. ¿Imatam hamuq tiempopi ruranan Huertamanta Jehová Diosqa Isaiasta nirqa qellqananpaq?

4. ¿Imanasqataq Adanwan Evaqa sumaq huertankuta qechurachikurqaku?

5. ¿Imatam Jehová Diosqa kuyaqninkunata prometen?

Sapaq tapukuykuna:

1. Isaias 11:6-9 nisqanta leey.

   1. ¿Imaynatam Diospa Palabranqa willakun mosoq allpapi runakunawan animalkunapas hawkallaña kawsakunankuta? (Sal. 148:10, 13; Isa. 65:25; Eze. 34:25.)

   2. ¿Imaynatam kay tiempopi Jehová Diospa llaqtanqa Isaiaspa nisqanman hinaña kawsachkanku? (Rom. 12:2; Efe. 4:23, 24.)

   3. ¿Pitataq hatunchana tiemponchikpi chaynataq mosoq allpapipas runakunapa kawsaynin allinpaqña tikrakusqanmantaqa? (Isa. 48:17, 18; Gal. 5:22, 23; Fili. 4:7.)

2. Apocalipsis 21:3, 4 nisqanta leey.

   1. ¿Imaynatam Bibliaqa yachachin Diosqa runakunawan yachananmanta nisqanqa manam runakunawan kay Allpapi yachananmantachu nisqanta aswanqa hanaq pachamanta paykunata yanapananmanta? (Lev. 26:11, 12; 2 Cro. 6:18; Isa. 66:1; Apo. 21:2, 3, 22-24.)

   2. ¿Imaynatam weqeta chaynataq nanayta Diosqa chinkachinqa? (Luc. 8:49-52; Rom. 8:21, 22; Apo. 21:4.)

72 kaq willakuy

1. ¿Pitaq dibujopi qawasqayki runaqa, hinaspa imanasqataq sasachakuypi kachkan?

2. ¿Imata niq cartakunatam Ezequiasqa Diospa qayllanpi churarun, hinaspa imatam Diosta mañakurqa?

3. ¿Imayna kamachikuqmi Ezequiasqa karqa, hinaspa imatam Jehová Diosqa willakuq Isaiaswan willachimurqa?

4. Uray pata dibujopi qawasqaykiman hina, ¿imatam Jehová Diospa angelninqa Asiria nacionpa soldadonkunata rurarqa?

5. Juda nacionpi iskay ayllukuna hawkalla kachkaptinkupas, ¿imataq pasarqa Ezequiaspa wañukusqan qepata?

Sapaq tapukuykuna:

1. 2 Reyes 18:1-36 nisqanta leey.

   1. ¿Imaynatam Asiria nacionpa tropankuna kamachiqqa, Israel casta runakunata Diospi confiasqankuta yanqacharachiyta munarqa? (2 Rey. 18:19, 21; Exo. 5:2; Sal. 64:3.)

   2. ¿Imaynatam Ezequiaspa rurasqanman hina Jehová Diospa testigonkunaqa ruranku qatikachasqa kachkaspankupas? (2 Rey. 18:36; Sal. 39:1; Pro. 26:4; 2 Tim. 2:24.)

2. 2 Reyes 19:1-37 nisqanta leey.

   1. Sasachakuypi tarikuspankuqa, ¿imaynatam Jehová Diospa llaqtanqa Ezequiaspa rurasqanta qatikunku? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Imaynatam kimsa kaqkunapi rey Senaqueribqa vencerachikurqa, hinaptin pitaq chay willakuypa nisqanman hina paymanqa rikchakunman? (2 Rey. 19:32, 35, 37; Apo. 20:2, 3.)

3. 2 Reyes 21:1-6, 16 nisqanta leey.

   ¿Imanasqataq ninchikman Manasesqa Jerusalenpi kamachikuspan astawan mana allin ruraq rey kasqanta? (2 Cro. 33:4-6, 9.)

73 kaq willakuy

1. ¿Hayka watachayoqmi Josiasqa reyña karqa, hinaspa imatataq qanchis watataña kamachichkaspa rurarqa?

2. ¿Imatataq Josiasqa rurachkan punta kaq dibujopi?

3. ¿Imatataq sacerdotekunapa jefenqa tarirqa templota allichachkaptinku?

4. ¿Imanasqam Josiasqa pachanta llikiparqa?

5. ¿Imatam Josiasman willakuq Hulda willarqa Jehová Diospa nisqanman hina?

Sapaq tapukuykuna:

1. 2 Cronicas 34:1-28 nisqanta leey.

   1. ¿Imaynatam Josiaspa rurasqanqa qatikunapaq hina kanman warma kayninkupi sasachakuspa kawsaqkunapaq? (2 Cro. 33:21-25; 34:1, 2; Sal. 27:10.)

   2. ¿Imakunatam allinta Josiasqa rurarqa pusaq watata, chunka iskayniyoq watata chaymanta chunka pusaqniyoq watata kamachikuchkaspa llaqtanpi Jehová Diosta yupaychanankupaq? (2 Cro. 34:3, 8.)

   3. ¿Imakunatam yachachwan rey Josiaspa chaynataq sacerdotekunapa jefen Hilciaspa rurasqankumanta Jehová Diospa yupaychana wasikunata allinta hatallinanchikpaq? (2 Cro. 34:9-13; Pro. 11:14; 1 Cor. 10:31.)

74 kaq willakuy

1. ¿Pitaq dibujopi qawasqayki mozoqa?

2. ¿Imaynatam Jeremiasqa piensarqa willakuq kananmantaqa, ichaqa imatam Jehová Diosqa nirqa?

3. ¿Imatam Jeremiasqa willarqa llaqtamasinkunaman?

4. ¿Imaynatam sacerdotekunaqa Jeremiaspa willakunanta harkakuyta munarqaku, hinaptin imaynatam Jeremiasqa mana manchakusqanta qawachirqa?

5. ¿Imataq Israel casta runakunataqa pasarqa mana allin rurasqankuta mana saqeptinku?

Sapaq tapukuykuna:

1. Jeremias 1:1-8 nisqanta leey.

   1. Jeremiasta pasasqanman hina, ¿imataq runataqa yanapanman Jehová Diosta servinanpaq? (2 Cor. 3:5, 6.)

   2. ¿Imaynatam congregacionpi mozokunata yanapanman Jeremiaspa rurasqanqa? (Ecl. 12:1; 1 Tim. 4:12.)

2. Jeremias 10:1-5 nisqanta leey.

   ¿Ima rikchanachiytam Jeremiasqa rimarqa taytacha-mamachakunapi hapipakuy mana allin kasqanta qawachinanpaq? (Jer. 10:5; Isa. 46:7; Hab. 2:19.)

3. Jeremias 26:1-16 nisqanta leey.

   1. Tiemponchikpi Diospa castigonmanta willakuspa, ¿imaynatam Jeremiasman ‘chulla palabrallatapas mana qonqaspam willakunki’ nispa Jehová Diospa kamachisqanta hanaq pachaman riqkunapas kasukuchkanku? (Jer. 26:2; Deu. 4:2; Hech. 20:27.)

   2. ¿Imaynatam Jeremiaspa rurasqanman hina Jehová Diospa testigonkunapas tiemponchikpi Jehová Diospa piñakuynin punchawmanta willakunanku? (Jer. 26:8, 12, 14, 15; 2 Tim. 4:1-5.)

4. 2 Reyes 24:1-17 nisqanta leey.

   ¿Imaynatam Juda nacionqa llakipi tukurqa Jehová Diosta qepanchasqankumanta? (2 Rey. 24:2-4, 14.)

75 kaq willakuy

1. ¿Pikunataq karqaku dibujopi tawa mozokunaqa, hinaspa imanasqataq Babilonia nacionpi kachkanku?

2. ¿Imatam Nabucodonosorqa chay tawa mozokunapaq tantearurqa, hinaspa imatam serviqninkunata kamachirqa?

3. ¿Imatam Danielqa mañakurqa mikunankupaq chaynataq tomanankupaq paypaq chaynallataq kimsa amigonkunapaqpas?

4. Chunka punchaw verdurallataña mikuspanku, ¿imaynam karqaku Daniel chaynallataq kimsa amigonkunapas wakin mozokuna kasqankumantaqa?

5. ¿Imanasqataq Danielta chaynataq kimsa amigonkunatapas reypa palacionman pusarqaku, hinaspa imaynanpitaq brujokunamantapas hinaspa espiritistakunamantapas aswan yachayniyoqraq karqaku?

Sapaq tapukuykuna:

1. Daniel 1:1-21 nisqanta leey.

   1. ¿Imaynatam kallpanchakunanchik huchawan mana intuchikunanchikpaq hinaspa chaykunata atipananchikpaqpas? (Dan. 1:8; Gen. 39:7, 10; Gal. 6:9.)

   2. ¿Imaynatam mozo-sipaskunaqa tentachikunmanku otaq mana allinta ruranankupaq engañachikunmanku “reypa mikuynin” hina kaqkunawan? (Dan. 1:8; Pro. 20:1; 2 Cor. 6:17–7:1.)

   3. Israel casta tawa mozokunamanta willakuyqa, ¿imata musyakunanchikpaqmi yanapawanchikman runakunapa yachachikuyninkunata maskaymantaqa? (Dan. 1:20; Isa. 54:13; 1 Cor. 3:18-20.)

76 kaq willakuy

1. ¿Imataq Jerusalen llaqtata chaynataq Israel casta runakunatapas qawasqayki dibujopi pasachkan?

2. ¿Pitaq Ezequielqa karqa, hinaspa ima millakuypaq kaqkunatam Jehová Diosqa qawachirqa?

3. Israel casta runakuna Jehová Diosta mana respetaptinku, ¿imatam Payqa nirqa?

4. ¿Imatataq Nabucodonosorqa rurarqa Israel casta runakuna paypa contranpi hatariruptinku?

5. ¿Imanasqam Jehová Diosqa Juda nacionpi runakunata puchukarachinankuta saqerqa?

6. ¿Imanasqam Israel casta runakunapa llaqtankuqa chunnirayarqa, hinaspa hayka watataq chayna karqa?

