Diosta mañakuymanta
¿Imanasqam mana iskayrayanchikchu mañakusqanchikta Jehova Dios uyarisqanmanta hinaspa yanapawasqanchikmanta?
Qawaytaq Sl 66:19; Hch 10:31; Heb 5:7 nisqantapas.
-
Kaywan tupaq bibliapi willakuykuna:
-
1Re 18:36-38. Carmelo urqupi Eliaspa mañakusqantam Jehova Dios chaylla uyariykurqa. Chaypim Baalpa profetankunaman pi chiqap Dios kasqanta qawachirqa.
-
Mt 7:7-11. Jesusmi kallpanchawanchik hinalla Jehova Diosta mañakunanchikpaq. Niwanchiktaqmi Jehova Diosqa kuyakuq tayta kasqanrayku uyariykuwananchikmantapas.
-
¿Pillatam Diosta serviqkunaqa mañakunanchik?
¿Pipa sutillanpim mañakunanchik?
¿Pikunapa mañakusqallantam Jehova Diosqa uyarin?
¿Pikunapa mañakusqantam ichaqa Jehova Diosqa mana uyarinchu?
Pr 15:29; 28:9; Is 1:15; Miq 3:4; Snt 4:3; 1Pe 3:7
-
Kaywan tupaq bibliapi willakuykuna:
-
Jos 24:9, 10. Balaampa mañakusqantam Jehova Dios mana uyarirqachu paypa munasqanman hina mana kasqanrayku.
-
Is 1:15-17. Israel runakunapa mañakusqantam Jehova Dios mana uyarirqachu iskay uya hinaspa runa wañuchiq kasqankurayku.
-
¿Ima nispataq Dios mañakusqanchikta tukunchik? ¿Imanasqa?
¿Bibliapi ninchu imaynanpa mañakunanchikpaq?
¿Imakunapaqtaq Diosta serviqkuna mañakunmanku Diosta yupaychanankupaq huñunakuspanku?
-
Kaywan tupaq bibliapi willakuykuna:
-
1Cr 29:10-19. Rey Davidmi llapallan huñunasqa runakunapa qayllanpi Diosta mañakurqa templopaq tukuy ima qusqankuta huñuruptinku.
-
Hch 1:12-14. Jerusalenpi kaq wasipa altusninpim apostolkuna, Jesuspa wawqinkuna, Jesuspa maman hinaspa Diosman sunqu warmikuna kuska Diosta mañakuqku.
-
¿Imanasqam Diosta mañakuspaqa mana hatunchakunanchikchu nitaq hukkuna alabawananchikpaq hinaqa mañakunanchikchu?
¿Imanasqataq mañakunanchik manaraq mikuchkaspa?
¿Imanasqataq Dios mañakuytaqa mana saqinanchikchu?
Ro 12:12; Ef 6:18; 1Te 5:17; 1Pe 4:7
-
Kaywan tupaq bibliapi willakuykuna:
-
Da 6:6-10. Wañuchinankuta yachaspanpas Danielqa hinallam mana pakakuspan Jehova Diosta mañakurqa.
-
Lu 18:1-8. Jesusmi rikchanachispan rimarqa mana allin juez huk warmipa quejanta mana allichay munasqanmanta, ichaqa kutipayasqanraykum allichaykapurqa. Chaywanmi yachachirqa astawanraq Jehova Diosninchikqa serviqninkunapa sapa kuti mañakusqanta chaylla uyariykuq kasqanta.
-
Pampachaykuwananchikpaq Diosta mañakuspaqa, ¿imayna sunquwanmi mañakunanchik?
-
Kaywan tupaq bibliapi willakuykuna:
-
2Re 22:11-13, 18-20. Rey Josias humillakusqanraykum hinaspa Diosta kusichinanpaq kallpanchakusqanraykum Diosqa llakipayariykurqa.
-
2Cr 33:10-13. Manasesmi humillakuspan Diosta mañakurqa huchanmanta pampachaykunanpaq, chaymi Diosqa pampachaykuspan kaqmanta rey kananpaq churarqa.
