37 YACHACHIKUY
¿Imatam biblia nin llamkaymantawan qullqimanta?
Wakinpiqa llamkayninchik utaq qullqinchik mana kaptinmi llakisqa tarikuchwan, chayqa sasachawachwanmi Jehova Dios serviyninchikpi. Chaykunawan mana hukmanyarunapaqmi bibliapi yachachikuykuna yanapawasun.
1. ¿Bibliaqa ima nintaq llamkaymanta?
Diosqa llamkayninchikwan kusisqa kananchiktam munan, chaymi bibliapipas nin: ‘Runapaqqa allinqa kanman anchata llamkasqanmanta mikukuspa tomakuspa kusikuymi’, nispa (Eclesiastes 2:24). Jehova Diosqa allin llamkaqmi, payta qatipakuspa allin llamkaq kaspaqa kusisqam kasun.
Llamkaspam qullqita tarinchik mikunapaq hinaspa pachakunapaq, ichaqa manam allinchu kanman qullqi maskayman qukuruspa Jehova Dios serviyta saqiruyqa (Juan 6:27). Jehova Diosqa payta serviptinchikqa manam pachanchikmantawan mikunanchikmantaqa usuchiwasunchu.
2. ¿Imanasqataq qullqi maskayllamanqa mana qukurunanchikchu?
Bibliapim niwanchik qullqiqa imapaqpas yanapawasqanchikta, chaywanpas qullqiqa manam kusikuytaqa quwanchikmanchu (Eclesiastes 7:12). Chaymi bibliaqa niwanchik qullqi maskayllamanqa mana qukurunapaq, aswanqa niwanchikmi ‘imam kapuqllanchikwan hawka kawsakunapaq’ (leey Hebreos 13:5). Tukuy imayuq kayta munaspaqa uma nanaytam tarisun, chaymantapas kaypi-chaypim manullaña rikurirusun (Proverbios 22:7). Kapuqllanchikwan kusisqa kaspaqa manam qullqipaq pukllaykunamanpas chayasunchu.
3. ¿Imaynatataq qullqita allinta servichikuchwan?
Jehova Diosqa qukuykuqmi, chaymi ñuqanchikpas ‘sunqumanta qukuykuq hinaspa imanchiktapas haywakuykuqllaña kananchik’ (1 Timoteo 6:18). Chaymi huñunakusqanchikpipas qullqichanchikwan imapaqpas yanapakunchik. Mayqin iñiqmasinchikpapas qullqichan mana kaptinqa yanapaykunchikmi. Jehova Diosqa qawan manam achka qusqanchiktachu, aswanqa sunqumanta qusqanchiktam. Qukuykuq kaspanchikqa kusisqam tarikunchik, Jehova Diospas kusikunqam (leey Hechos 20:35).
ASTAWAN YACHAYKUSUN
Llamkayllaman mana qukuruspa kapuqllanchikwan kawsakuy imanasqa allin kasqanmanta yachaykusun.
4. Allin llamkaqyá kasun Diosta hatunchanapaq
Jehova Diosta serviqkunaqa allin llamkaqmi kananchik. VIDEOTA qawaykuychik hinaspa qatiqninmanta rimariychik:
-
Videopi qawasqanchik Jehova Diospa testigonqa, ¿imayna llamkapakuqtaq karqa, hinaspa imaynam llamkayninpi tarikurqa?
-
¿Imam payta yanaparqa llamkayllaman mana qukurunanpaq?
Leeychik Colosenses 3:23, 24 hinaspa qatiqninmanta rimariychik:
-
¿Imanasqataq imapiña llamkapakuspapas allinta llamkananchik?
Llamkayraykuqa manam Jehova Dios serviytaqa nitaq ayllunchiktaqa saqirunanchikchu.