Sapaq tapukuykuna:

1. 2 Reyes 25:1-26 nisqanta leey.

   1. ¿Pitaq Sedequiasqa karqa hinaptin imataq paytaqa pasarqa, hinaspa imaynatam Bibliapi nisqanqa cumplikurqa? (2 Rey. 25:5-7; Eze. 12:13-15.)

   2. ¿Pitam Jehová Diosqa huchacharqa Juda nacionpi Israel casta runakunapa huchallikusqankumanta? (2 Rey. 25:9, 11, 12, 18, 19; 2 Cro. 36:14, 17.)

2. Ezequiel 8:1-18 nisqanta leey.

   ¿Imaynatam kay tiempopi cristiano tukuqkunapas Jehová Diosta qepanchaspanku Israel casta runakuna Intita yupaychasqankuman hina rurachkanku? (Eze. 8:16; Isa. 5:20, 21; Juan 3:19-21; 2 Tim. 4:3.)

77 kaq willakuy

1. ¿Imatataq Babilonia nacionpi rey Nabucodonosorqa kamachikurqa?

2. ¿Imanasqataq Danielpa kimsan amigonkunaqa qorimanta taytachapa ñawpaqninpiqa mana qonqorakunkuchu?

3. Kimsa mozokuna qonqorakunankupaq yapatawan Nabucodonosor niptinqa, ¿imaynatam paykunaqa qawachirqaku Jehová Diospi hapipakusqankuta?

4. Sadracta, Mesacta hinaspa Abed-negota, ¿imata ruranankupaqmi Nabucodonosorqa runankunata kamachirqa?

5. ¿Imatam Nabucodonosorqa rikurqa horno ukuta qawaykuspa?

6. ¿Imanasqataq Sadracpa, Mesacpa chaynataq Abed-negopa Diosnintaqa reyqa hatuncharqa, hinaspa imatam yachachwan paykunapa rurasqankumanta?

Sapaq tapukuykuna:

1. Daniel 3:1-30 nisqanta leey.

   1. Chay hebreo casta kimsa mozokunapa, ¿imayna kayninkutataq Diospa serviqninkunaqa qatikuchwan sasachakuypi tarikuspanchikqa? (Dan. 3:17, 18; Mat. 10:28; Rom. 14:7, 8.)

   2. ¿Imatam Jehová Diosqa Nabucodonosorta yachachirqa? (Dan. 3:28, 29; 4:34, 35.)

78 kaq willakuy

1. ¿Imataq pasarqa Babilonia nacionpi rey hatun convidota rurachkaspa Jerusalen llaqtapi Jehová Diospa templonmanta saqueasqanku qori vasokunatawan tazonkunata chay convidonpaq aparachimuptin?

2. ¿Imatam Belsasarqa llaqtanpi yachayniyoq runakunata nirqa, ichaqa imatam mana atirqakuchu ruraytaqa?

3. ¿Imatam Belsasarta mamanqa nirqa?

4. Reyman Danielpa nisqanman hina, ¿imanasqam Diosqa huk makiwan perqapi qellqachirqa?

5. ¿Imaynatam Danielqa perqapi qellqapa nisqanta willarqa?

6. ¿Imataq pasarqa Daniel rimachkaptinraq?

Sapaq tapukuykuna:

1. Daniel 5:1-31 nisqanta leey.

   1. ¿Imaynam mana hinallaqa kanmanchu Diosta respetaspa manchakuyqa, Belsasar perqapi qellqata qawaspan mancharikusqanwanqa? (Dan. 5:6, 7; Sal. 19:9; Rom. 8:35-39.)

   2. ¿Imaynatam Danielqa qarinchakusqanta qawachirqa Belsasarpa chaynataq ancha reqsisqa runakunapa ñawpaqninpi rimaspan? (Dan. 5:17, 18, 22, 26-28; Hech. 4:29.)

   3. ¿Imaynatam Daniel 5 kaq capitulopi nisqanqa qawachin Jehová Dioslla tukuy munaychakuq kasqanta? (Dan. 4:17, 25; 5:21.)

79 kaq willakuy

1. ¿Pitaq Dario sutiyoq runaqa karqa, hinaspa imayna runapaqmi Danieltaqa hapirqa?

2. ¿Imatam rey Darioqa rurarqa envidiakuq runakuna engañaruptinku?

3. ¿Imatataq Danielqa rurarqa rey Dariopa decretasqanmanta yacharuspa?

4. ¿Imanasqam Darioqa sinchita llakikuspan puñuytapas mana atirqachu, hinaspa imatam paqarinnintinta achikyaramuptin rurarqa?

5. ¿Imatataq Danielqa rey Dariota nirqa?

6. ¿Imataq Danielta wañuchiy munaq runakunataqa pasarqa, hinaspa imatataq rey Darioqa kamachisqan nacionpi runakunaman qellqarqa?

Sapaq tapukuykuna:

1. Daniel 6:1-28 nisqanta leey.

   1. ¿Imaynatam Danielta wañuchinankupaq cheqnispanku rurasqankuqa yuyarichiwanchik kay tiempopipas Diosta cheqniqkuna contranpi churapakuspanku Jehová Diospa testigonkunapa rurayninkuta harkayta munasqankuta? (Dan. 6:7; Sal. 94:20; Isa. 10:1; Rom. 8:31.)

   2. ¿Imaynataq Jehová Diosta servispaqa ‘autoridadkunata’ kasukuypi ñoqanchikpas Danielpa rurasqanta qatikuchwan? (Dan. 6:5, 10; Rom. 13:1; Hech. 5:29.)

   3. ¿Imaynatam Daniel ‘mana samaykuspa servisqanman’ hina ñoqanchikpas Jehová Diosta servichwan? (Dan. 6:16, 20; Fili. 3:16; Apo. 7:15.)

80 kaq willakuy

1. Dibujopi qawasqaykiman hina, ¿imatam Israel runakunaqa rurachkanku?

2. ¿Imaynatataq rey Ciroqa rurarqa Jehová Diospa willakuqnin Isaiaspa nisqanman hina?

3. ¿Imatam rey Ciroqa nirqa Jerusalenman kutiyta mana atiqkunata?

4. ¿Imatam rey Ciroqa qorqa runakunaman Jerusalenman apakunankupaq?

5. ¿Hayka killapim Israel runakunaqa Jerusalenman chayarqaku?

6. ¿Hayka watañam pasarun Jerusalen llaqta mana runayoq purmasqa kasqanmanta?

Sapaq tapukuykuna:

1. Isaias 44:28 hinaspa 45:1-4 nisqanta leey.

   1. ¿Imaynatam Jehová Diosqa qawachirqa Ciromanta willakusqanqa ciertopaq kasqanta? (Isa. 55:10, 11; Rom. 4:17.)

   2. ¿Imaynatam qawachin willakuq Isaiaspa rey Ciromanta willakusqanqa Jehová Dios hamuq tiempopi pasananmanta ñawpaqmantaraq yachasqanta? (Isa. 42:9; 45:21; 46:10, 11; 2 Ped. 1:20.)

2. Esdras 1:1-11 nisqanta leey.

   Jerusalenta riyta mana atiqkunapa rurasqankuta qatikuspa, ¿imaynatam tiemponchikpipas ‘yanapachwan’ Diospa llaqtan predicacionpi astawan servinankupaq nombrasqan wawqe-panikunata? (Esd. 1:4, 6; Rom. 12:13; Col. 4:12.)

81 kaq willakuy

1. ¿Hayka runakunam Babiloniamanta Jerusalenkama illarqaku, hinaspa imatam chayaruspankuqa tarirqaku?

2. ¿Imatam judiokuna llaqtanman chayaruspanku hatarichiyta qallarirqaku, ichaqa imatam enemigonkunaqa rurarqaku?

3. ¿Pikunataq Hageo chaynataq Zacarias karqaku, hinaspa imatam runakunata nirqaku?

4. ¿Imanasqataq Tatnaiqa Babilonia nacionman cartata apachirqa, hinaptin ima niq cartatam payqa chaskirqa?

5. ¿Imatam Esdrasqa rurarqa Diospa templonta allichanapaq kasqanta yacharuspan?

6. Dibujopi qawasqaykiman hina, ¿imatam Esdrasqa Jehová Diosta mañakurqa? ¿Imatam mañakusqanman hina Jehová Diosqa rurarqa? Hinaptin, ¿imatam kayqa yachachiwanchik?

Sapaq tapukuykuna:

1. Esdras 3:1-13 nisqanta leey.

   Jehová Diospa serviqninkuna mana kasqan llaqtapi tarikuspaqa, ¿imatam ruranallanchikqa? (Esd. 3:3, 6; Hech. 17:16, 17; Heb. 13:15.)

2. Esdras 4:1-7 nisqanta leey.

   ¿Imatam Zorobabelqa rurarqa wakin cultokunawan mana hukllawakunanpaq Jehová Diospa llaqtan kunanpas paypa rurasqanman hina ruranankupaq? (Exo. 34:12; 1 Cor. 15:33; 2 Cor. 6:14-17.)

3. Esdras 5:1-5, 17 hinaspa 6:1-22 nisqanta leey.

   1. ¿Imanasqataq templota hatarichisqankuta mana harkayta atirqakuchu Diospa llaqtanpa contranpi churapakuqkuna? (Esd. 5:5; Isa. 54:17.)

   2. ¿Imaynatam Juda nacionpi ancianokunapa rurasqankuqa kallpanchanman congregacionkunapi ancianokunata Jehová Diospa yanapakuyninta maskanankupaq sasachakuypi tarikuptinku? (Esd. 6:14; Sal. 32:8; Rom. 8:31; Sant. 1:5.)

4. Esdras 8:21-23, 28-36 nisqanta leey.

   Imapas anchata tanteakuspa rurana kaptinqa, ¿imatam Esdraspa rurasqanman hina ruranchikmanpas? (Esd. 8:23; Sal. 127:1; Pro. 10:22; Sant. 4:13-15.)

82 kaq willakuy

1. ¿Pikunataq Mardoqueoqa hinaspa Esterpas karqaku?

