Layqa ruwananchiktam satanasqa munan. Achka runakunam ayllunku wañukuptin misachinku, hinaspapas imaymana costumbrekunatam ruwanku imanarunantapas piensaspanku. Chaykunatam ruwanku wañuqkunata hinaspa demoniokunata manchakuspanku. Runakunaqa warmachankupa makinmanmi wayrurukunata watanku, chaymantapas tukuytam tomanku utaq cuerponkutam hampikunawan qaqukunku mana allinkunamanta harkasqa kanankuta piensaspanku. Wakinkunañataq wasinkupi churanku anku kichkakunata, herrajekunata chaynataq tukuy imakunatapas. Hukkunañataqmi qurakunata servichikunku negocion allin kananpaq, examenta allinta qunankupaq utaq warmiyuq kanankupaqpas.

Jehova Diosta kuyaptinchikqa paymi satanasmanta waqaychawasun. Jehova Dioswan angelninkunam aswan atiyniyuqqa kanku satanasmantawan demoniokunamantaqa (Santiago 2:19; Apocalipsis 12:9). Jehova Diosqa anchatam munachkan tukuy sunquwan kasukuqninkunata atiyninwan yanapaykuyta (2 Cronicas 16:9).

Diospa Palabranmi nin: “Amam qamkuna ukupiqa kanqachu adivinaqkuna [...] nitaq layqakunapas”, nispa. Jehova Diosqa chiqninmi layqa ruwayta hinaspa adivinaqkunatapas, chay ruwaykuna satanaspa munaychakusqan kasqanrayku (Deuteronomio 18:10-12).