1 kaq rakiyninpi imakuna yachananchikmanta
Bibliam willawanchik Jehova Dios hanaq pachatawan kay pachata kuyayllapaqta unanchasqanmanta. Diosmi tukuy imata unancharqa. Runakunatam unanchawarqanchik yachayniyuqta, rimaqta, takiqta hinaspa imapas ruway yachaqta. Animalkunataqa manam chaynatachu unancharqa. Runakunallam Diosta mañakuytaqa yachanchik. Tukuy kaykunamantam warmaykiman yachachiwaq. Yachachiytaq Jehova Dioslla tukuy atiyniyuq, ancha yachayniyuq chaynataq llumpay kuyakuq kasqanmantapas.
KAYPI
1 KAQ YACHACHIKUY
Hanaq pachatawan allpa pachata Dios unanchasqanmanta
¿Imanasqataq Jehova Diosqa imatapas manaraq unanchachkaspan huk angelta unancharqa?
2 KAQ YACHACHIKUY
Diosmi qaritawan warmita unancharqa
Diosmi Adantawan Evata unancharqa hinaspam Eden huertaman churarqa. Payqa munarqam churi-wawayuq kaspa kay allpa pachata huertayachinankuta.