2. ¿Imanasqataq rey Asueroqa huk warmitaña reinapa rantinpi maskachimurqa, hinaptin pitataq akllarqa?

3. ¿Pitaq Amanqa karqa, hinaspa imanasqataq anchallataña rabiarurqa?

4. ¿Ima decretotam rurarqaku, hinaspa imatam Esterqa rurarqa Mardoqueopa nisqanta willaykuptinku?

5. ¿Imataq Amanta pasarurqa, hinaspa imataq Mardoqueotapas pasarqa?

6. ¿Imaynatam Israel casta runakunaqa enemigonkunamanta librakurqaku?

Sapaq tapukuykuna:

1. Ester 2:12-18 nisqanta leey.

   ¿Imaynatam Esterqa qawachirqa ‘hawkalla kawsakuspa sumaqllaña espirituyoq, otaq sumaq sonqoyoq kayqa’ ancha allin kasqanta? (Est. 2:15; 1 Ped. 3:1-5.)

2. Ester 4:1-17 nisqanta leey.

   Jehová Diosta servispa llaqtanta Ester yanapasqanman hina, ¿imaynatam ñoqanchikpas Jehová Diosta yupaychaspanchik kasukusqanchiktaqa qawachichwan? (Est. 4:13, 14; Mat. 5:14-16; 24:14.)

3. Ester 7:1-6 nisqanta leey.

   Esterpa rurasqanman hina, ¿imaynatam kay tiempopipas Diospa serviqninkunaqa qatikachasqa karqaku Diosta servisqankumanta? (Est. 7:4; Mat. 10:16-22; 1 Ped. 2:12.)

83 kaq willakuy

1. ¿Imaynataq Israel casta runakunaqa sientekurqaku Jerusalen llaqtapa murallan mana kaptinqa?

2. ¿Pitaq Nehemiasqa karqa?

3. ¿Imataq Nehemiaspa llamkananqa karqa, hinaspa imanasqataq chay rurayqa allin karqa?

4. ¿Imataq Nehemiastaqa llakichirqa, hinaptin imatataq payqa rurarqa?

5. ¿Imaynatam rey Artajerjesqa qoykukuq kasqanta Nehemiasman qawachirqa?

6. ¿Imaynatam Nehemiasqa allin arreglota rurarqa murallata hatarichiypi enemigonkuna mana harkarunankupaq?

Sapaq tapukuykuna:

1. Nehemias 1:4-6 hinaspa 2:1-20 nisqanta leey.

   ¿Imaynatam Nehemiasqa Jehová Diospa yanapakuyninta maskarqa? (Neh. 2:4, 5; Rom. 12:12; 1 Ped. 4:7.)

2. Nehemias 3:3-5 nisqanta leey.

   ¿Imatam yachanmanku ancianokuna chaynataq siervo ministerial kaqkunapas Tecoa llaqtayoq runakuna rurasqankumanta hinaspa ‘allin reqsisqa runakuna’ imayna kasqankumantapas? (Neh. 3:5, 27; 2 Tes. 3:7-10; 1 Ped. 5:5.)

3. Nehemias 4:1-23 nisqanta leey.

   1. ¿Imataq Israel casta runakunataqa kallpancharqa murallata hinalla hatarichinankupaq enemigonkuna paykunapa contranpi peleanankupaq kachkaptinpas? (Neh. 4:6, 8, 9; Sal. 50:15; Isa. 65:13, 14.)

   2. ¿Imaynatam Nehemiaspa llaqtamasinkunapa rurasqankuqa kallpanchawanchik?

4. Nehemias 6:15 nisqanta leey.

   Jerusalenpa murallanta yaqa iskay killallapi qespirachisqankuqa, ¿imatam qawachin iñiyniyoq kayqa ancha allin kasqanta? (Sal. 56:3, 4; Mat. 17:20; 19:26.)

84 kaq willakuy

1. ¿Pitaq dibujopi qawasqayki warmiqa?

2. ¿Imatam angel Gabrielqa Mariata nirqa?

3. ¿Imatam angel Gabrielqa Mariata nirqa mana qariwan kachkaptinpas wawata wachakunanpaq wiksayakunanmanta?

4. ¿Imataq pasarqa ayllun Elisabetta Maria watukuptin?

5. ¿Imatam Joseyqa tanteakuchkarqa Mariapa wiksayakusqanmanta yacharuspan, ichaqa imanasqam tanteakusqanman hinaqa mana rurarqachu?

Sapaq tapukuykuna:

1. Lucas 1:26-56 nisqanta leey.

   1. Mariaqa Adanpa miraynin kaptinpas Lucas 1:35 nisqanman hina, ¿imataq pasanman karqa Mariapa huchallikuq kayninta Diospa Churinta chuya Espiritupa atiyninwan wiksayakuptin? (Hageo 2:11-13; Juan 6:69; Heb. 7:26; 10:5.)

   2. ¿Imaynatam Jesustaqa hatuncharqaku manaraq nacechkaptinpas? (Luc. 1:41-43.)

   3. ¿Imaynataq Mariapa rurasqanqa qatikunapaq hina kanman Diospa llaqtanpi pipas astawan servinanpaq nombrasqa kaptinqa? (Luc. 1:38, 46-49; 17:10; Pro. 11:2.)

2. Mateo 1:18-25 nisqanta leey.

   Jesusta maskiña Emanuel nispa mana sutichaptinkupas, ¿imaynatam chay sutipa nisqanman hina payqa kawsakurqa? (Mat. 1:22, 23; Juan 14:8-10; Heb. 1:1-3.)

85 kaq willakuy

1. ¿Pitaq dibujopi qawasqayki wawachaqa, hinaspa maypitaq Mariaqa siriykachichkan?

2. ¿Imanasqataq Jesusqa nacerqa uywakuna kasqan establopi?

3. ¿Pikunataq uywakuna kasqan establoman chay yaykuq runakunaqa, hinaspa imatataq paykunata huk angel nirqa?

4. ¿Imanasqataq Jesusqa mana wakin runakuna hinachu karqa?

5. ¿Imanasqam Jesustaqa Diospa Churin nispa sutichanchikman?

Sapaq tapukuykuna:

1. Lucas 2:1-20 nisqanta leey.

   1. ¿Imatam gobiernaq Cesar Augustoqa rurarqa Jesuspa nacenanmanta Bibliapi willakusqanqa cumplikunanpaq? (Luc. 2:1-4; Miq. 5:2.)

   2. ¿Imatam pipas ruranman ‘Diospa favorecesqan runa’ kananpaq? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Salvaqninku nacesqanmanta chay Judea lawpi michiqkuna kusikusqankumantaqa, ¿imanasqam kay tiempopi Diospa serviqninkunaqa astawanraq kusirikunmanku? (Luc. 2:10, 11; Efe. 3:8, 9; Apo. 11:15; 14:6.)

86 kaq willakuy

1. ¿Pikunataq dibujopi qawasqayki runakunaqa, hinaspa imanasqataq huknin runaqa chay kanchariq lucerota tupqechkan?

2. ¿Imanasqataq rey Herodesqa llumpaysuta piñakururqa, hinaspa imatataq rurarqa?

3. ¿Maymanmi chay kanchariq luceroqa runakunata pusarqa, hinaptinqa imanasqataq paykunaqa huklaw ñannintaña kutikurqaku?

4. ¿Imatam Herodesqa kamachikurqa, hinaspa imanasqataq?

5. ¿Imatam Jehová Diosqa Joseyta nirqa?

6. ¿Pitaq chay lucerotaqa kancharichirqa, hinaspa imanasqataq?

Sapaq tapukuy:

1. Mateo 2:1-23 nisqanta leey.

   ¿Hayka watachayoqtaq Jesusqa karqa, hinaspa maypitaq payqa yacharqa lucerokunata qawaspa adivinaqkuna watukuptinku? (Mat. 2:1, 11, 16.)

87 kaq willakuy

1. Qawasqayki dibujopiqa, ¿hayka watachayoqmi Jesusqa, hinaspa maypitaq kachkan?

2. ¿Imatam Joseyqa ayllunwan watan-watanta rurarqa?

3. Wasinkuman kutispa huk punchaw puriytaña richkaptinku, ¿imanasqataq Joseywan Mariaqa Jerusalen llaqtaman kutirirqaku?

4. ¿Maypitaq Joseywan Mariaqa Jesusta tarirurqaku, hinaspa imanasqataq runakunaqa admirasqallaña kachkanku?

5. ¿Imatam Jesusqa maman Mariata nirqa?

6. ¿Imaynatam Diosmanta yachaypi Jesuspa rurasqanta qatikuchwan?

Sapaq tapukuykuna:

1. Lucas 2:41-52 nisqanta leey.

   1. Sapa watapi qarikunalla hatun huñunakuykunaman rinankupaq Leyqa kamachiptinpas, ¿imatam Joseywan Mariaqa allinta rurarqaku kay tiempopipas tayta-mamakuna qatikunankupaq? (Luc. 2:41; Deu. 16:16; 31:12; Pro. 22:6.)

   2. ¿Imaynatam Jesuspa rurasqanta mozo-sipaskunaqa qatikunmanku tayta-mamankuta kasukuypi? (Luc. 2:51; Deu. 5:16; Pro. 23:22; Col. 3:20.)

2. Mateo 13:53-56 nisqanta leey.

   ¿Pikunataq Bibliapa sutichasqan Jesuspa tayta-mamanmanta tawa wawqenkunaqa karqaku, hinaspa imaynatam qatiqnin watakunapi congregacionpi paykunamanta iskayninqa servirqaku? (Mat. 13:55; Hech. 12:17; 15:6, 13; 21:18; Gal. 1:19; Sant. 1:1; Jud. 1.)

88 kaq willakuy

1. ¿Pikunataq dibujopi qawasqayki iskay runakunaqa karqaku?

2. ¿Imaynatataq runataqa bautizana?

3. ¿Pikunatataq Juanqa bautizanman karqa?

4. ¿Imanasqataq Jesusqa Bautizaq Juanwan bautizarachikunanpaq mañakurqa?

5. ¿Imaynatam Jehová Diosqa qawachirqa Jesuspa bautizakusqan agradonpaq kasqanta?

