Kaypim yachasun Mateomanta Apocalipsis qillqakama willakuykunamanta. Yachasuntaqmi Jesus nacesqanmanta hinaspa mana ancha kapuqniyuq ayllumanta kasqanmantapas. Payqa taytan Joseywanmi llamkarqa. Jehova Diosqa allintamá tantiarqa churin Jesuspa tayta-maman pi kananmantaqa, hinaspam allinta waqaycharqa Herodes wañuchiyta munaptinpas. Jesusqariki runakunatam salvanan karqa. Jehova Diosmi Jesusta akllarun hanaq pachamanta kamachimunanpaq. Diosqa tukuy rimasqantam ruwan. Tukuy chaykunamantam warmaykiman yachachiwaq. Yachachiwaqtaqmi Jesus hamunanmanta Juanpa willakusqanmantapas. Ichaqa aswanraqmi yachachiwaq Jesusqa taksachanmantapacha taytan Diosllapi hapipakusqanmanta hinaspa paymanta allinta yachasqanmantapas.