5. Kapuqllanchikwan kawsakuyqa allinmi
Runakunaqa achka qullqiyuq kanankupaqmi tukuyta ruwanku, bibliapim ichaqa niwanchik imata ruwaspa kusisqa kanamanta. Leeychik 1 Timoteo 6:6-8 hinaspa qatiqninmanta rimariychik:
-
Bibliapa nisqanman hinaqa, ¿imata ruwaspam kusisqa kachwan?
Mana ancha kapuqniyuq kaspapas kusisqam kachwan. VIDEOTA qawaykuychik hinaspa qatiqninmanta rimariychik:
-
¿Imanasqataq videopi qawasqanchik familiakunaqa aslla qullqiyuq kaspankupas kusisqa tarikunku?
Jesusmi yachachirqa qullqinchik kachkaptinpas aswanraq munayqa mana allin kasqanta. Leeychik Lucas 12:15-21 hinaspa qatiqninmanta rimariychik:
-
¿Imatataq yacharunki Jesuspa willakusqanmanta? (Kaqmanta leeykuychik 15 versiculota).
Leeychik Proverbios 10:22 hinaspa tupachiychik 1 Timoteo 6:10 nisqanwan, chaymantañataq qatiqninmanta rimariychik:
-
¿Mayqintaq aswan allin: Jehova Dioswan kuyachikuychu, icha achka qullqiyuq kaychu? ¿Imanasqa?
-
¿Qullqi maskayllamanña qukuruspaqa imapitaq tukuruchwan?
6. Jehova Diosqa imapas pisipuwaqninchiktam quwasunchik
Llamkayninchik utaq qullqinchik mana kaptinmi astawanraq Diospi hapipakunanchik. VIDEOTA qawaykuychik sasachakuypi kaptinchik ima yanapawananchikmanta yachanapaq, hinaspa qatiqninmanta rimariychik:
-
¿Imamantataq llakisqa karqa videopi qawasqanchik iñiqmasinchik?
-
¿Imataq yanaparqa chayna llakipi tarikuptin?
Leeychik Mateo 6:25-34 hinaspa qatiqninmanta rimariychik:
-
¿Imaynatam Jehova Diosqa uywakuwasun paypa munasqanta puntata ruwaptinchikqa?
WAKIN RUNAKUNAM NINKU: “Huñunakuyman sapa semana riptiyqa, ¿pitaq warmiyman churiykunaman mikuchinqa?”, nispa.
-
¿Bibliapi mayqin textotaq yanapasunki Diosqa imapas pisipusuqnikita qusunaykimanta mana iskayrayanaykipaq?
YUYARIYKUSUN
Llamkaspam qullqita tarinchik mikunapaq hinaspa pachakunapaq, ichaqa manam allinchu kanman qullqi maskayman qukuruspa Jehova Dios serviyta saqiruyqa.
¿Ima niwaqtaq?
-
¿Imataq yanapawasun llamkayllamanña mana qukurunapaq?
-
¿Imanasqataq kapuqllanchikwan kawsakuyqa allin kanman?
-
¿Imanasqataq mana llakikunanchikchu mikunanchikmantawan pachanchikmantaqa?
ASTAWAN YACHANAYKIPAQ
Yachaykuy qullqimanta biblia ima nisqanta.
“¿Qullqichu apamun ñakariykunata?” (Tarinkim jw.org nisqanpi)
Qukuykuq kaptinchikqa Jehova Diosmi kusikun. Chaymanta kaypi leeykuy.
“¿Imatam yachachiwanchik bibliaqa qukuykuq kanamanta?” (Tarinkim jw.org nisqanpi)
¿Qullqipaq pukllayqa huchachu kanman? Chaymanta kaypi yachaykuy.
“Imatam biblia nin: Qullqipaq pukllaymanta” (¡Rikchariy!, mayo-junio 2015)
¿Imataq yanaparqa suwakuq hinaspa qullqipaq pukllaq runata manaña chayna kananpaq? Paymanta kaypi leeykuy.
“Caballowan kallpaptinkum mayqan ganananpaq apuestaq kani” (Willakuq, noviembre 2011)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