6. ¿Imataq pasarqa tawa chunka punchaw tawa chunka tuta purunman Jesus riruptin?

7. ¿Pikunataq Jesuspa punta kaq discipulonkunaqa karqaku, hinaspa imataq punta kaq rurasqan milagroqa karqa?

Sapaq tapukuykuna:

1. Mateo 3:13-17 nisqanta leey.

   ¿Imatam Jesusqa bautizakuspan yachachirqa qatiqninkuna bautizakuspanku chayta qatikunankupaq? (Sal. 40:7, 8; Mat. 28:19, 20; Luc. 3:21, 22.)

2. Mateo 4:1-11 nisqanta leey.

   ¿Imanasqam Bibliapa nisqanta Jesus allinta servichikusqanqa kallpanchawanchik ñoqanchikpas sapa kutillata Bibliata estudiananchikpaq? (Mat. 4:5-7; 2 Ped. 3:17, 18; 1 Juan 4:1.)

3. Juan 1:29-51 nisqanta leey.

   ¿Pita qatikunankupaqmi Bautizaq Juanqa qatiqninkunata kallpancharqa, hinaspa imaynatam ñoqanchikpas chaynata ruranchikman? (Juan 1:29, 35, 36; 3:30; Mat. 23:10.)

4. Juan 2:1-12 nisqanta leey.

   ¿Imaynatam Jesuspa rurasqan punta kaq milagronqa qawachin Serviqninkunamanta allin kaqtaqa Jehová Dios mana qechusqanta? (Juan 2:9, 10; Sal. 84:11; Sant. 1:17.)

89 kaq willakuy

1. ¿Imanasqataq uywakunataqa templopi rantikunku?

2. ¿Imanasqataq Jesusqa piñakururqa?

3. Dibujopi qawasqaykiman hina, ¿imatataq Jesusqa rurarqa, hinaspa imata ruranankupaqmi templopi palomakuna rantikuq runakunataqa nirqa?

4. ¿Imatataq yuyarirurqaku Jesuspa discipulonkunaqa paypa rurasqanta qawaspa?

5. Galileaman kutispan, ¿maylaw llaqtata Jesus pasanan karqa?

Sapaq tapukuy:

1. Juan 2:13-25 nisqanta leey.

   Templopi qollqe cambiaqkunapaq Jesus piñakusqanman hina, ¿imaynatam qawananchik Huñunakuykunapi ima negociotapas ruraytaqa? (Juan 2:15, 16; 1 Cor. 10:24, 31-33.)

90 kaq willakuy

1. ¿Imanasqataq Jesusqa Samaria lawninta richkaspa tiyaykurqa pozopa waqtanpi, hinaspa imatam nirqa chay pozoman hamuq warmita?

2. ¿Imanasqataq warmiqa admirakurqa, hinaptin imatam Jesusqa nirqa, hinaspa imanasqa?

3. ¿Imayna yakumantam Jesuspa rimasqanta uyarispa warmiqa piensarqa, ichaqa imaman rikchakuq yakumantam Jesusqa rimachkan?

4. ¿Imanasqam chay warmiqa admirakurqa paypa vidanmanta Jesus yachaptin, hinaptin imaynatam Jesusqa chaykunata yacharunman karqa?

5. ¿Imakunatam yachanchikman kay willakuymanta?

Sapaq tapukuykuna:

1. Juan 4:5-43 nisqanta leey.

   1. Jesuspa rurasqanta qatikuspa, ¿imaynatam qawananchik huk castayoq chaynataq mana ñoqanchik hina runamasinchiktapas? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Ima bendicionkunawanmi kusikun Jesuspa discipulonkuna kaqkunaqa? (Juan 4:14; Isa. 58:11; 2 Cor. 4:16.)

   3. ¿Imaynatam Samaria law warmi yachamusqanmanta runamasinkunaman willakamusqanman hina, ñoqanchikpas Diospa Palabranta chaninchasqanchikta qawachichwan? (Juan 4:7, 28; Mat. 6:33; Luc. 10:40-42.)

91 kaq willakuy

1. Dibujopi qawasqaykiman hina, ¿maylawpim Jesusqa yachachichkan, hinaspa pikunataq paypa ladonpiqa tiyakuchkanku?

2. ¿Imataq 12 apostolninkunapa sutinqa karqa?

3. ¿Imataq kanman Jesuspa willakusqan Munaychakuyqa?

4. ¿Imatam Jesusqa runakunata yachachirqa Diosman orakuspanku mañakunankupaq?

5. ¿Imatam Jesusqa nirqa runamasipuralla imayna kanankumanta?

Sapaq tapukuykuna:

1. Mateo 5:1-12 nisqanta leey.

   ¿Imakunata ruraspam qawachichwan Diosta necesitasqanchiktaqa? (Mat. 5:3; Rom. 10:13-15; 1 Tim. 4:13, 15, 16.)

2. Mateo 5:21-26 nisqanta leey.

   Mateo 5:23, 24 nisqanman hina, ¿imaynatam qawachin wawqe-paninchikkunawan imayna kasqanchikqa Jehová Dioswan allin kayninchikta hatallisqanta otaq yanqachasqantapas? (Mat. 6:14, 15; Sal. 133:1; Col. 3:13; 1 Juan 4:20.)

3. Mateo 6:1-8 nisqanta leey.

   Fariseokunapa, ¿imayna kayninkutam cristianokunaqa mana qatipakunankuchu? (Luc. 18:11, 12; 1 Cor. 4:6, 7; 2 Cor. 9:7.)

4. Mateo 6:25-34 nisqanta leey.

   ¿Imatam Jesusqa yachachirqa Jehová Diosman hapipakuptinchik ima pisipusuqninchikta qowananchikmanta? (Exo. 16:4; Sal. 37:25; Fili. 4:6.)

5. Mateo 7:1-11 nisqanta leey.

   ¿Imatam yachachiwanchik Mateo 7:5 nisqanpi Jesuspa rikchanachisqanqa? (Pro. 26:12; Rom. 2:1; 14:10; Sant. 4:11, 12.)

92 kaq willakuy

1. ¿Pitaq qawasqayki dibujopi warmachapa taytanqa, hinaptin imanasqataq payqa warmintinwan hukmanyasqallaña kachkanku?

2. ¿Imatam Jairo rurarqa Jesusta tariruspan?

3. ¿Imataq pasarqa Jairopa wasinman Jesus richkaptin, hinaspa imatam Jairota willakamurqaku wasinman richkaptinkuña?

4. ¿Imanasqataq Jesusta asipayarqaku Jairopa wasinpi kaq runakuna?

5. Warmachapa cuartonman kimsa apostolninkunawan warmapa tayta-mamallanwan yaykuruspan, ¿imatam Jesusqa rurarqa?

6. ¿Pikunatawanmi wañukusqankumanta Jesusqa kawsarirachirqa, hinaptin imatam chayqa yachachiwanchik?

Sapaq tapukuykuna:

1. Lucas 8:40-56 nisqanta leey.

   ¿Imanasqataq nichwan Jesusqa llakipayaspan chaynataq kuyapayaspanpas flujowan onqoq warmita yanapasqanta, hinaspa imatam chaymanta yachanmanku congregacionpi ancianokuna? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Lucas 7:11-17 nisqanta leey.

   Pipapas kuyasqan runamasin wañuruptinqa, ¿imanasqam kallpanchakunmanku Nain sutiyoq llaqtapi vuidapaq Jesuspa rurasqanta qawaspa? (Luc. 7:13; 2 Cor. 1:3, 4; Heb. 4:15.)

3. Juan 11:17-44 nisqanta leey.

   ¿Imaynatam Jesusqa qawachirqa kuyasqa runamasinchik wañukuptin waqayqa allin kasqanta? (Juan 11:33-36, 38; 2 Sam. 18:33; 19:1-4.)

93 kaq willakuy

1. ¿Imataq llakikunapaq hina Bautizaq Juanta pasarun, hinaptin chayta yacharuspan imaynataq Jesusqa kachkan?

2. ¿Imaynatam Jesusqa qatiqnin runakunata mikuchirqa, hinaspa haykataq puchusqanmanta huñurqaku?

3. ¿Imanasqataq Jesuspa discipulonkuna tutayaruptin mancharisqallaña kachkanku, hinaptin imatam Pedro rurarqa?

4. ¿Imaynatam Jesusqa yapatawan waranqantin runakunata mikuchirqa?

5. ¿Imanasqamá ancha allin kanqa Allpata Diospa akllasqan Rey hina Jesus kamachimuptin?

Sapaq tapukuykuna:

1. Mateo 14:1-32 nisqanta leey.

   1. Mateo 14:23-32 nisqanpi willasqanqa, ¿imatam qawachin apostol Pedro imayna kasqanmanta?

   2. ¿Imaynatam Bibliapi nisqanqa qawachiwanchik apostol Pedro allinyasqanta hinaspa locochallamanña imapas ruraq kayninta controlakuyta yacharusqantapas? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Mateo 15:29-38 nisqanta leey.

   ¿Imaynatam Jesusqa qawachirqa Taytanpa ima qosqanta agradecekusqanta? (Mat. 15:37; Juan 6:12; Col. 3:15.)

3. Juan 6:1-21 nisqanta leey.

   ¿Imaynatam cristianokunaqa autoridadkunata kasukuypi Jesuspa rurasqanta qatikuchwan? (Juan 6:15; Mat. 22:21; Rom. 12:2; 13:1-4.)

94 kaq willakuy

1. ¿Imanasqataq Jesuspa discipulonkunaqa karumanta illamuspa atipanakustin hamurqaku?

2. ¿Imanasqataq Jesusqa huk warmachata qayaspa apostolninkunapa chawpinpi sayachirqa?

3. ¿Imayna kayninkupitaq apostolkunaqa warmachakuna hina kananku?

4. Killakuna pasaruptin, ¿imaynatam Jesusqa warmachakuna kuyasqanta qawachirqa?

Sapaq tapukuykuna:

1. Mateo 18:1-4 nisqanta leey.

   ¿Imanasqataq Jesusqa rikchanachikuykunawan valechikuspa yachachirqa? (Mat. 13:34, 36; Mar. 4:33, 34.)

