Yuyaqkunamanta, yuyaqyaymanta
¿Imaynañataq kanchik yuyaqyaruspanchikqa?
Qawaytaq “Sunqunchikta tiyaykachiymanta: Unquspa utaq yuyaqña kaspa manaña imatapas ruwayta atiptinchik” niqtapas.
-
Kaywan tupaq bibliapi willakuykuna:
-
Ec 12:1-8. Yuyaqyaruspanchik imayna kasqanchikmantam kamachiq Salomon rimarqa rikchanachiykunawan. Ñawinchikpa manaña rikukusqantam tupachirqa ‘wasipa ventananmanta qawaq warmikuna tutayayta’ qawasqankuwan, rinrinchik karutaña uyarikusqantañataqmi tupachirqa ‘takiq warmikunapa takisqankuta’ manaña uyarisqanwan.
-
¿Yuyaqkunaqa kusisqa kayta atinmankuchu imawanña sasachakuspankupas utaq ñawpaqta hina imatapas manaña ruwayta atispankupas?
-
Kaywan tupaq bibliapi willakuykuna:
-
1Sa 12:2, 23. Samuelmi cuentata qukurqa yuyaqña kachkaspanpas llaqtamasinkunapaq Diosta hinalla mañakuyninqa ancha allin kasqanmanta.
-
2Sa 19:31-39. Davidmi yuyaqña Barzilaipa tukuy sunqunwan yanapasqanmanta agradecekurqa. Jerusalenman riysinanpaq David niptinmi ichaqa Barzilaiqa manaña atisqanta riqsikuspan manaña riysirqachu.
-
Sl 71:9, 18. Yuyaqyaruspanmi rey Davidqa llakisqa tarikurqa Jehova Dios serviyta manaña atisqanpi piensaspan, chaymi Jehova Diosta mañakurqa mana saqirunanpaq hinaspa kallpata qunanpaq, chaynapi qipa wiñaykunaman paymanta hinalla willakunanpaq.
-
Lu 2:36-38. Profetisa Anam Diosman sunqu kasqanrayku yuyaqña kaspanpas bendecisqa karqa.
-
¿Imaynatam yachanchik Jehova Diosqa yuyaqkunata anchata kuyasqanmanta?
Sl 92:12-14; Pr 16:31; 20:29; Is 46:4; Tit 2:2-5
-
Kaywan tupaq bibliapi willakuykuna:
-
Ge 12:1-4. Abrahan 75 watanpiña kachkaptinmi Jehova Dios nirqa imata ruwananpaq.
-
Da 10:11, 19; 12:13. Daniel 90 masnin watayuqña kachkaptinmi angel nirqa Jehova Diospa ancha kuyasqan kasqanta, nirqataqmi bendecinanmantapas.
-
Lu 1:5-13. Jehova Diosmi yuyaqña Zacariastawan Elisabetta bendecirqa, chaymi yuyaqña kachkaptinkupas warmanku Juan nacerurqa.
-
Lu 2:25-35. Jehova Diosmi yuyaqña Simeonman qawaykachirqa suyasqanku Mesias wawachata, chaymantam Simeonqa Diospa atiyninwan willakurqa qipakunaman Mesias imakuna ruwananmanta.
-
Hch 7:23, 30-36. Moisestam 80 watayuq kachkaptinña Jehova Dios nirqa serviqninkunamanta nanachikunanpaq.
-
¿Imaynam yuyaq iñiqmasinchikkunawan kananchik?
-
Kaywan tupaq bibliapi willakuykuna:
-
Ge 45:9-11; 47:2. Jacob yuyaqña kachkaptinmi churin Josey hichpanpi yachananpaq pusachimurqa hinaspam wañukunankama uywakurqa.
-
Rut 1:14-17; 2:2, 17, 18, 23. Sumaq siminwan rimapayaspanmi hinaspa imatapas paypaq ruwaspanmi Rutqa yuyaqña suedran Noemiyta yanapallarqa.
-
Jn 19:26, 27. Jesusmi qirupi warkuruptinku wañukunanpaqña kachkaspanpas mamanta atiendenanpaq amistadnin Juanta nirqa.
-
¿Imakunata ruwaspam yanapachwan yuyaqña iñiqmasinchikkunata?