Jesucristoqa Jehova Diospa ancha kuyasqan churinmi. Manaraq kay pachapi runa hina kawsachkaspam Jesusqa atiyniyuq angel hanaq pachapi karqa (Juan 17:5). Hinaspam kay pachaman hamurqa Diosmanta chiqapta runakunaman yachachinanpaq (Juan 18:37). Vidantapas qurqam kasukuq runakunata huchamantawan wañuymanta librananpaq (Romanos 6:23). Diospa munaychakuyninpim Jesusqa hanaq pachapi kamachichkanña, pay kamachimuptinmi kay allpa pachaqa kuyayllapaqta huertayanqa (Apocalipsis 19:16).

Angelkunapas Dioswanqa kuyachikunkum. Angelkunaqa hanaq pachapim unanchasqa karqaku manam kay pachapichu. Paykunaqa kay allpa pacha manaraq unanchasqa kachkaptinmi hanaq pachapi karqakuña (Job 38:4-7). Kachkanmi wara-waranqantin angelkuna (Daniel 7:10). Dioswan kuyachikuq llapallan angelkunam munanku lliw runakuna Jehova Diosmanta yachanankuta (Apocalipsis 14:6, 7).

Dioswan kuyachikuqkunaqa kachkanmi kay pachapipas, paykunaqa testigonkunam kanku. Juezpa qayllanpi tarikuq testigoqa yachasqanmanta, uyarisqanmanta hinaspa qawasqanmantam willakun. Jehova Diospa testigonkunapas runakunamanmi willakunku Diosmanta hinaspa munayninmantapas (Isaias 43:10). Angelkunapas hinaspa Jehova Diospa testigonkunapas munankum Diosmanta chiqapta yachanaykita. Munankutaqmi qampas Dioswan kuyachikunaykita.