2. Mateo 19:13-15 nisqanta leey.

   Warmachakunapa, ¿ima sumaq kayninkutam qatikuchwan Diospa Munaychakusqanmanta bendicionkunata chaskinapaq? (Sal. 25:9; 138:6; 1 Cor. 14:20.)

3. Marcos 9:33-37 nisqanta leey.

   ¿Imatataq Jesusqa discipulonkunaman yachachirqa allin reqsisqa kayta munapayaymanta? (Mar. 9:35; Mat. 20:25, 26; Gal. 6:3; Fili. 2:5-8.)

4. Marcos 10:13-16 nisqanta leey.

   ¿Pikunataq Jesusmanqa asuykuyta atinmanku karqa, hinaspa imatataq congregacionpi ancianokunapas paypa rurasqanmanta yachanmanku? (Mar. 6:30-34; Fili. 2:1-4; 1 Tim. 4:12.)

95 kaq willakuy

1. ¿Imanispataq huk runaqa Jesusta tapurqa, hinaspa imanasqa?

2. ¿Imawanmi Jesusqa wakin kutikunapiqa runakunata yachachirqa, hinaptin imatataq Judea law llaqtayoq chaynataq Samaria law llaqtayoq runakunamantapas yacharamunchik?

3. Jesuspa willasqanpi, ¿imataq Judea law llaqtayoq runataqa pasarqa Jerico llaqtaman richkaptin?

4. ¿Imataq pasarqa sacerdote judio chaynataq Leviy castayoq runapas chay ñanninta uraykuptinku?

5. Qawasqayki dibujopiqa, ¿pitaq chay heridasqa judio runataqa yanapachkan?

6. Chay willasqanta tukuruspanqa ¿imatataq Jesusqa tapuqnin runata nirqa, hinaptin imanirqataq chay runaqa?

Sapaq tapukuykuna:

1. Lucas 10:25-37 nisqanta leey.

   1. Diospa Leynin yachachiq runapa tapusqanta chaylla kutichinanmantaqa, ¿imaynatam Jesusqa yanaparqa chay runata musyarichinanpaqqa? (Luc. 10:26; Mat. 16:13-16.)

   2. ¿Imaynatam Jesusqa rikchanachiykunawan yanaparqa uyariqnin runakuna runamasinkupaq mana sayapakunankupaq? (Luc. 10:36, 37; 18:9-14; Tito 1:9.)

96 kaq willakuy

1. ¿Imatataq Jesusqa rurarqa llaqtakunaman rispa?

2. ¿Imatataq Jesusqa bautizakusqanmanta yaqa kimsa wataña pasaruptin apostolninkunata nirqa?

3. ¿Pikunataq dibujopi qawasqayki runakunaqa, hinaspa imatam Jesusqa chay warmipa allinninpaq rurarqa?

4. ¿Imanasqataq Jesuspa nisqanwanqa sacerdotekunapa jefenkunaqa penqakururqaku?

5. Jesusqa apostolninkunawan Jerico llaqtapa hichpanpiña kachkaspanku, ¿imatam payqa iskay ñawsakunata yanapananpaq rurarqa?

6. ¿Imanasqataq Jesusqa milagrokunataqa rurarqa?

Sapaq tapukuykuna:

1. Mateo 15:30, 31 nisqanta leey.

   ¿Imaynatam Jesusqa Jehová Diospa atiyninta rikuchirqa, hinaptinqa imaynatam mosoq allpapaq Jehová Diospa prometekusqanmanta yachasqanchikta kallpanchanman? (Sal. 37:29; Isa. 33:24.)

2. Lucas 13:10-17 nisqanta leey.

   Samana punchawpi Jesuspa milagrokuna rurasqanqa, ¿imaynatam qawachin Waranqa wata Kamachikamuyninpi llapallan runakunaqa hawkayaypiña kawsanankuta? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Mateo 20:29-34 nisqanta leey.

   ¿Imaynatam kay willakuyqa qawachin, Jesusqa runakunata yanapananpaqqa mana ima rurananwanpas harkachikusqanta, hinaptin imatam ñoqanchikqa paypa rurasqanmanta yachachwan? (Deu. 15:7; Sant. 2:15, 16; 1 Juan 3:17.)

97 kaq willakuy

1. Jerusalen llaqtapa hichpanpi llaqtachaman Jesus chayaruspaqa, ¿imata ruranankupaqmi discipulonkunataqa kamachirqa?

2. Dibujopi qawasqaykiman hina, ¿imataq pasarqa Jerusalen llaqtaman Jesus hichparamuptin?

3. ¿Imatam warmakunaqa rurarqaku Jesusqa ñawsakunata chaynataq wistukunata sanoyachisqanta qawaspanku?

4. ¿Imatam Jesusqa piñasqa sacerdotekunataqa nirqa?

5. ¿Imaynataq ñoqanchikpas Jesusta alabaq warmachakuna hina kachwan?

6. ¿Imatam Jesuspa discipulonkunaqa yachayta munarqaku?

Sapaq tapukuykuna:

1. Mateo 21:1-17 nisqanta leey.

   1. ¿Imanasqataq Jerusalen llaqtaman rey hina Jesuspa yaykusqanwanqa mana tupanchu, ñawpaq Roma nacionpi tropankuna kamachiqkunapa rurasqankuwan? (Mat. 21:4, 5; Zac. 9:9; Fili. 2:5-8; Col. 2:15.)

   2. ¿Imatam mozo-sipaskunaqa yachanmanku Jesus temploman yaykuruptin Israel casta warmachakuna Salmo 118 nisqanta rimarisqankumanta? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Juan 12:12-16 nisqanta leey.

   ¿Imamanmi rikchakun Jesusta alabanankupaq palmera sachapa kallmanta servichikusqankuqa? (Juan 12:13; Fili. 2:10; Apo. 7:9, 10.)

98 kaq willakuy

1. Qawasqayki dibujopiqa, ¿pitaq Jesusqa kanman, hinaspa pikunataq paywan kaq runakunaqa?

2. Jesusqa templopi kachkaptin, ¿imatam sacerdotekunaqa ruraruyta munarqaku, hinaptin imatataq Jesusqa paykunata nirqa?

3. ¿Imatam apostolkunaqa Jesusta tapurqaku?

4. ¿Imanasqataq Jesusqa apostolninkunaman nirqa hanaq pachapi kamachikuchkaptin kay Allpapi señalkuna kananmanta?

5. Kay Allpapi manaraq mana allin ruraykunata chinkarachichkaptin, ¿imakuna kanantam Jesusqa nirqa?

Sapaq tapukuykuna:

1. Mateo 23:1-39 nisqanta leey.

   1. Bibliapa willasqanman hina runakuna imapi llamkasqanwan reqsichikusqanqa allin kaptinpas, ¿imatam Mateo 23:8-11 nisqanpi Jesusqa qawachin congregacionpi ancha reqsisqa sutiwan reqsichikuymanta? (Hech. 26:25; Rom. 13:7; 1 Ped. 2:13, 14.)

   2. ¿Imawan valechikuspankum fariseokunaqa cristiano kayta munaqkunata harkakurqaku, chaynataq kay tiemponchikpi Diosta serviq tukuq runakunapas ñawpapi hina imakunatam ruranku? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Mateo 24:1-14 nisqanta leey.

   1. ¿Imaynatam Mateo 24:13 nisqanpi qawachiwanchik aguantaspa takyayqa allinpuni kasqanta?

   2. ¿Imaninantaq Mateo 24:13 nisqanpi “tukupayninkama” nisqaqa? (Mat. 16:27; Rom. 14:10-12; 2 Cor. 5:10.)

3. Marcos 13:3-10 nisqanta leey.

   Marcos 13:10 nisqanpiqa, ¿ima nisqantaq hikutawanchik Diospa allin noticiankunamanta predicananchikpaq, hinaspa ima ruranapaqmi yanapawanchik Jesuspa nisqanqa? (Rom. 13:11, 12; 1 Cor. 7:29-31; 2 Tim. 4:2.)

99 kaq willakuy

1. Dibujopi qawasqaykiman hina, ¿imanasqataq Jesusqa 12 apostolninkunawan wasipa altosninpiqa kachkanku?

2. ¿Pitaq punkutaña lloqsiq runaqa, hinaspa imatataq ruranqa?

3. ¿Ima sapaqchasqa cenatam Jesusqa rurarqa pascua cenata tukuruspankuqa?

4. ¿Imatam Israel runakunaqa Pascuata ruraspa yuyarirqaku, hinaptin imatam Jesuspa qatiqninkunataqa yuyarichinqa paypa sapaqchasqa santa cenata rurasqanqa?

5. Señorpa Cenanta ruraruspaqa, ¿imatam Jesusqa discipulonkunata nirqa, hinaptin imatam paykunaqa rurarqaku?

Sapaq tapukuykuna:

1. Mateo 26:14-30 nisqanta leey.

   1. ¿Imaynatam Mateo 26:15 nisqanqa qawachin Judasqa Jesusta traicionananpaqqa ñawpaqmantaraq tantearusqanta?

   2. ¿Ima iskay allin kaqkuna rurakunanpaqmi Jesuspa yawarninqa chaqchusqa karqa? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Lucas 22:1-39 nisqanta leey.

   ¿Imaynatam Satanasqa Judasman yaykururqa? (Luc. 22:3; Juan 13:2; Hech. 1:24, 25.)

3. Juan 13:1-20 nisqanta leey.

   1. Juan 13:2 nisqanman hina, ¿huchachachwanchu Judastaqa Jesusta traicionasqanmanta, hinaptin imatam chaymantaqa Diosta serviqkunaqa yachachwanchik? (Gen. 4:7; 2 Cor. 2:11; Gal. 6:1; Sant. 1:13, 14.)

   2. ¿Imayna kanankupaqmi Jesusqa discipulonkunata yachachirqa? (Juan 13:15; Mat. 23:11; 1 Ped. 2:21.)

