3 KAQ PARTE
¿Imaynam vida karqa Eden huertapi?
Diosmi tukuy imata qurqa Adanmanwan Evaman (Genesis 1:28).
Diosmi unancharqa Eva sutiyuq punta kaq warmita, hinaspam Adanman qurqa señoran kananpaq (Genesis 2:21, 22).
Diosmi Adantawan Evataqa unancharqa piensayninkupi hinaspa cuerponkupi mana pantaqta.
Eden sutiyuq sumaq huertapim kawsarqaku, chaypim karqa sumaq sachakuna, animalkuna hinaspa huk mayu. Sumaq paraisom karqa.
Jehova Diosqa paykunawanmi rimaq, hinaspam yachachiq. Chaypi wiñaypaq kawsanankupaqqa Diostam uyarinanku hinaspa kasukunanku karqa.
Diosmi kamachirqa huknin sachapa rurunta ama mikunankupaq (Genesis 2:16, 17).
Huk angelmi Diospa contranpi hatarirurqa. Chay mana allin angelpa sutinmi satanas diablo.
Diosmi Adantawan Evata nirqa Eden huertapi huknin sachapa rurunta ama mikunankupaq. Mikuruspankuqa wañunankum karqa.
Satanasqa manam munarqachu Jehova Diosta kasukunankutaqa. Culebrantakamam Evata rimapayarqa mana mikuna sachapa rurunta mikuruspaqa mana wañunanmanta. Aswanqa Dios hina kananmantam nirqa. ¡Hatun llullamá chayqa karqa! (Genesis 3:1-5).
Kaykunatapas leeykuy
BIBLIAPA ANCHA ALLIN YACHACHIKUYNINKUNA
¿Imapaqtaq Diosqa kay allpa pachata unancharqa?
Kay allpa pachanchikqa suma-sumaqmi. Intimantapas karuniqchanpim kachkan inti mana paqwayta ruparunanpaq, alliniqllamantataqmi muyunpas, sumaq takyachisqataqmi kachkanpas. ¿Imapaqtaq Diosqa kay pachanchikta suma-sumaqta unancharqa?
BIBLIA ¿IMATAM YACHACHIN?
Unanchaqninchikmi runakunaman sumaq huertata qon
¿Imakunatam Biblia willawanchik runakuna unanchasqa kasqanmanta? ¿Imakunatam Jehova Dios kamachirqa punta tayta-mamanchik?
