Puntataqa satanas diablom Diostaqa qipancharurqa. Satanasqa Jehova Diospa contranpi hatariq angelmi. Kunanpas hinallam satanasqa Diospa contranpi kachkan hinaspapas runakunatam tukuywan sasachachkan. Satanasqa mana allin ruwaqmi, llullam hinaspapas runa wañuchiqmi (Juan 8:44).

Huk angelkunapas Diospa contranpi huqarikuspankum satanaswanña hukllawakurqaku. Bibliaqa chay angelkunatam sutichan “demoniokuna” nispan. Demoniokunapas satanas hinam runakunata chiqnin. Runakunata ñakarichispam kusikunku (Mateo 9:32, 33; 12:22). Ichaqa Jehova Diosmi satanastawan demoniokunataqa wiñaypaq chinkachinqa. Pisi tiempollañam paykunaqa runakunata ñakarichinqaku (Apocalipsis 12:12).

Dioswan kuyachikuyta munaspaqa manam satanaspa munasqanman hinaqa ruwananchikchu. Satanaswan demonionkunaqa Jehova Diostam chiqninku hinaspapas munankum Diosta qipanchananchikta. Chaymi kikinchik akllakunanchik Jehova Diosta kusichinapaq utaq satanaspa munasqanta ruwanapaq. Wiñaypaq kawsakuyta munaspaqa Diospa munasqanman hinam kawsananchik. Satanasqa yachanmi tukuy ima tuqllankunawan runakunata pantarachiyta. Chay tuqllakunawanmi lliw runakunata pantachichkan (Apocalipsis 12:9).