4. Juan 17:1-26 nisqanta leey.

   Jesusqa discipulonkunapaq Taytanta mañakuspaqa, ¿imayna kayninkupi “huklla” kanankupaqtaq mañakuchkarqa? (Juan 17:11, 21-23; Rom. 13:8; 14:19; Col. 3:14.)

100 kaq willakuy

1. ¿Maymanmi Jesuswan apostolninkunaqa rirqaku wasipa cuartomanta lloqsiruspa, hinaspa imata ruranankupaqmi payqa nirqa?

2. ¿Imaynatam Jesusqa kutimuspa apostolninkunata tarirurqa, ichaqa hayka kutitam chaynallata tarirqa?

3. Dibujopi qawasqaykiman hina, ¿pikunataq Getsemani huertamanqa yaykururqaku, ichaqa imatataq Judas Iscarioteqa rurarqa?

4. ¿Imanasqataq Judasqa Jesusta muchaykurqa, hinaptin imatataq Pedroqa rurarqa?

5. ¿Imatataq Jesusqa Pedrota nirqa, ichaqa imanasqataq Jesusqa Jehová Diosta mana mañakurqachu angelninta kachamunanpaq?

Sapaq tapukuykuna:

1. Mateo 26:36-56 nisqanta leey.

   1. ¿Imanasqataq ancianokuna qatikunankupaq hina allinqa kanman Jesuspa discipulonkunaman imayna consejaykusqanqa? (Mat. 20:25-28; 26:40, 41; Gal. 5:17; Efe. 4:29, 31, 32.)

   2. ¿Imaynatam Jesusqa qawarqa runapa contranpi armakuna hapiytaqa? (Mat. 26:52; Luc. 6:27, 28; Juan 18:36.)

2. Lucas 22:39-53 nisqanta leey.

   ¿Jesusta kallpanchaykunanpaq Getsemani huertapi angelpa rikurisqanchu qawachin Jesuspa iñiynin iskayrayasqanta? Willay imanasqataq (Luc. 22:41-43; Isa. 49:8; Mat. 4:10, 11; Heb. 5:7).

3. Juan 18:1-12 nisqanta leey.

   ¿Imaynatam Jesusqa discipulonkunata cuidarqa contranpi kaq runakunamanta, hinaspa imatam yachanchik rurasqanmantaqa? (Juan 10:11, 12; 18:1, 6-9; Heb. 13:6; Sant. 2:25.)

101 kaq willakuy

1. ¿Pitaq Jesuspa wañusqanmantaqa huchayoq?

2. ¿Imatataq apostolkunaqa rurarqaku sacerdotekuna Jesusta presochaspa aparuptinkuqa?

3. ¿Imataq sacerdotekunapa jefen Caifaspa wasinpiqa pasarqa?

4. ¿Imanasqataq Pedroqa pasakuspan waqakurqa?

5. Jesustaqa kasqallan Pilatoman kutirachiptinkuqa, ¿imata nispankum sacerdotekunaqa qaparkacharqaku?

6. ¿Imataq pasarqa Jesustaqa viernes tarde lawta, hinaptin imatam Jesusqa prometerqa waqtanpi qerupi warkusqa mana allin runata?

7. ¿Maypitaq Jesuspa prometesqan paraisoqa kanqa?

Sapaq tapukuykuna:

1. Mateo 26:57-75 nisqanta leey.

   ¿Imata ruraspankum judiokunapa cortenkupi kaq runakunaqa mana allin ruraq runakuna kasqankuta qawachirqaku? (Mat. 26:59, 67, 68.)

2. Mateo 27:1-50 nisqanta leey.

   ¿Imanasqataq nichwan, Judaspa pesapakuspa llakikusqanqa manam sonqonmanta cheqap llakikuychu nispa? (Mat. 27:3, 4; Mar. 3:29; 14:21; 2 Cor. 7:10, 11.)

3. Lucas 22:54-71 nisqanta leey.

   ¿Imatataq yachachwan Jesusta traicionaruspa presocharusqanku tutapi Pedropa negasqanmanta? (Luc. 22:60-62; Mat. 26:31-35; 1 Cor. 10:12.)

4. Lucas 23:1-49 nisqanta leey.

   ¿Imatam Jesusqa rurarqa contranpi mana allinta rurachkaptinku, hinaptin imatam chaymanta yachachwan? (Luc. 23:33, 34; Rom. 12:17-19; 1 Ped. 2:23.)

5. Juan 18:12-40 nisqanta leey.

   ¿Imatam qawachin huk kutipi apostol Pedro runata manchakuspa hukmanyaruptinpas tiempopa risqanman hina kallpanchakuspa allinyaruspan aswan allin ruraq apostol kasqanqa? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Juan 19:1-30 nisqanta leey.

   1. ¿Imaynatam Jesusqa qawarqa kay pachapi kapuqniyoq kaytaqa? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Imanasqam wañukunanpaqña kachkaspan Jesuspa rimasqanqa Jehová Dioslla kamachikuq kasqanta qawachirqa? (Juan 16:33; 19:30; 2 Ped. 3:14; 1 Juan 5:4.)

102 kaq willakuy

1. ¿Pitaq dibujopi warmiqa, pikunataq chay iskay qarikunaqa, hinaptin maypitaq kachkanku?

2. ¿Imanasqataq Jesuspa sepulturanta seguranankupaq Pilatoqa sacerdotekunata nirqa soldadokunata kachanankupaq?

3. ¿Imatam huk angelqa rurarqa Jesuspa wañukusqanmanta kimsa punchawninpa tutapayta, ichaqa imatam sacerdotekunaqa rurarqaku?

4. ¿Imanasqataq warmikunaqa admirakurqaku Jesuspa sepulturanman rispanku?

5. ¿Imanasqataq Pedrowan Juanqa Jesuspa sepulturanman kallpaylla rirqaku, hinaspa imatam tarirqaku?

6. ¿Imataq Jesuspa cuerponta pasarqa, hinaspaqa imatam payqa ruran kawsariramusqanta discipulonkunaman qawachinanpaq?

Sapaq tapukuykuna:

1. Mateo 27:62-66; 28:1-15 nisqanta leey.

   Jesus kawsariramuptinqa, ¿imaynatam chuya espiritupa contranpi huchallikurqaku sacerdotekunapa jefenkuna, fariseokuna hinaspa llaqtapa kamachiqninkuna? (Mat. 12:24, 31, 32; 28:11-15.)

2. Lucas 24:1-12 nisqanta leey.

   ¿Imaynatam Jesuspa kawsariramusqanqa qawachin Jehová Diosqa testigonkuna hina warmikunata allinpaq hapisqanta? (Luc. 24:4, 9, 10; Mat. 28:1-7.)

3. Juan 20:1-12 nisqanta leey.

   ¿Imaynatam Juan 20:8, 9 nisqanqa yanapawanchik Bibliapa wakinninpi willakusqanman hina cumplikusqanta mana entiendeptinchikqa pacienciakuspa suyananchikpaq? (Pro. 4:18; Mat. 17:22, 23; Luc. 24:5-8; Juan 16:12.)

103 kaq willakuy

1. ¿Imatam Mariaqa huertapi llamkaqpaq hapisqan runata nirqa, ichaqa imaynatam Mariaqa musyarurqa chay runaqa Jesus kasqanta?

2. ¿Imataq pasarqa Jesuspa iskaynin discipulonkuna Emaus llaqtaman richkaptinku?

3. ¿Imataq admirakunapaq hina pasarurqa iskaynin discipulonkuna Jesusta rikusqankumanta apostolkunaman willakuchkaptinku?

4. ¿Hayka kutitam Jesusqa discipulonkunaman rikurirqa?

5. ¿Imatam Tomasqa nirqa Jesusta rikurusqankumanta apostolkuna willakuptinku, ichaqa imataq pasarqa pusaq punchaw qepata?

Sapaq tapukuykuna:

1. Juan 20:11-29 nisqanta leey.

   Juan 20:23 nisqanpiqa Jesusqa, ¿nirqachu runakuna huchakunata pampachanankupaq atiyniyoq kasqankuta? Willay imanasqa (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Lucas 24:13-43 nisqanta leey.

   ¿Imaynatam preparakuchwan Bibliapa yachachikuyninkunata entiendenanchikpaq? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

104 kaq willakuy

1. ¿Hayka discipulonkunataq Jesustaqa huk kutipi rikururqaku, hinaptin imatam paykunataqa nirqa?

2. ¿Imataq Diospa Munaychakusqanqa, hinaptin imaynataq kawsakuyqa kanqa waranqa wata Allpata Jesus kamachimuptinqa?

3. ¿Hayka punchawtaq Jesusqa discipulonkunaman rikurirqa, ichaqa imapaqmi tiempoña karqa?

4. ¿Imatam Jesusqa discipulonkunata kamachirqa hanaq pachaman pasakunanpaqña kachkaptin?

5. ¿Imataq dibujo qawasqaykipiqa pasachkan, hinaspa imaynatam Jesusqa discipulonkuna qawachkaptinku chinkaykurqa?

Sapaq tapukuykuna:

1. 1 Corintios 15:3-8 nisqanta leey.

   ¿Imanasqataq apostol Pabloqa Jesuspa kawsarimusqanmanta mana iskayrayaspa rimarqa, hinaptin imakunamantam kunan tiempopi cristianokunapas mana iskayrayaspa rimachwan? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Hechos 1:1-11 nisqanta leey.

   Hechos 1:8 nisqanman hina, ¿maylawkamañam Diospa munaychakusqanmantaqa willakuchkanku? (Hech. 6:7; 9:31; 11:19-21; Col. 1:23.)

105 kaq willakuy

1. Dibujopi qawasqaykiman hina, ¿imataq pasarqa Jesuspa qatiqninkunata Jerusalenpi suyachkaptinku?

2. ¿Imatam Jerusalenpi fiestaman riqkuna qawarqaku?

3. ¿Imatam Pedroqa runakunaman willarqa?

4. ¿Imaynatam runakunaqa sientekurqaku Pedropa nisqanta uyariruspanku, hinaspa imatam rurananku karqa?

5. ¿Haykataq bautizakurqaku 33 watapi Pentecostes punchawpi?