-
¿Imatam ruwananchik Jehova Dios pampachawananchikta munaspaqa?
¿Imanasqataq mañakunanchik Diospa munaynin ruwasqa kananpaq?
¿Imanasqataq Diosta mañakuspanchikqa paypi hapipakusqanchikta qawachinanchik?
¿Imakunamantam Diostaqa mañakuchwan?
Diospa sutin chuyanchasqa kananpaq
Diospa gobiernon kay allpa pachata kamachimunanpaq
Jehova Diospa munaynin cumplikunanpaq
Imapas necesitasqanchikta quwananchikpaq
Huchanchikmanta pampachawananchikpaq
Tentacionkunamanta cuidawananchikpaq
Agradecekunanchikpaq
Entiendeq kayta, yuyayta hinaspa yachayta Jehova Dios quwananchikpaq
Qawaytaq Sl 119:34 nisqantapas.
-
Kaywan tupaq bibliapi willakuykuna:
-
1Re 3:11, 12. Rey Salomonmi Jehova Diosta mañakurqa yachayta qunanpaq, chaymi Diosqa mañakusqanmantapas aswan mastaraq quykurqa.
-
Jehova Dios atiyninta quwananchikpaq
Ñakarichisqa utaq chiqnisqa iñiqmasinchikkunata Jehova Dios yanapaykunanpaq
Jehova Diosta alabanapaq
-
Kaywan tupaq bibliapi willakuykuna:
-
Lu 10:21. Jesusmi taytanta achka runakunapa qayllanpi alabarqa llampu sunqu runakunaman allinta yachaykachisqanmanta.
-
Ap 4:9-11. Hanaq pachapi llapallan angelkunapas Diostam hatunchanku hinaspa respetanku.
-
Diosmanta willakunanchikta hinaspa Dios yupaychananchikta autoridadkuna mana harkakunankupaq
Qawaytaq Jer 29:7 nisqantapas.
¿Allinchu bautizakuchkaspa Diosta mañakuy?
¿Mañakuchwanchu iñiyninkupi unquchkaq hina kaqkunapaq?
¿Imanasqataq qarikunaqa umankuta mana tapakuspa Diosta mañakunku? ¿Imanasqataq wakinpiqa warmikuna umankuta tapakuspa mañakunku?
Wakinkum piensanku unayta mañakuptillanchik utaq qaparispa mañakuptillanchik Dios uyariwananchikmanta. Ichaqa ¿imataq Diospaqqa aswan allin uyariwananchikpaqqa?
-
Kaywan tupaq bibliapi willakuykuna:
-
1Re 18:25-29, 36-39. Baalpa profetankunata mañakunankupaq Elias niptinmi paykunaqa una-unayta diosninku Baalta mañakurqaku, ichaqa yanqapaqmi mañakusqankuqa karqa.
-
Hch 19:32-41. Mamacha Artemista yupaychaqkunam iskay horapuni qaparispankuraq mañakurqaku, ichaqa yanqapaqmi karqa. Paykunataqa llaqtapi alcaldem qaqcharurqa.
-
Kaykunatapas leeykuy
JESUSQA ÑANMI, CHIQAPMI, KAWSAY QUKUQMI
Diosta mañakuymanta hinaspa mana hatun tukuq kaymanta
Juezman sapa kuti riq viudamanta rikchanachiywanmi Jesus yachachirqa achkakama Jehova Diosta mañakunamanta.
¿Imanasqataq mañakuyta tukuruspaqa ninanchik “Jesuspa sutinpim mañakuykiku” nispa?
Wañukunanpaq huk tutallaña faltachkaptinmi Jesusqa yachachirqa paypa sutinpi mañakunankupaq.
ÑUQAYKUMANTA
Bibliamanta yachachinaykupaq willaykamuwayku
Bibliamanta utaq Jehova Diospa testigonkunamanta astawan yachay.