Sapaq tapukuykuna:

1. Hechos 2:1-47 nisqanta leey.

   1. ¿Imaynatam Jesusta wañuchisqankumanta llapallan Judea lawpi runakuna huchayoq kasqankuta Hechos 2:23, 36 nisqanpi Pedropa nisqanqa qawachin? (1 Tes. 2:14, 15.)

   2. ¿Imaynatam apostol Pedropa Bibliata servichikuspan runakunata yanapasqanqa qatikunapaq allin kanman? (Hech. 2:16, 17, 29, 31, 36, 39; Col. 4:6.)

   3. ¿Imaynatam Jesuspa prometesqanman hina Pedroqa “Diospa munaychakusqanman yaykunapaq llavekunata” punta kaq kutipi servichikurqa? (Hech. 2:14, 22-24, 37, 38; Mat. 16:19.)

106 kaq willakuy

1. ¿Imataq huk tarde temploman yaykuchkaptinku Pedrotawan Juanta pasarurqa?

2. ¿Imatam Pedroqa suchu runata nirqa, hinaspa imatam qollqemantapas aswan allin chaninniyoqta Pedro rurarqa?

3. ¿Imanasqataq sacerdotekunapa jefenkuna piñakururqaku, hinaspa imatataq Pedrota chaynataq Juantapas rurarurqaku?

4. ¿Imatataq Pedroqa sacerdotekunata chaynataq llaqtapa jefenkunatapas nirqa, hinaspa imaynataq apostolkunataqa amenazarurqaku?

5. ¿Imanasqataq sacerdotekunaqa chaynataq llaqtapa jefenkunapas envidiakurqaku, ichaqa imataq pasarqa apostolkunata carcelman yapatawan hinaruptinku?

6. ¿Imatam apostolkunaqa nirqaku huñunakunanku Corteman aparuptinku?

Sapaq tapukuykuna:

1. Hechos 3:1-10 nisqanta leey.

   Milagrokunata rurayta mana atichkaspanchikpas, ¿imaynatam Hechos 3:6 nisqanpi Pedropa nisqanqa Diospa munaychakuyninmanta willakuyqa ancha valorniyoq kasqanta qawachiwanchik? (Juan 17:3; 2 Cor. 5:18-20; Fili. 3:8.)

2. Hechos 4:1-31 nisqanta leey.

   Predicasqanchikta harkarunankupaq churapakuptinkupas, ¿imaynatam puntapi cristianokunapa rurasqanta qatikuchwan? (Hech. 4:29, 31; Efe. 6:18-20; 1 Tes. 2:2.)

3. Hechos 5:17-42 nisqanta leey.

   ¿Imaynatam ñawpa tiempopi chaynataq kunan tiempopipas Diospa Testigon mana kaqkunaqa qawachirqaku predicasqanchikta allinpaq hapisqankuta? (Hech. 5:34-39.)

107 kaq willakuy

1. ¿Pitaq Esteban karqa, hinaptin imata rurananpaqmi Diosqa yanaparqa?

2. ¿Imatam Estebanqa nirqa sacerdotekuna piñakunankupaq?

3. Llaqtapa cantonkama Estebanta aysaruspankuqa, ¿imatam rurarurqaku?

4. ¿Pitaq qawasqayki dibujopi pachakunata cuidaq mozoqa?

5. ¿Imatam Estebanqa Jehová Diosta mañakurqa wañukunanpaqña kachkaspan?

6. ¿Imaynatam pipas mana allinta rurawaptinchikqa Estebanpa rurasqanta qatikuchwan?

Sapaq tapukuykuna:

1. Hechos 6:8-15 nisqanta leey.

   ¿Ima mana allin ruraykunatam cristiano tukuqkunaqa servichikunku Jehová Diospa testigonkunapa willakusqankuta sayarachinankupaq? (Hech. 6:9, 11, 13.)

2. Hechos 7:1-60 nisqanta leey.

   1. ¿Imataq Estebantaqa yanaparqa Diosmanta sumaq willakuykunata mana allin ruraq runakunapa Cortenkupi clarota willakunanpaq, hinaptin imatam paypa rurasqanmantaqa yachachwan? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Imaynam kananchikqa mana allinta ruraspanku contranchikpi churapakuqkuna predicasqanchikta harkayta munaptinkuqa ? (Hech. 7:58-60; Mat. 5:44; Luc. 23:33, 34.)

108 kaq willakuy

1. ¿Imatam Sauloqa rurarqa Estebanta wañurachisqanku qepata?

2. ¿Imataq admirakunapaq hina pasarqa Damasco llaqtaman Saulo richkaptin?

3. ¿Imatam Jesusqa kamachirqa Saulo rurananpaq?

4. ¿Imakunatam Jesusqa Ananiasta nirqa, hinaspa imaynatam Sauloqa kasqallan qawayta atirqa?

5. ¿Ima sutiwanmi Saulota reqsirqaku, hinaspa imaynatam payqa alli-allinta yanaparqa?

Sapaq tapukuykuna:

1. Hechos 8:1-4 nisqanta leey.

   ¿Imaynatam Jesuspi iñiqkunata qatikachaspanku cheqerachisqankuqa yanaparqa astawan Jesusmanta huklaw llaqtakunapipas willakunankupaq, hinaspa imaynatam kay tiempopipas yaqa hina kaqlla pasarqa? (Hech. 8:4; Isa. 54:17.)

2. Hechos 9:1-20 nisqanta leey.

   ¿Ima kimsa kaqkunata rurananpaqmi Jesusqa Saulota kamachirqa? (Hech. 9:15; 13:5; 26:1; 27:24; Rom. 11:13.)

3. Hechos 22:6-16 nisqanta leey.

   ¿Imaynatam Ananiaspa rurasqanta qatikuchwan, hinaspa imanasqataq chayna rurayqa aswan allinqa kanman? (Hech. 22:12; 1 Tim. 3:7; 1 Ped. 1:14-16; 2:12.)

4. Hechos 26:8-20 nisqanta leey.

   ¿Imaynatam mana iñiqwan casarasqa kaqkunata kallpanchanman Jesuspi iñiq kananpaq Saulopa kutirikusqanqa? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

109 kaq willakuy

1. ¿Pitaq dibujopi qonqorakuchkaq runaqa?

2. ¿Imatataq huk angelqa Corneliota nirqa?

3. ¿Imatataq Diosqa Pedrota rikuchirqa Jope llaqtapi Simonpa wasinpa altonpi kachkaptin?

4. ¿Imanasqataq Pedroqa mana munarqachu Corneliopa qonqorakuykusqanta nitaq hatunchaspa alabanantapas?

5. ¿Imanasqataq Judea lawmanta Pedrowan hamuq Jesuspa discipulonkunaqa admirakurqaku?

6. ¿Imatam yachananchik Corneliopa wasinta Pedropa watukusqanmanta?

Sapaq tapukuykuna:

1. Hechos 10:1-48 nisqanta leey.

   ¿Imatataq Hechos 10:42 nisqanpi Pedroqa qawachin Diospa Munaychakusqanmanta kay allin noticiakuna willakunamanta? (Mat. 28:19; Mar. 13:10; Hech. 1:8.)

2. Hechos 11:1-18 nisqanta leey.

   ¿Imatam Pedroqa rurarqa mana judio kaq runakunata Jehová Diospa bendecisqanta yacharuspan, hinaspa imaynatam ñoqanchikpas qatikuchwan chay rurasqantaqa? (Hech. 11:17, 18; 2 Cor. 10:5; Efe. 5:17.)

110 kaq willakuy

1. ¿Pitaq qawasqayki dibujopi mozoqa, maypitaq yachan, hinaspa imataq mamanpa chaynataq abuelanpa sutinqa?

2. ¿Imatam Timoteoqa nirqa karu llaqtakunapi yachaq runakunaman predicanankupaq Pablowan Silaspiwan rinanpaq Pablo tapuptinqa?

3. ¿Maylawpitaq cristianokuna nispa sutichayta qallaykurqaku Jesuspa discipulonkunataqa?

4. Pablowan Silas chaynataq Timoteopas Listra llaqtamanta pasakuspankuqa, ¿mayqan llaqtakunamanmi rirqaku?

5. ¿Imaynatam Timoteoqa Pablota yanaparqa, hinaptin kay tiempopi mozokunaqa imatam tapukunanku?

Sapaq tapukuykuna:

1. Hechos 9:19-30 nisqanta leey.

   ¿Imaynatam Pabloqa cuidakuq kasqanta qawachirqa sumaq noticiamanta willakuspa sasachakuykunapi tarikuspan? (Hech. 9:22-25, 29, 30; Mat. 10:16.)

2. Hechos 11:19-26 nisqanta leey.

   ¿Imaynatam Hechos 11:19-21, 26 nisqanpi Jehová Diosqa chuya espiritunwan predicacionta yanapasqanta qawachin?

3. Hechos 13:13-16, 42-52 nisqanta leey.

   ¿Imaynatam Hechos 13:51, 52 nisqanpi qawachin harkakuykuna kaptinpas discipulokunaqa mana iskayrayasqankuta? (Mat. 10:14; Hech. 18:6; 1 Ped. 4:14.)

4. Hechos 14:1-6, 19-28 nisqanta leey.

   ¿Imaynatam Diosta chayraq reqsiqkunata yanapasqanchikpi ‘Jehová Diospa makinman churarqaku’ nisqanqa sonqonchikta tiyachin hukmanyasqa mana kananchikpaq? (Hech. 14:21-23; 20:32; Juan 6:44.)

5. Hechos 16:1-5 nisqanta leey.

   ¿Imaynatam Timoteopa señalachikusqanqa qawachiwanchik ‘tukuy imatapas allin noticiata willakunarayku’ rurayqa allin kasqanta? (Hech. 16:3; 1 Cor. 9:23; 1 Tes. 2:8.)

6. Hechos 18:1-11, 18-22 nisqanta leey.

   ¿Imatam Hechos 18:9, 10 nisqanqa qawachiwanchik predicaciontaqa Jesus dirigisqanta, hinaptin imaynatam chayqa kallpanchawanchik? (Mat. 28:20.)

111 kaq willakuy

1. ¿Pitaq pampapi kuchparayaq mozochaqa, hinaspa imanakuruntaq?

2. ¿Imatam Pablo rurarqa mozocha wañurusqanta yacharuspan?

3. ¿Maymanmi Pablo, Timoteo chaynataq paywan illaqkunapas rirqaku, hinaspa imataq pasarqa Mileto llaqtaman chayaruptinku?

4. ¿Ima pasarunantam Diosmanta willakuq Agabo apostol Pabloman willarqa, hinaptin imaynatam cumplikurqa willakuqpa nisqanqa?

Sapaq tapukuykuna:

1. Hechos 20:7-38 nisqanta leey.

   1. ¿Imaynatamá Hechos 20:26, 27 nisqanpi Pablopa nisqanman hina mana huchayoqqa kachwan ‘llapallan runakuna castigasqa kanankumantaqa’? (Eze. 33:8; Hech. 18:6, 7.)

   2. ¿Imanasqataq ancianokunaqa yachachispanku “waqaychanan[ku] chaskisqa cheqap yachachikuykunatapas”? (Hech. 20:17, 29, 30; Tito 1:7-9; 2 Tim. 1:13.)

2. Hechos 26:24-32 nisqanta leey.

   ¿Imaynatam apostol Pabloqa Roma llaqtayoq kasqanta allinta servichikurqa Jesuspa kamachisqanman hina astawan predicananpaq? (Hech. 9:15; 16:37, 38; 25:11, 12; 26:32; Luc. 21:12, 13.)

112 kaq willakuy

1. ¿Imataq pasarqa Pablopa risqan buqueta Creta islapa waqtallanta richkaptinku?

2. ¿Imatam Pabloqa nirqa buquepi riqkunata?

3. ¿Imanasqataq buqueqa chitqakuspa pakipakururqa?

4. ¿Imatataq soldadokunapa capitanninqa kamachirqa, hinaspa hayka runakunataq qocha patanman chayaruspanku salvakurqaku?

5. ¿Imataq lloqsisqanku islapa sutinqa, hinaspa imatataq Pablotaqa rurarqaku para tiempo pasaruptin?

Sapaq tapukuykuna:

1. Hechos 27:1-44 nisqanta leey.

   ¿Imaynatam kallpanchawanchik Bibliapa nisqanpi hapipakunanchikpaq Roma llaqtaman Pablopa imayna risqanmanta willasqanqa? (Hech. 27:16-19, 27-32; Luc. 1:3; 2 Tim. 3:16, 17.)

2. Hechos 28:1-14 nisqanta leey.

   Malta islapi yachaqkuna Diospi mana iñiq kachkaspankupas apostol Pablota chaynataq buquepi paywan riqkunatapas “kuyakuyllawanña” atienderusqankuta yachaspanchik, ¿imata rurananchikpaqmi cristianokunaqa kallpanchakunanchik, hinaspa imaynatam chaytaqa rurachwan? (Hech. 28:1, 2; Heb. 13:1, 2; 1 Ped. 4:9.)

113 kaq willakuy

1. ¿Pikunamantaq Pabloqa predicarqa Roma llaqtapi preso kachkaspaqa?

2. ¿Pitaq Pablota watukuspa chaypi tiyaqqa, hinaspa imatam Pablopaq rurachkan?

3. ¿Pitaq Epafrodito karqa, hinaspa imatam aparqa Filipos llaqtaman kutispa?

4. ¿Imanasqataq Pabloqa amigon Filemonman cartata apachirqa?

5. ¿Imatam Pabloqa rurarqa preso kasqanmanta lloqsiruspa, chaymantaqa imataq paytaqa pasarqa?

6. ¿Piwantaq Jehová Diosqa qellqachirqa Bibliapa tukupayninpi kaq librokunata, hinaptin imamantam willan Apocalipsis libroqa?

Sapaq tapukuykuna:

1. Hechos 28:16-31 hinaspa Filipenses 1:13 nisqanta leey.

   ¿Imaynatam Pabloqa preso kachkaspa tiempontaqa mana usuchirqachu, hinaspa imaynatam iñiyninpi takyasqanqa congregacionta yanaparqa? (Hech. 28:23, 30; Fili. 1:14.)

2. Filipenses 2:19-30 nisqanta leey.

   ¿Imatam Pabloqa Timoteomanta chaynataq Epafroditomanta qellqarqa kuyasqanta qawachinanpaq, hinaspa imaynatam Pablopa rurasqantaqa qatikuchwan? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Filemon 1-25 nisqanta leey.

   1. ¿Imaynatam Pabloqa Filemonta ruegakurqa allin kaqta rurananpaq, hinaptin imaynatam kay tiempopi ancianokunapas chaynata ruranmanku? (File. 9; 2 Cor. 8:8; Gal. 5:13.)

   2. ¿Imaynatam Filemon 13, 14 nisqanpi Pablopa nisqanqa qawachin congregacionpi kaqkunapa piensasqankuta respetasqanta? (1 Cor. 8:7, 13; 10:31-33.)

4. 2 Timoteo 4:7-9 nisqanta leey.

   Apostol Pablo hina, ¿imanasqam tukupaykama Jehová Diospi hapipakuptinchikqa bendeciwananchikta suyachwan? (Mat. 24:13; Heb. 6:10.)

114 kaq willakuy

1. ¿Imanasqataq Bibliaqa hanaq pachamanta hamuq caballokunamanta willan?

2. ¿Ima sutiwantaq reqsinchik kay Pachapa mana allin ruraqkunapa contranpi Diospa guerranta, hinaspa imapaqtaq chay guerraqa kanqa?

3. Dibujopi qawasqaykiman hina, ¿pitaq guerrapi peleanqa, imanasqataq coronayoqqa kachkan, hinaspa imanasqataq espadataqa hapichkan?

4. 10 kaq, 15 kaq hinaspa 33 kaq willakuykunapi yachasqanchikman hina, ¿imanasqataq mana hukmanyananchikchu mana allin ruraqkunata Dios puchukachiptinqa?

5. ¿Imaynatam 36 kaq hinaspa 76 kaq willakuykuna qawachin Diosqa mana allin ruraqkunata puchukachinanta maskiña Diosta serviq tukuptinkupas?

Sapaq tapukuykuna:

1. Apocalipsis 19:11-16 nisqanta leey.

   1. ¿Imaynatam Bibliaqa sutillata qawachin yuraq caballopa sillakuqninqa Jesucristo kasqanta? (Apo. 1:5; 3:14; 19:11; Isa. 11:4.)

   2. ¿Imaynatam qawachin Jesuspa pachan yawarwan chapusqa kasqanqa pasaypaqta vencenanmanta? (Apo. 14:18-20; 19:13; Isa. 63:1-6.)

   3. ¿Pikunataq tarikuchkanmanku yuraq caballopi sillasqa Jesuspa qatiqnin tropakunapi? (Apo. 12:7; 19:14; Mat. 25:31, 32.)

115 kaq willakuy

1. Bibliapi nisqanman hina, ¿imaynataq Allpapi Paraisoqa kanqa?

2. ¿Imatam Bibliaqa willan Paraisopi kawsaqkunapaq?

3. ¿Haykapitaq Jesusqa kayna sumaqllamanña tikrarachinqa?

4. Jesusqa Allpapi kachkaspan, ¿imatam rurarqa Diospa Munaychakusqanpi Rey hina kamachikamuspa rurananmanta qawachinanpaq?

5. ¿Imatam Jesusqa akllasqa runakunawan hanaq pachamanta gobiernaspa ruranqaku?

Sapaq tapukuykuna:

1. Apocalipsis 5:9, 10 nisqanta leey.

   ¿Imanasqataq confianzawan qawachwan reykuna hina chaynataq sacerdotekuna hina Allpata Waranqa wata kamachikuqkunaqa llakipayakuq hinaspa kuyapayakuq kanankumanta? (Efe. 4:20-24; 1 Ped. 1:7; 3:8; 5:6-10.)

2. Apocalipsis 14:1-3 nisqanta leey.

   ¿Imanasqataq 144.000 sapaqchasqa kaqkunapa urkunkupi Taytapa sutinwan hinaspa Carneropa sutinwan qellqasqa kachkanku? (1 Cor. 3:23; 2 Tim. 2:19; Apo. 3:12.)

116 kaq willakuy

1. ¿Imatam wiñay kawsayta munaspaqa yachananchik?

2. ¿Imaynatam Jehová Diosmanta chaynataq Jesucristomanta dibujopi qawasqayki warmachawan amigochankunapas yachasqankuman hina yachachwan?

3. ¿Ima sapaq librotaq kachkan dibujopiqa, hinaptin imanasqataq sapa punchawqa leenanchik?

4. Jehová Diosmanta chaynataq Jesucristomanta yacharuspapas, ¿imatawanraqmi wiñay kawsayta haypanapaqqa rurananchik?

5. ¿Imatam yachanchik 69 kaq willakuymantaqa?

6. ¿Imatam 55 kaq willakuypi Samuel sutiyoq warmachapa rurasqanqa yachachiwanchik?

7. ¿Imaynatam Jesucristopa rurasqanta qatikuchwan, hinaspaqa imatam hamuq tiempopi chaskisunchik?

Sapaq tapukuykuna:

1. Juan 17:3 nisqanta leey.

   ¿Imaynatam Bibliaqa qawachin Jehová Diosmanta chaynataq Jesucristomanta yachayqa manam Bibliamanta yachaylla yachayllachu? (Mat. 7:21; Sant. 2:18-20; 1 Juan 2:17.)

2. Salmo 145:1-21 nisqanta leey.

   1. ¿Imakunamantam Jehová Diostaqa alabananchik? (Sal. 145:8-11; Apo. 4:11.)

   2. ¿Imaynataq Jehová Diosqa “allinmi llapallanpaqpas” kanman, hinaspa imaynatam kayqa astawan payman asuykachiwanchikman? (Sal. 145:9; Mat. 5:43-45.)

   3. Jehová Diosta kuyaspaqa, ¿imatam sonqonchikmanta rurasunchik? (Sal. 119:171, 172, 175; 145:11, 12, 21.)